1 Korɛ̃tɩ 10:22 - A SƐB-SÕW

²² Bɩɩ tɩ bɔbr'a kɛ́ tɩ ɩ a Sore nyuur ìr bɩɩ? Tɩ tɛr'ɩ fãw zuo ʋ bɩɩ?

1 Korɛ̃tɩ 10:22 ပူးပေါင်းရင်းမြစ်များ

1 Na-mɩnɛ 14:22

A Zuda dɔwlʋ nɩbɛ tɩ ɩ n a lɛ na bɛ vɩɛl a, a Sore zie. Bɛ tɩ sãw nɩ a ʋ suur nɩ a bɛ yel-bebe, zuo a lɛ a bɛ sãàkʋm-kore na tɩ ɩ a.

A Zɔb sɛbɛ 9:4

Yã-bãwfʋ za nãà nɩ fãw za sob, ãa n'ʋ ga bawr a ʋ zu ɛ́ bɛ nyɛ̃ a?

Sɛb-sõw yielu 78:58

Bɛ tɩ tɛr'ɩ a bɛ maalʋ-ziir, ƴãw k'a Sore nyɛ̃ suur, bɛ tɩ tɛr'ɩ a bɛ ŋmɩmɛ dasuli, ɩ kɛ̀ nyuur ɩrɛ ʋ.

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Eziptɩ tẽw yib 34:14

Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob”, ɩ̃ ɩ n Naaŋmɩn na kpɛ nyuur a.

Ekilezɩasɩ 6:10

Bom za na be a, bɛ tɩ dãw na bãw ʋ, ɛ́ tɩ bãw nɩ vla a sob nɛ na n'ɩ a nɩsaal a: ʋ kʋ̃ tʋ̃ɔ́ ŋmɛ nɔkpɛn nɩ nɩr na kpɛmɛ zuo ʋ a ɩ.

Ɩzayi 45:9

Baw-bio n'a, a nɩr fʋ na nyɛ̃ ʋ zɛbr'ɩ a sob nɛ na maalɩ ʋ a. A nɩsaal ɩ na mɛ̃ tanɛ laa a la-taabɛ pʋɔ a. A yawra na sowre nɩ a sob na mɩɛr'ɩ ʋ a: «Bʋ̃ʋ n'ʋ fʋ ɩrɛ ɛ? A fʋ laa bɛ tɛr pɛr ɛ.»

Zeremi 44:8

Bʋ̃ʋ n'ʋ vɛ̃, nyɩ damnɛ mɛ̃ nɩ suur nɩ a nyɩ ɩ-ɩrɩ: nyɩ maalɛ nɩ bagɛ kʋ̀rɛ ŋmɩn-yoru a Eziptɩ tẽw pʋɔ ka nyɩ na wa kpɩɛr a. Nyɩ na ɩrɛ na tɩ ƴãw bɛ kʋ nyɩ pàw pɛr, ɛ́ nyɩ lɩɛbɩ ŋmɛ-ƴãw nɩ zʋmɛ bom, a nɩ-bʋʋr-yoru sɔgɔ a tẽ-daa za zu.

Zeremi 7:19

A Sore yere na: «Mãa n'ʋ bɛ ɩrɛ a kpɩɛr ɩ? Aɩ, a bɛl tɛɛ za nɛbɛ, ɛ́ a tɩ sɛw na k'aa ɩrɛ bɛ vĩ.»

Ezekɩɛl 22:14

Nyɩ na tɛr'ɩ kanyir nɩ fãw a sɛw a ʋlɩ bibir nɛ ɩ̃ nãà wa ìr a nyɩ ƴãw a a? A mãa Sore n'ʋ ƴɛ̀rɛ, ɛ́ tuur a lɛ ɩ̃ na yel a.

Sofoni 1:18

A bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ a Sore suur bibir ɛ. A ʋ suur vũu na dɩ n a tẽw za. A na sɩrɩ na ɩrɛ dɛ̃bɩ̃ɛ yaga: ʋ na kʋ n a tẽw zu nɩbɛ za pàw pɛr.

Wulu-ayi-sob 32:16

A Ɩsɩrayɛl nɩbɛ tɩ ɩrɛ nɩ ɩb na bɛ maal'ɩ wob a, ƴãw a Sore nyɛrɛ suur. Bɛ tɩ maalɛ nɩ ŋmɩn-yoru ɩ kɛ̀ nyuur ɩrɛ ʋ.

Wulu-ayi-sob 32:21

Bɛ tɛr'ɩ ŋmɩn-ziri, ƴãw k'ɩ̃ kpɛ nyuur. Bɛ ɩ na nɩ a bɛ tɩɩb-zawlɛ, a ɩ̃ suur ìr. Mãa a, nɩbɛ na bɛ ɩ nɩ-bʋʋrɛ mɩ̀ a nɛbɛ, ɩ̃ na ɩ na kɛ̀ bɛ kpɛ nyuur. Nɩ-bʋʋrɛ na bɛ bãw yã a nɛbɛ, ɩ̃ na ɩ na a bɛ suur ìr.

Wulu-ayi-sob 4:24

Bʋ̃ʋ n'ʋ vɛ̃, a Sore nyɩ Naaŋmɩn ɩ n vũu na dɩrɛ bom za a, ʋ ɩ n Naaŋmɩn na kpɛ nyuur a!

Wulu-ayi-sob 6:15

Bʋ̃ʋ n'ʋ vɛ̃, a Sore nyɩ Naaŋmɩn na be a nyɩ sɔgɔ a ɩ n Naaŋmɩn na kpɛ nyuur a. Nyɩ gù vla taa damnɛ a ʋ suur ɛ, ʋ nãà mab'a ɩ nyɩ kpi pàw pɛr a tẽw zu.

Ebre 10:31

A Naaŋmɩn na vʋʋrɛ a na na ƴãw fʋ nũú a, a ɩrɛ nɩ dɛ̃bɩ̃ɛ bɛ dɩ vuo ɩ!

Zozue 24:19

Lɛ n'a a Zozue tɩ yel a Ɩsɩrayɛl nɩbɛ: «Nyɩ kʋ̃ tʋ̃ɔ́ maalɛ a Sore ɩ, bʋ̃ʋ n'ʋ vɛ̃, Naaŋmɩn na ɩ sõw a n'ʋ, Naaŋmɩn na bɛ sàwr nyɩ maalɛ ŋmɩn-yoru a n'ʋ, nyɩmɛ wa zawr'ʋ bɛr a, nɩ nyɩmɛ wa maalɩ yel-bier a, ʋ bɛ bɛrɛ nyɩ ɛ.