A na ɩ à ŋá a, fʋ na yel bɛ na: “Nyɩ ɩ n a nɩ-bʋʋrɛ bɛl na bɛ bɛrɛ wone a Sore bɛ Naaŋmɩn a, nɩ-bʋʋrɛ na zawrɛ a ʋ wulu bɛrɛ a. A nyɩ zie a, a yel-mɩŋa kpi na, nɩr za bɛ cãà pore a ʋ yúor ɛ.”»
Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.
A yele a Naaŋmɩn maalʋ na wa n a, nɩ a yele nɩ-been yõ yel-bier na wa n a, mɩ̀ bɛ zɛ̃ taa ɩ: bʋ̃ʋ n'ʋ vɛ̃, nɩ-been yõ yel-bier ƴãw a, a ƴɛ̀rʋ maal'a, a tɩ yi dɔwrʋ, ɛ́ sãwna yaga yaga ƴãw, a Naaŋmɩn maalʋ ʋ na tɩrɛ zawla a, mɩ́ ɩ na bɛ ɩ nɩ-mɩn.
A na ɩ à ŋá a, nyɩnɛ n'a a yã-bãwnɛ be? Nyɩnɛ n'a a Naaŋmɩn wulu bãw-bãw-kara be? A dɩ̃a zie ŋa pʋɔ ƴɛ̀r-bãw-ƴɛ̀rɛ wa? A Naaŋmɩn bɛ ɩ a tẽ-daa yã-bãwfʋ lɩɛbɩ gẽgemi ɛ?
Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.