1 Korɛ̃tɩ 1:18 - A SƐB-SÕW

¹⁸ A Kɩrɩta da-gara zu kũu tɩ na hiere a, a ɩ n gẽgẽ-ɩb a bɛlɩ dem na bɔrɛ a zie. Ɛcɛ a bɛlɩ dem na lo a faafʋ sɔ́r a, a tɩɩm zie, a ɩ n Naaŋmɩn kpɛnʋ.

1 Korɛ̃tɩ 1:18 ပူးပေါင်းရင်းမြစ်များ

Nɩ-toni 13:41

“Nyɩ bɛl nyɛ̃, nyɩɩm pɔ̀lʋ dem i, nɔ-ɓãan a nyɔw nyɩ, ɛ́ nyɩ bɔr! Bʋ̃ʋ n'ʋ vɛ̃, ɩ̃ na tõ n ton a nyɩ cãafʋ daar, kɛ̀ nɩr tɩ n'ʋ manɛ kʋ̀rɛ nyɩ a, nyɩɩm bɛ sàw kɛ́ sɩza n'a ɩ.”»

Nɩ-toni 17:18

Yã-bãwnbɛ bɛ mɩnɛ kãw, bɛ na bʋɔlɛ Epikiir nɩbɛ nɩ Sitoyisɩ̃ɛ mɩnɛ a, mɩ̀ tɩ be n be ƴɛ̀rɛ nɩ a Pol. Bɛ mɩnɛ tɩ yere na: «Bʋ̃ʋ n'ʋ a gɔmɛ sob ŋa yere?» Ɛ́ bɛ mɩnɛ yere: «Ŋmɩn-sãanbɛ bɛ mɩnɛ kãw yele tɔ̃w n'a ʋ manɛ.» A Yeezu yele nɩ a kũu-pʋɔ-lɛb-yibu yele n'a a Pol tɩ hiere kʋ̀rɛ bɛ.

Nɩ-toni 17:32

Bɛ na tɩ wone a kũu-pʋɔ-lɛb-yibu ƴɛ̀r-bir wa báarɛ a, bɛ mɩnɛ tɩ ɩrɛ ʋ na laar, ɛ́ bɛ mɩnɛ yere: «A na ta ka a, bibir kãw n'a tɩ na lɛb bãw bɛr wõ a fʋ ƴɛ̀rʋ a yel ŋa ƴãw.»

Nɩ-toni 2:47

Bɛ tɩ danɛ nɩ a Naaŋmɩn, ɛ́ a nɩbɛ za nɔnɛ bɛ ɛ́ ƴãwnɛ bɛ. Bibie za, a Sore tɩ ɩrɛ na a bɛlɩ dem na nyɛ̃ a faafʋ a, bɛ kpɩɛr pʋɔrɛ a lãw pʋɔ.

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

1 Korɛ̃tɩ 15:2

Ʋlɛ n'ʋ na faa nyɩ, nyɩmɛ wa tɛr ʋ vla mɛ̃ a lɛ ɩ̃ na wa wa man ʋ kʋ̀ nyɩ a. Alɛ bɛ wa ɩ lɛ a, nyɩ nãà wa sàw na de zawla.

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

1 Korɛ̃tɩ 2:2

Bʋ̃ʋ n'ʋ vɛ̃, ɩ̃ tɩ yel'a k'ɩ̃ɩ kʋ̃ bãw bom za a nyɩ sɔgɔ, a bɛ ɩ a Yeezu Kɩrɩta yõ ɩ, a Yeezu Kɩrɩta ŋa bɛ na kpa a da-gara zu a.

1 Korɛ̃tɩ 3:19

bʋ̃ʋ n'ʋ vɛ̃, a tẽw ŋa zu yã-bãwfʋ ɩ n gẽgemi Naaŋmɩn zie. A Sɛb-sõw sɩrɩ na yel à ŋá: «Naaŋmɩn mɩ́ nyɔw nɩ a yã-bãwnbɛ a bɛ cɩbɛ pʋɔ»,

1 Korɛ̃tɩ 4:10

Tɩ ɩ n gẽgemi dem a Kɩrɩta ƴãw, ɛ́ nyɩɩm ɩ yã-bãwnbɛ nyɩ na lãw nɩ a Kɩrɩta a. Tɩ bɛ tɛr fãw ɛ, ɛ́ nyɩɩm tɛr fãw, nyɩ tɛr'ɩ yúor, ɛ́ tɩɩm bɛ nyɛrɛ ƴãwfʋ ɛ.

2 Korɛ̃tɩ 10:4

A tɩ zɛbr bome bɛ yi nɩsaalbɛ zie ɩ, Naaŋmɩn zie n'a a tɩ zɛbr bome fãw yi, k'aa tʋ̃ɔ́ mɩ́ ŋmɛ a yir-kpɛn lɔb. Tɩ mɩ́ ŋmɛ n a tɩɛrʋ na bɛ tu yel-mɩŋa a lɔb,

2 Korɛ̃tɩ 4:3

Ɛcɛ a Yel-nʋ̃ɔ̀ tɩ na manɛ a wa cãà ɩ mɛ̃ ʋ sɔwl'a a, a bɛlɩ dem na bɔrɛ a zie n'a ʋ sɔwlɩ,

1 Tesalonikɩ 1:5

Bʋ̃ʋ n'ʋ vɛ̃, a Yel-nʋ̃ɔ̀ tɩ na wa manɩ kʋ̀ nyɩ a bɛ tɩ ɩ ƴɛ̀rʋ tɛwr tɩ ƴɛ̀r ɛ, a tɩ lãw nɩ nɩ kpɛnʋ nɩ sõwfʋ na yi a Vʋʋrʋ Sõw zie a, bʋnʋ mɩ̀ bɛ tɩ ka be ɩ. Ɛ́ nyɩ bãw nɩ a lɛ tɩ na ɩ a nyɩ sɔgɔ a nyɩ vla ƴãw a.

2 Tesalonikɩ 2:10

A ɩ-fa-pɛ-bʋʋrɛ za n'a ʋ na bɛ̀lɛ nɩ a bɛlɩ dem na bɔrɛ a, bɛ na bɛ sàw de ɛ́ bɛ nɔnɛ a yel-mɩŋa a ƴãw, ɛcɛ a yel-mɩŋa n'ʋ nãá tʋ̃ɔ́ faa bɛ.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 4:12

Bʋ̃ʋ n'ʋ vɛ̃, a Naaŋmɩn ƴɛ̀rʋ ɩ n bʋ̃-vʋʋra na tone a, ɛ́ dɩrɛ gãw zɛbr-sɔ-kpɛ̃ɛ za na dɩrɛ a loge a za ayi a. Ʋ mɩ́ cɔr'a kpɛ tɩ põ a sɩ́ɛ nɩ a tɩɛrʋ, a kɔbɛ tuor-taa ziir nɩ a kɔbɛ buge. Ʋ mɩ́ jɛl'ɩ a nɩsaal socir bʋ̃-bɔbrɩ nɩ a nɩsaal socir tɩɛrʋ.