1 Korɛ̃tɩ 1:2 - A SƐB-SÕW

² Nyɩɩm na ɩ a Naaŋmɩn Lãw-yir be a Korɛ̃tɩ a, nyɩɩm na páw a sonu lãwnɩ a Kɩrɩta Yeezu a, nyɩɩm bɛ na bʋɔlɛ nɩ-son lãwnɩ a bɛlɩ dem za na bʋɔlɛ a tɩ Sore Yeezu Kɩrɩta yúor zie nɛ za bɛ na be a, ʋl na ɩ a tɩɩm nɩ a bɛl za Sore a, nyɩ za nɛbɛ ɩ̃ sɛbr.

1 Korɛ̃tɩ 1:2 ပူးပေါင်းရင်းမြစ်များ

Yele-za-pɛr-tib 12:8

Ʋ tɩ yi n a be, ɛ́ kpɛ a tan vuo pʋɔ, a Betɛl saa-pɛrɩ́. Ʋ tɩ maal'ɩ a ʋ pɛn-sɛw a Betɛl nɩ a Aɩ cara pʋɔ, a Betɛl be a mʋ̃tɔ̃w-kpɛb-lowr, ɛ́ a Aɩ be a saa-pɛrɩ́. Ʋ tɩ mɛ n bàwr-maal-kuur ƴen sob a be, ɛ́ puori a Naaŋmɩn bʋɔl'ʋ kɛ́ “Sore”.

Yele-za-pɛr-tib 4:26

A Sɛtɩ mɩ̀ tɩ páw nɩ bidɛb por a yúor Enɔsɩ. A lɛn daar'a a nɩsaalbɛ tɩ tĩ puore a Naaŋmɩn, bʋɔlɛ ʋ Sore.

Sɛb-sõw yielu 45:11

Ɩ̃ pɔwyaa a, bɛrɛ wone, jɩ́rɛ ɛ́ cɛlɛ be. Ta cãà tɩɛrɛ a fʋ bʋʋrɛ nɩ a fʋ sãà yir ɛ.

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

Nɩ-toni 18:1

Al pùorí, a Pol tɩ yi n a Atɛn cen Korɛ̃tɩ.

Nɩ-toni 22:16

A na ɩ à ŋá a, bʋ̃ʋ ƴãw n'a fʋ pãa na lɛb bʋ́nɛ a? Ìr de a suob bʋɔlɩ a ʋ yúor a fʋ yel-bebe pɛwfʋ ƴãw.”»

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Nɩ-toni 9:13

A Ananɩasɩ tɩ sɔw na: «Sore e, ɩ̃ wõ n nɩ-yaga na ƴɛ̀r a nɩr ŋa ƴɛ̀rʋ a, nɩ a dɔwrʋ al za ʋ na dɔwrɩ a fʋ nɩbɛ a Zerizalɛm a.

Nɩ-toni 9:14

A bàwr-maal-nɩ-bɛrɛ kʋ̀ ʋ nɩ sɔ́r ʋ wa a ka, k'ʋʋ wa nyɔw a bɛlɩ dem za na bʋɔlɛ a fʋ yúor a ƴãw bamɛ.»

Nɩ-toni 9:21

A bɛlɩ dem za na tɩ bɛrɛ wone a ʋ kanʋ a, mɩ́ tɩ nyɔw nɩ nʋɔr yere nɩ: «A nɩr ŋa bɛ tʋ̃ɔ́ n'ʋ bɛ tɩ bɛrɛ a bɛlɩ dem na bʋɔlɛ a Yúor ŋa a Zerizalɛm a ɩ? Ɛ́ a bɛ nyɔwfʋ ƴãw bɛ n'a ʋ sʋ̃ɔmɩ bul wa a ka, k'ʋʋ wa nyɔw bɛ 'lẽ cen nɩ tɩ kʋ̀ a bàwr-maal-nɩ-bɛrɛ ɩ?»

Ʋrɔm 1:7

Mãa n'ʋ sɛbr nyɩ, nyɩɩm na be a Ʋrɔm a, nyɩɩm za a Naaŋmɩn na nɔnɛ ɛ́ bʋɔlɩ kɛ́ nyɩ wa ɩ a ʋ nɩ-sori a. A Naaŋmɩn tɩ Sãà nɩ a tɩ Sore Yeezu Kɩrɩta kʋ̀ nyɩ a maalʋ nɩ a ƴã-ɓaarʋ.

Ʋrɔm 10:12

A na ɩ à ŋá a, owru bɛ ka a Naaŋmɩn zie a Zifʋ mɩnɛ nɩ a bɛl na bɛ ɩ Zifʋ mɩnɛ a ƴãw ɛ: bɛ za lãw nɩ a Sore been, na mɩ́ kʋ̀ a ʋ na-bome a bɛlɩ dem za na bʋɔlɛ ʋ a.

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 10:32

Nyɩ ta ɩrɛ bom na na ɩ nɩr faa lo a ɩ, a Zifʋ mɩnɛ zie bɩɩ a bɛl na bɛ ɩ Zifʋ mɩnɛ a zie bɩɩ a Naaŋmɩn Lãw-yir zie ɩ.

1 Korɛ̃tɩ 12:27

Nyɩ ɩ n a Kɩrɩta ƴã-gan, ɛ́ ŋa za ɩ a ƴã-gan ŋa ɓɛrmɛ.

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

2 Korɛ̃tɩ 1:1

A mãa Pol, a Naaŋmɩn na nɔ̃w yã ƴãw ɩ̃ ɩ a Kɩrɩta Yeezu nɩ-tona a, mãa nɩ a tɩ yɛb Timote, tɩmɛ nɛbɛ kʋ̀rɛ a sɛbɛ ŋa a Naaŋmɩn Lãw-yir na be a Korɛ̃tɩ tẽw a, lãwnɩ a kɩrɩta-nɩbɛ za na be a Akayi a.

2 Korɛ̃tɩ 4:5

Tɩɩm mɩŋa bɛ nɛbɛ tɩ hiere yere kʋ̀rɛ a nɩbɛ ɩ, Sore Yeezu Kɩrɩta n'ʋ. Tɩɩm a, tɩ yere na kɛ́ tɩ ɩ n a nyɩ tõ-tõ-biir a Yeezu zũú.

Galasi 1:2

mãa nɩ a yɛbr za na be a ɩ̃ zie ka a, tɩmɛ nɛbɛ sɛbr a sɛbɛ ŋa kʋ̀rɛ a Galasi tẽw Lãw-yie:

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

1 Tesalonikɩ 1:1

A mãa Pol, nɩ Sɩlvɛ̃, de nɩ Timote, tɩ tɩrɛ nɩ a sɛbɛ ŋa kʋ̀rɛ a Tesalonikɩ tẽw Lãw-yir, a Naaŋmɩn Sãà nɩ a Sore Yeezu Kɩrɩta na so a. A maalʋ nɩ a ƴã-ɓaarʋ, a be a nyɩ zie.

1 Tesalonikɩ 4:7

Naaŋmɩn bɛ bʋɔlɩ tɩ faalʋ ƴãw ɛ, sonu ƴãw n'a ʋ bʋɔlɩ tɩ.

2 Tesalonikɩ 1:1

A mãa Pol nɩ Sɩlvɛ̃ de nɩ Timote, tɩmɛ nɛbɛ tɩrɛ a sɛbɛ ŋa kʋ̀rɛ a Tesalonikɩ Lãw-yir, a Naaŋmɩn tɩ Sãà nɩ a Sore Yeezu Kɩrɩta na so a.

1 Timote 2:8

Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ cɔw a salom ɛ́ puore, ɛ́ bɛr a suur nɩ a taw-taa.

1 Timote 3:15

Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Ebre 10:10

A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.

Ebre 13:12

A lɛ n'a so a Yeezu mɩ̀ yi zaa a tẽw pʋɔ tɩ kpi, k'aa ʋl mɩŋa zɩ̃ɩ tʋ̃ɔ́ ɩ a nɩbɛ bɛ ɩ son.

Ebre 2:11

Bʋ̃ʋ n'ʋ vɛ̃, a Yeezu na tɩrɛ a sonu a, nɩ a bɛlɩ dem na páwr a sonu a, bɛ za lãw nɩ Sãà, alɛ so vĩ bɛ ɩrɛ ʋ, ʋ na na bʋɔlɛ bɛ a ʋ yɛbr a ɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:1

A mãa Zid, Zakɩ yɛb, na ɩ a Yeezu Kɩrɩta tõ-tone a, ɩ̃ sɛbr'ɩ a bɛlɩ dem a Naaŋmɩn Sãà na bʋɔlɩ a, a bɛl ʋ na nɔnɛ ɛ́ ƴãw a Yeezu Kɩrɩta gù a.

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»