1 Korɛ̃tɩ 10:13 - A SƐB-SÕW

¹³ A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.

1 Korɛ̃tɩ 10:13 ပူးပေါင်းရင်းမြစ်များ

Sɛb-sõw yielu 124:7

Tɩ faa na yi, mɛ̃ lile a, a lili-nyɔwrɛ bɛra pʋɔ: a bɛra ŋmãa na tɩ faa yi.

Sɛb-sõw yielu 125:3

Na-faa kʋ̃ dɩrɛ naalʋ a nɩ-mɩn tẽw pʋɔ ɩ. Alɛ bɛ ɩ lɛ, bɛ mɩ̀ na bɔbr'a kɛ́ bɛ pʋɔ a ɩ-faa maalʋ pʋɔ.

Sɛb-sõw yielu 36:5

A ʋ bʋ̃-gana zu n'a ʋ mɩ́ tɩɛrɩ a faa, ʋ kpãa nɩ tobr tuur sɔ́r na bɛ vɩɛl a, ʋ bɛ zawrɛ a yel-faa bɛrɛ ɩ.

Sɛb-sõw yielu 89:33

dabɔl'ʋ ɩ̃ na de kpãa nɩ bɛ a bɛ nʋɔr-zawrʋ ƴãw, ŋmɛb'a ɩ̃ na ŋmɛ bɛ wul a bɛ sãwna.

Eziptɩ tẽw yib 3:17

ɛ́ yel: Ɩ̃ na ír nyɩ nɩ a Eziptɩ tẽw wʋ̀ʋr pʋɔ cen nɩ a Kanãa tẽw dem tẽw, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw, tẽw bʋ̀rʋ nɩ sɩwr na gbɔlɛ a.”

Ɩzayi 11:5

A mɩnʋ nɩ a yel-mɩŋa na ɩ n a ʋ zie mɛ̃ kpàwr bɛ na mɩ́ sɛ a sɩɛmɩ́ kʋralɛ a.

Ɩzayi 25:1

Sore e, fʋ̃ʋ n'ɩ a ɩ̃ Naaŋmɩn, ɩ̃ zɛwr fʋ na ɛ́ íre a fʋ yúor. Bʋ̃ʋ n'ʋ vɛ̃, fʋ maal'ɩ a yel-vɩɛlɩ fʋ na tɩɛrɩ a. Koro za n'a fʋ tɩɛrɩ a, a gã na ɛ́ bɛ lɩɛbɛ ɩ.

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Zeremi 12:5

A Sore yere na: «Fʋ̃ʋ kʋ̃ wa tʋ̃ɔ́ zɔ tu nɩbɛ na zɔrɛ nɩ gbɛ́ɛ a, ŋmɩŋmɩn n'a fʋ̃ʋ nɩ wie na dãw taa? Tẽw ƴã-ɓaarʋ na be a yõ pʋɔ wa n'a fʋ mɩ́ bɛr tɩɛrʋ a, ŋmɩŋmɩn n'a fʋ na ɩ a Zurdɛ̃ man nʋɔr va-pɔrɛ pʋɔ?

Zeremi 29:11

A mãa, a Sore, ɩ̃ bãw nɩ a yele al ɩ̃ na tɩɛrɛ a nyɩ ƴãw a, ɩ̃ɩ yere na kʋ̀rɛ nyɩ: kpɩɛrʋ yele bɛ n'a ɩ̃ tɩɛrɛ ɩ, nʋ̃ɔ̀ yele n'a. Ɩ̃ bɔbr'a k'ɩ̃ɩ kʋ̀ nyɩ nɩdaar nyɩ na na ƴãw a nyɩ tɩɛrʋ a ʋ ƴãw a.

A Lãw-mʋɔlɛ 3:23

A ʋ vɩɛlʋ-ɩb nɩ a ʋ nɔ̃wfʋ mɩ́ lɩɛb'ɩ paalɛ biɓaarɛ za. Sore e, a fʋ na ŋmɛ̃ a fʋ ŋmɛ̃a a sɩrɩ na ɩ kpɛ̃ɛ.

A naaŋmɩn-ƴèr-manɛ Oze sɛbɛ 2:20

A ʋlɩ bibir nɛ a, mãa nɩ a wɛ-dʋn, a saa-zu lili nɩ a tẽsɔw bʋ̃-vuri na maal'ɩ wõ-taa a ɩ̃ nɩ-bʋʋrɛ ƴãw. Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr, ɛ́ sãw a za bɛr, a kʋ̃ cãà a tẽw pʋɔ ɩ, ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

Luka 11:4

Dɩ a tɩ yel-bebe suur kʋ̀ tɩ. Bʋ̃ʋ n'ʋ vɛ̃, a tɩɩm tɛɛ za mɩ̀ mɩ́ dɩ n suur kʋ̀ a bɛlɩ dem za na sãw tɩ a. Ta sàw a bɛ̀lʋ ta tɩ ɛ.”»

Luka 16:26

À ŋá za fʋ na saa yere a, bɛ ƴãw nɩ gbʋlãkpow-kpɛ̃ɛ a nyɩɩm nɩ a tɩɩm cará, kɛ́ a bɛlɩ dem nãà wa bɔbr kɛ́ bɛ mɩ́ wa a nyɩ zie a, bɛ ta tʋ̃ɔ́ ɩ, ɛ́ nɩr mɩ̀ ta mɩ́ yi a nyɩ zie be ɛ́ wa a tɩ zie ka ɩ.”

Luka 22:46

Ʋ tɩ yel bɛ na: «Bʋ̃ʋ n'ʋ ɩ nyɩ gúre? Nyɩ ìr puore k'aa bɛ̀lʋ taa tarɛ nyɩ ɛ.»

Nɩ-toni 27:44

ɛ́ a ŋmaarɛ a, kɛ́ bɛ nyɔw dapawli bɩɩ a gbor na wɛl yaarɩ a bʋ̃-kãw tuur'ɩ. A ŋa n'a bɛ ɩ bɛ za tʋ̃ɔ́ ta a tẽw, ɛ́ bom bɛ ɩ a bɛ kãw za ɩ.

1 Korɛ̃tɩ 1:9

A Naaŋmɩn ŋmɛ̃ n ʋ ŋmɛ̃a, ʋl na bʋɔlɩ nyɩ kɛ́ nyɩ wa lãw nɩ a ʋ Bie tɩ Sore Yeezu Kɩrɩta a.

2 Korɛ̃tɩ 1:10

Ʋlɛ n'ʋ faa tɩ a kũu ŋa tɔ ƴãw, ɛ́ na cãà faa tɩ. Ʋl ƴãw n'a tɩ ƴãw a tɩ tɩɛrʋ, ʋ na cãà na faa tɩ.

Wulu-ayi-sob 7:9

Nyɩ bãwnɩ a k'aa Sore nyɩ Naaŋmɩn n'ɩ a Naaŋmɩn-sɩza been yõ. Ʋ ŋmɛ̃ n ʋ ŋmɛ̃a, ɛ́ mɩ́ tɛr a ʋ wõ-taa nɩ a ʋ nɔ̃wfʋ tɩ ta a nɩbɛ na dɔw tu taa gb'aa túr a, a bɛlɩ dem na nɔnɛ ʋ ɛ́ sàwr a ʋ nɛ-ƴãwnɩ a zie.

1 Tesalonikɩ 5:24

A sob nɛ na bʋɔlɛ nyɩ a ŋmɛ̃ n ʋ ŋmɛ̃a, ʋ na maal'ɩ à á ŋá za.

2 Tesalonikɩ 3:3

Ɛcɛ a Sore ŋmɛ̃ n ʋ ŋmɛ̃a: ʋ na kʋ̀ nyɩ nɩ fãw ɛ́ piw nyɩ tɛr a Faalʋ sob ƴãw.

2 Timote 4:18

A Sore na cãà na lɛb faa mɛ̃ yel-faa za pʋɔ. Ʋ na faa mɛ̃ na ɛ́ ƴãw ɩ̃ kpɛ a ʋ tẽ-vla Naalʋ pʋɔ. Ʋlɛ so yúor-vɩɛlʋ-danʋ a yome yome za. Amɛn.

Ebre 10:23

Tɩ na yere kɛ́ tɩ ƴãw nɩ a tɩ tɩɛrʋ a Naaŋmɩn ƴãw a, tɩ tɛr ʋ kpɛ̃w za, bʋ̃ʋ n'ʋ vɛ̃, a Naaŋmɩn na ƴãw a nʋɔr a ŋmɛ̃ n ʋ ŋmɛ̃a.

Ebre 11:11

A sàw-deb zũú n'a Saara mɩ̀ tɩ páw a bie dɔwfʋ fãw, ʋ na saa tɩ kor baar'a. Ʋ na tɩ sàw k'aa Naaŋmɩn na ƴãw a nʋɔr a ŋmɛ̃ n ʋ ŋmɛ̃a a.

Ebre 12:4

A zɛbr nyɩ na zɛbr'ɩ a yel-bier a, nyɩ cãà bɛ zɛb tɩ kpi n sɛr ɛ,

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

1 Pɩɛr 4:19

A na ɩ à ŋá a, a bɛlɩ dem na wone tuo mɛ̃ a lɛ a Naaŋmɩn na bɔbr a, bɛ de a bɛ mɩŋa za ƴãw a bɛ Íre na ŋmɛ̃ ʋ ŋmɛ̃a a nuru pʋɔ, ɛ́ cãà ɩrɛ a vla.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.

1 Zã 1:9

Ɛcɛ tɩmɛ wa yere a tɩ yel-bebe kʋ̀rɛ a Naaŋmɩn a, ʋ ŋmɛ̃ n ʋ ŋmɛ̃a ɛ́ ɩ nɩ-mɩŋa, ʋ na dɩ n a tɩ yel-bebe suur kʋ̀ tɩ ɛ́ pɛ́w a tɩ yel-faar za dɛwr bɛr.

Yel-wula 19:11

Al pùorí, ɩ̃ tɩ nyɛ̃ nɩ a salom ʋ yuo, ɛ́ wur-pla sãá. A ʋ zɔmnɛ dɩ na kɛ́ Pùor-bɛ-lɛbrɛ nɩ Mɩŋa sob. Ʋ maalɛ nɩ a ƴɛ̀rʋ ɛ́ zɛbr a zɛbr nɩ mɩnʋ.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.

1 Samɩɛl 29:10

A na ɩ à ŋá a, bio biɓaar-pipi a, fʋ̃ʋ nɩ a fʋ tõ-tõ-biir na bɩɛlɩ fʋ a, nyɩ ìr lɛb cen a zie ʋl ɩ̃ na kʋ̀ nyɩ, nyɩ kpɩɛr a. Ta tɩɛrɛ faa a ɩ̃ ƴãw ɛ, ɩ̃ pʋɔ pɛlɩ nɩ a fʋ ƴãw. Nyɩ dãwnɩ ìru, ɛ́ a zie wa vɩɛrɛ wa báarɛ a, nyɩɩm cere.»