1 Korɛ̃tɩ 1:24 - A SƐB-SÕW

²⁴ Ɛcɛ a bɛlɩ dem a Naaŋmɩn na bʋɔlɩ a zie a, bɛ ɩ n Zifʋ bɩɩ Gɩrɛkɩ a, a bɛl zie a, ʋ ɩ n a Kɩrɩta, ʋl na ɩ a Naaŋmɩn kpɛnʋ nɩ a Naaŋmɩn yã-bãwfʋ a.

1 Korɛ̃tɩ 1:24 ပူးပေါင်းရင်းမြစ်များ

Zʋkpaɩ 8:1

A Yã-bãwfʋ bɛ n'ʋ bʋɔlɛ ɩ? A yã bɛ n'ʋ bʋɔlɛ gbololo ɩ?

Luka 11:49

Alɛ n'a so, a Naaŋmɩn na bãw bom za a, tɩ yel a nyɩ ƴãw: “Ɩ̃ na tõ n a ɩ̃ ƴɛ̀r-manbɛ nɩ a ɩ̃ nɩ-toni a bɛ zie. Bɛ na kʋ n bɛ mɩnɛ, ɛ́ dɔwrɩ bɛ mɩnɛ.”

Luka 7:35

Ɛcɛ a bɛlɩ dem za na sàw tu a Naaŋmɩn yã-bãwfʋ a, bɛ nyɛ̃ na bãw k'ʋʋ tɛr'ɩ yel-mɩŋa.»

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

Ʋrɔm 1:4

ɛcɛ a Vʋʋrʋ Sõw lowr a, bɛ tɩ wul'a nɩ kpɛnʋ a sãá ʋ na ɩ Naaŋmɩn Bie a, a ʋ kũu-pʋɔ-lɛb-yibu zũú.

Ʋrɔm 1:7

Mãa n'ʋ sɛbr nyɩ, nyɩɩm na be a Ʋrɔm a, nyɩɩm za a Naaŋmɩn na nɔnɛ ɛ́ bʋɔlɩ kɛ́ nyɩ wa ɩ a ʋ nɩ-sori a. A Naaŋmɩn tɩ Sãà nɩ a tɩ Sore Yeezu Kɩrɩta kʋ̀ nyɩ a maalʋ nɩ a ƴã-ɓaarʋ.

Ʋrɔm 9:24

Tɩ mɩ̀ pʋɔ na, tɩɩm ʋ na bʋɔlɩ, a bɛ ɩ a Zifʋ mɩnɛ tɛwr pʋɔ, ɛ́ mɩ̀ ɩ a nɩ-bʋʋr-yoru pʋɔ a.

1 Korɛ̃tɩ 1:18

A Kɩrɩta da-gara zu kũu tɩ na hiere a, a ɩ n gẽgẽ-ɩb a bɛlɩ dem na bɔrɛ a zie. Ɛcɛ a bɛlɩ dem na lo a faafʋ sɔ́r a, a tɩɩm zie, a ɩ n Naaŋmɩn kpɛnʋ.

1 Korɛ̃tɩ 1:2

Nyɩɩm na ɩ a Naaŋmɩn Lãw-yir be a Korɛ̃tɩ a, nyɩɩm na páw a sonu lãwnɩ a Kɩrɩta Yeezu a, nyɩɩm bɛ na bʋɔlɛ nɩ-son lãwnɩ a bɛlɩ dem za na bʋɔlɛ a tɩ Sore Yeezu Kɩrɩta yúor zie nɛ za bɛ na be a, ʋl na ɩ a tɩɩm nɩ a bɛl za Sore a, nyɩ za nɛbɛ ɩ̃ sɛbr.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 1:9

A Naaŋmɩn ŋmɛ̃ n ʋ ŋmɛ̃a, ʋl na bʋɔlɩ nyɩ kɛ́ nyɩ wa lãw nɩ a ʋ Bie tɩ Sore Yeezu Kɩrɩta a.

Kɔlɔsɩ 2:3

Ʋl zie n'a a yã-bãwfʋ na-bome nɩ a yele bãwfʋ na-bome sɔwlɩ gã.