1 Korɛ̃tɩ 1:21 - A SƐB-SÕW

²¹ Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

1 Korɛ̃tɩ 1:21 ပူးပေါင်းရင်းမြစ်များ

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Luka 10:21

A pɛr nɛ pʋɔ, a Vʋʋrʋ Sõw tɩ ɩ na nʋ̃ɔ̀ ɩrɛ a Yeezu yaga za ʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a bɛlɩ dem na tɛr yã a zie, nɩ a bɛlɩ dem na zànɩ bãw a zie, ɛ́ wul a a bibi-pʋrmɛ a. Ʋ̃ʋ, ɩ̃ Sãà a, fʋ na nɔnɛ a n'a fʋ ɩ à à ŋá.»

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Zã 12:31

A ƴɛrɛŋa n'a bɛ na maal'ɩ a tẽ-daa ŋa a ƴɛ̀rʋ. Ƴɛrɛŋa n'a bɛ na diw a tẽ-daa ŋa nãà bɛr.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 11:33

Nyɛ̃ a Naaŋmɩn naalʋ na bɛ vʋʋr a! Nyɛ̃ a ʋ yã-bãwfʋ nɩ a ʋ yele bãwfʋ na zulme a! Nyɛ̃ a ʋ ƴɛ̀rʋ-dɩb na bɛ tɛr bãwfʋ, ɛ́ a ʋ sɛ́ɛ bɛ tɛr bɩ́ɛrʋ a!

1 Korɛ̃tɩ 1:18

A Kɩrɩta da-gara zu kũu tɩ na hiere a, a ɩ n gẽgẽ-ɩb a bɛlɩ dem na bɔrɛ a zie. Ɛcɛ a bɛlɩ dem na lo a faafʋ sɔ́r a, a tɩɩm zie, a ɩ n Naaŋmɩn kpɛnʋ.

1 Korɛ̃tɩ 1:23

Ɛcɛ tɩɩm a, Kɩrɩta bɛ na kpa da-gara zu a n'ʋ tɩ hiere: ʋ ɩ n yel-faa na bɛ sɛw taa nɩ a, a Zifʋ mɩnɛ zie, ɛ́ ɩ gẽgemi a nɩ-bʋʋr-yoru zie.

1 Korɛ̃tɩ 1:24

Ɛcɛ a bɛlɩ dem a Naaŋmɩn na bʋɔlɩ a zie a, bɛ ɩ n Zifʋ bɩɩ Gɩrɛkɩ a, a bɛl zie a, ʋ ɩ n a Kɩrɩta, ʋl na ɩ a Naaŋmɩn kpɛnʋ nɩ a Naaŋmɩn yã-bãwfʋ a.

1 Korɛ̃tɩ 1:25

Bʋnʋ bɛ ka be ɩ, a al na sãá ɩ Naaŋmɩn gẽgẽ-ɩb a cãà na ɩ yã-bãwfʋ zuo a nɩsaalbɛ yã-bãwfʋ, ɛ́ a al na sãá ɩ Naaŋmɩn bãbàalʋ a, cãà na tɛr fãw zuo a nɩsaalbɛ fãw.

1 Korɛ̃tɩ 1:27

Ɛcɛ a al na ɩ gẽgemi a tẽ-daa zie a, alɛ n'a a Naaŋmɩn kaa ír k'ʋʋ ƴãw nɩ a yã-bãwnbɛ vĩ. A alɩ bome nɛ na bɛ tɛr fãw a tẽ-daa zie a, alɛ n'a a Naaŋmɩn kaa ír k'ʋʋ ƴãw nɩ a al na tɛr fãw a vĩ.

1 Korɛ̃tɩ 11:32

Ɛcɛ a Sore mɩ́ maal'ɩ tɩ nɩ ƴɛ̀rʋ ɛ́ kpãa tɩ, kɛ́ tɩ taa wa lãwnɩ a tẽ-daa nyɛ̃ dɔwrʋ ɛ.

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

1 Korɛ̃tɩ 4:10

Tɩ ɩ n gẽgemi dem a Kɩrɩta ƴãw, ɛ́ nyɩɩm ɩ yã-bãwnbɛ nyɩ na lãw nɩ a Kɩrɩta a. Tɩ bɛ tɛr fãw ɛ, ɛ́ nyɩɩm tɛr fãw, nyɩ tɛr'ɩ yúor, ɛ́ tɩɩm bɛ nyɛrɛ ƴãwfʋ ɛ.

1 Korɛ̃tɩ 6:2

Nyɩ nɔ̃w bɛ bãw k'aa lãw nɩbɛ nɛbɛ na maal'ɩ a tẽ-daa a ƴɛ̀rʋ bɩɩ? Ɛ́ nyɩmɛ wa nɛbɛ na maal'ɩ a tẽ-daa a ƴɛ̀rʋ a, nyɩ ɩ n ŋmɩn bɛ sɛw taa nɩ na maalɩ a ƴɛ̀rʋ a yel-pʋrmɛ á ŋá ƴãw?

Galasi 1:15

Ɛcɛ, a Naaŋmɩn na kaa ír mɛ̃ bʋɔlɩ mɛ̃ a ʋ maalʋ zũú a ʋ tome ƴãw, ɩ̃ɩ cãà a ɩ̃ mã pùorí a, ʋ na tɩ nyɛ̃ a sɛw

Galasi 4:8

A dãwdãw nyɩ na bɛ tɩ bãw a Naaŋmɩn a, nyɩ tɩ ɩ n ŋmɩmɛ na bɛ ɩ ŋmɩmɛ a gbãgbaar.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Efɛɛzɩ 3:10

À ŋá n'a a ƴɛrɛŋa, a Lãw-yir ƴãw, a salom zu naalʋ-dɩrbɛ nɩ fãw dem bãw a Naaŋmɩn yã-bãwfʋ pɔ́lɛ́ za.

Kɔlɔsɩ 1:19

Bʋ̃ʋ n'ʋ vɛ̃, a Naaŋmɩn nɔ̃w na paalɩ ʋ nɩ a naaŋmɩnʋ za,

Ebre 1:14

A malkɩ mɩnɛ za bɛ ɩ bʋ̃-vʋbɛ na tɛr tõ-nɛ́ɛ, Naaŋmɩn mɩ́ tõ kɛ́ bɛ tɩ sõw a bɛlɩ dem na na nyɛ̃ a faafʋ a ɩ?

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

Zakɩ 5:15

A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ.

Zakɩ 5:20

nyɩ bãwnɩ a, nɩr na tɛr yel-bier-maalɛ a ʋ bɔrʋ sɔ́r zu lɛb wa n a na faa ʋ nɩ a kũu pʋɔ ɛ́ páw yel-bebe yaga suur-dɩ-kʋ̀b.