1 Korɛ̃tɩ 10:21 - A SƐB-SÕW

²¹ Nyɩ kʋ̃ tʋ̃ɔ́ mɩ́ nyũ a Sore koli-nyúura ɛ́ mɩ̀ lɛb nyũ a kɔ̃tɔmɛ dem ɛ, nyɩ kʋ̃ tʋ̃ɔ́ mɩ́ pʋɔ a Sore dɩb pʋɔ ɛ́ mɩ̀ lɛb pʋɔ a kɔ̃tɔmɛ dem pʋɔ ɩ.

1 Korɛ̃tɩ 10:21 ပူးပေါင်းရင်းမြစ်များ

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

Ɩzayi 65:11

Ɛcɛ a nyɩɩm a, nyɩ zawrɩ mɛ̃ na bɛr, nyɩ yiir'ɩ a ɩ̃ tãw-sõw bɛr, nyɩ kʋ̀rɛ nɩ bʋ̃-dɩrɩ a Gadɩ, a bawson ŋmɩn, nyɩ kʋ̀rɛ nɩ divɛ̃ na jɛr taa a a Meni, a lɛ a yele na na ɩ a baarʋ daar a ŋmɩn.

Zeremi 44:8

Bʋ̃ʋ n'ʋ vɛ̃, nyɩ damnɛ mɛ̃ nɩ suur nɩ a nyɩ ɩ-ɩrɩ: nyɩ maalɛ nɩ bagɛ kʋ̀rɛ ŋmɩn-yoru a Eziptɩ tẽw pʋɔ ka nyɩ na wa kpɩɛr a. Nyɩ na ɩrɛ na tɩ ƴãw bɛ kʋ nyɩ pàw pɛr, ɛ́ nyɩ lɩɛbɩ ŋmɛ-ƴãw nɩ zʋmɛ bom, a nɩ-bʋʋr-yoru sɔgɔ a tẽ-daa za zu.

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

1 Korɛ̃tɩ 10:16

A yãanɩ koli-nyúura tɩ na mɩ́ puore nɩ a yãanɩ a, a Kɩrɩta zɩ̃ɩ pʋɔ bɛ n'a tɩ mɩ́ pʋɔ ɩ? A dipɛ̃ tɩ na mɩ́ ŋmarɛ pone a, a Kɩrɩta ƴã-gan pʋɔ bɛ n'a tɩ mɩ́ pʋɔ ɩ?

1 Korɛ̃tɩ 8:10

Bʋ̃ʋ n'ʋ vɛ̃, nɩr wa nyɛ̃ a fʋ̃ʋ na bãw a, fʋ zɩ̃ a tɩbɛ yir pʋɔ dɩrɛ a, mɛ̃ ʋ taa mɩ̀ na bɔbr a tɩbɛ bàwr-nɛnɛ 'wɔbrʋ, ʋl a tɩɛrʋ na bɛ kpɛmɛ a?