1 Korɛ̃tɩ 1:12 - A SƐB-SÕW

¹² Ɩ̃ manɩ nyɩ nyɛ̃: a nyɩ pʋɔ a, ŋa mɩ́ yel'a: «Pol so m», ŋa kɛ́: «Apɔlɔsɩ so m», ŋa yel kɛ́: «Pɩɛr so m», ɛ́ ŋa kɛ́: «Kɩrɩta so m».

1 Korɛ̃tɩ 1:12 ပူးပေါင်းရင်းမြစ်များ

1 Na-mɩnɛ 16:21

A Zimiri na wa kpi a, a Ɩsɩrayɛl nɩbɛ põ nɩ ziir ayi: a bɛ ŋmãa tɩ bɔbr'a kɛ́ bɛ kaa ír Ginatɩ bidɛb Tivini ʋ ɩ a nãà, ɛ́ ŋmãa bɔbr kɛ́ bɛ kaa ír Omiri.

Matie 23:8

A nyɩɩm a, nyɩ ta ƴãw bɛ bʋɔlɛ nyɩ “Wul-wule” ɩ, Wul-wule been yõ n'ʋ nyɩ tɛr, ɛ́ nyɩ za ɩ yɛbr.

Zã 1:42

Ʋʋ tɩ tɛr'ɩ a Pɩɛr cen nɩ a Yeezu zie. A Yeezu tɩ jɩ́r'ɩ a Pɩɛr gbẽgbẽ ɛ́ yel: «Fʋ̃ʋ n'ɩ a Sɩmʋ̃, Zã bidɛb, bɛ na bʋɔlɛ fʋ nɩ Kefasɩ», a pɛr lɛ kɛ́: Kʋsɩɛr.

Nɩ-toni 18:24

Zifʋ kãw, na dɩ Apɔlɔsɩ ɛ́ yi Alɛsãdiri a, tɩ wa ta n a Efɛɛzɩ. Ʋ tɩ bãw nɩ ƴɛ̀rʋ vla vla, ɛ́ bãw a Sɛb-sõw bɛ dɩ vuo ɩ.

Nɩ-toni 19:1

A lɛn daar a Apɔlɔsɩ na tɩ be a Korɛ̃tɩ a n'a a Pol tɩ tu Azi Mɩnɛɛr tan pʋɔ sɔ́r wa ta a Efɛɛzɩ. Ʋ tɩ nyɛ̃ nɩ po-tuurbɛ bɛ mɩnɛ a Efɛɛzɩ,

1 Korɛ̃tɩ 1:11

Bʋ̃ʋ n'ʋ vɛ̃, ɩ̃ yɛbr i, Kulowe yir dem yel'a kʋ̀ m kɛ́ taw-taa be n a nyɩ cara pʋɔ.

1 Korɛ̃tɩ 15:5

Ʋ wul'ɩ ʋ tʋɔra a Pɩɛr, al pùorí ʋ wul ʋ tʋɔra a nɩ-toni pie nɩ ayi.

1 Korɛ̃tɩ 15:50

Yel ŋa n'ʋ ɩ̃ bɔbr k'ɩ̃ɩ yel, yɛbr i: nɩsaal na ɩ ƴã-gan nɩ zɩ̃ɩ tɛwr'a kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ, ɛ́ bʋ̃-kpiira kʋ̃ tʋ̃ɔ́ pʋɔ bʋ̃-bɛ-kpiira yele pʋɔ ɩ.

1 Korɛ̃tɩ 16:12

Ɛ́ a tɩ yɛb Apɔlɔsɩ ʋl a, ɩ̃ kpaal'ʋ nɩ gb'aa yaga za k'ʋʋ wa a nyɩ zie ʋlɛ nɩ a yɛbr, ɛcɛ ʋ bɛ bɔbr towtow k'ʋʋ wa a ƴɛrɛŋa ɩ. Ʋlɛ wa nyɛ̃ a vuo a, ʋ na wa na.

1 Korɛ̃tɩ 4:6

Yɛbr i, a nyɩ wulu ƴãw n'a ɩ̃ dãw de a yele man cɔwr'ɩ mãa nɩ a Apɔlɔsɩ. Ɩ̃ bɔbr'a k'ɩ̃ɩ man cɔwr'ɩ tɩ à ŋá nyɩ tʋ̃ɔ́ bãw a zʋkpar ŋa pɛr: «A sɛw na kɛ́ bɛ ta mɩ́ gãw a lɛ na sɛb a bɛr ɛ.» A bɛ tɛr sɔ́r k'aa nyɩ kãw zɛwr ʋ tʋɔra, mɩ́ kpɛ a tɩ kãw ɛ́ bɛr a ƴen sob ɛ.

1 Korɛ̃tɩ 7:29

Yɛbr i, yel ŋa n'ʋ ɩ̃ bɔbr k'ɩ̃ɩ yel: a nɩdaar bɛ cãà zãá ɩ. Dɩ̃a na ta a, a pɔw-tɛrbɛ, bɛ ɩ mɛ̃ bɛ bɛ tɛr pɔwbɛ a,

1 Korɛ̃tɩ 9:5

Tɩ bɛ tɛr sɔ́r na tɛr pɔw na ɩ kɩrɩta-nɩr a, ʋ bɩɛlɛ tɩ mɛ̃ a lɛ a nɩ-toni ŋmaarɛ, a Sore yɛbr nɩ a Pɩɛr na ɩrɛ a bɩɩ?

2 Korɛ̃tɩ 10:7

Nyɩ jɩ́rɛ a lɛ a yele na sɩrɩ ŋmɛ̃ a: nɩr wa bãw k'aa Kɩrɩta so ʋ a, ʋ páw bãwnɩ a: a Kɩrɩta wa so ʋ a, a Kɩrɩta mɩ̀ so tɩ.

2 Korɛ̃tɩ 9:6

Nyɩ lɛb tɩɛrɩ a yel ŋa: Sob nɛ na bʋ̀r zaa pʋrɩ a, zaa pʋrɩlɛ n'a ʋ na cɛ, ɛ́ sob nɛ na bʋ̀r yaga a, yaga n'a ʋ na cɛ.

Galasi 2:9

Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.

Galasi 3:17

À ŋá n'a ɩ̃ bɔbr k'ɩ̃ɩ yel: Naaŋmɩn tɩ de nɩ niwn maalɩ Wõ-taa ɛ́ yel k'ʋʋ na maal'a tɛr ʋ. A Naaŋmɩn wulu na wa wa yome kɔbr anaar dɔwlɩ lɩzɛr'ɩ pie (430) pùorí a kʋ̃ tʋ̃ɔ́ sãw a wõ-taa bɛr ɛ́ ír a maalʋ nʋɔr a Naaŋmɩn na ƴãw a bɛr ɛ.