Yohana 9:4 - Dadiya NT

⁴ A yǝlam nyɔ, bǝ ja ja kǝga nǝn maajɨ nʊ nɨ a twam ɨ, nǝn tangǝn kɔkɔ gǝn. Kumɔ bɛ lɛ wo, a kwama gɔ mɨ nʊ nɨ dwal maatǝm maajɨ lɛɨ.

Yohana 9:4 ပူးပေါင်းရင်းမြစ်များ

Matta 20:7

“Nǝngɔ ja sʊwa gɔ, ‘Mɨ nʊ nɨ wo a nǝ nǝn maajɨ maatǝmɨ.’ “Nǝngɔ a sʊwa ji gɔ, ‘Jen tʌjen jǝ́ yɔ a tɔtwam mɨ.’

Markus 3:3

Nǝngɔ Yesu a jo nʊ nɨ kangɔ a swam swamɨ gɔ, “Bɛ ba tɨ fɔ a kǝga nǝbɨɨ.”

Yohana 10:32

Nǝngɔ Yesu a jǝla ji gɔ, “N maa jem kanjǝl nyantɨnɔ a lada a daagɔ Tɛtɛ woi. Nʊ won a kʊm ji, jǝ́ swɨ lɛ jǝ́ mala ɨ nǝn tɛl sǝ jǝ́ jʌ ii?”

Yohana 10:37

Na ke bɔ maajɨ gɔ Tɛtɛ mɨ maa lɛɨ, nǝn gɔ mǝ maa lɛɨ, ka jǝ́ nǝ lɛ bɨlǝngkɛl a daa mɨ woi.

Yohana 12:35

Nǝngɔ Yesu a sʊwa ji gɔ, “Nyalǝmɔ gǝ na jǝbɔ jen, kumtɨnɔ mɨsɔ lada lɛ. Jǝ́ yɔ yɔmɔ kwama nyalǝmɔ jǝbɔ jeni, kage kumtojiligɔ a nya jen. Nʊ nɨ yɔ yɔm lɛ a kumtojilii, mɨsɔ nyǝm daa nɨ lɛ gǝ shum lɛ woi.

Yohana 17:4

N dʊʊl ń a yooli nǝn yiitǝm maajɨ nɨ mʊ nɨ ɨ mɔʊ n maaɨ.

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 5:19

Nǝngɔ Yesu a jǝla ji gɔ, “N bɨlǝngkɛl mǝ sʊwa jen nɛɨ, Bwɛ mɨ gɔ maa jǝl lɛ kwaagɔ. Gǝ maa jʊ ga kuwo Tɛ bwɛ maa lɛɨ. Jʊ a bwɨɨ gwam jʊ nɨ Tɛ bwɛ maa lɛɨ, n jʊ Bwɛ maa lɛɨ.

Yohana 5:36

“Mǝ nǝngǝn nǝn nǝtǝm nyiyo a dul mɨ, wʊnɨ a laa a nɨ Yohana a nǝ a dul mɨɨ. Kanjǝl nɨ mǝ maa lɛɨ, wʊnɨ Tɛtɛ mɨ a nɨ ɨ gɔ n maaɨ, n jʊtǝb nɨ a yǝlam nʊngtǝm a dul mɨɨ, a nǝ nyiyo gɔ nǝn Tɛtɛ mɨ a twam ɨ.

Yohana 7:33

Nǝngɔ Yesu a jǝla gɔ, “Kwama mǝ yɨ lɛ nǝbɔ jeni a taam nǝn dǝm nyɔ, sǝ n yǝla n shu a daagɔ nʊ nɨ a twam ɨɨ.

Maajɨ Bɛtɔ Twamagɨɨ 4:20

Mɨsɔ nǝn mwɨ lɛ nǝn yɨ shig a jʊ nǝn nyʊwa, nǝn kuwo tagɨ.”

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Afisa 5:16

Jǝ́ maa maajɨ nǝn gola nɨ jǝ́ nyaɨ, jʊ a bwɨɨ n kum bwɨlantɨn.

Kolosii 4:5

Bɛ jǝ́ yɨ yɨm jenɔ nǝn yʊlan a mʊgɔ nǝb nɨ ke bɔ nǝb bwangtǝmɨ. Jǝ́ maa maajɨ nǝn gola nɨ jǝ́ nyaɨ.