Yohana 8:54 - Dadiya NT

⁵⁴ Nǝngɔ Yesu a jǝla ji gɔ, “Na n nǝ dul mǝndɨ dʊʊlǝnɨ, dʊʊlǝn mǝndɨ mɨ a nyiyo jǝl. Nʊ nɨ dʊʊlɨ ɨ lɛɨ, nǝn gɔ nǝn Tɛtɛ mɨ, wʊnɨ jǝ́ sʊwa lɛ jengɔ Kwaama jeni.

Yohana 8:54 ပူးပေါင်းရင်းမြစ်များ

Yohana 17:1

Nǝn kwama Yesu a sʊwam kanjǝl nɨɨ, nǝngɔ a gung dul gǝnɔ a dʌbʌl a maa keligɨɨ gɔ, “Tɛtɛ, kwamagɔ a la. Dʊʊl Bʊla mɔ, sǝ Bʊla mɔ a dʊʊl ń tǝgǝn.

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Yohana 5:41

“Mɨ mǝ yo dʊʊlǝn nɛ a daagɔ nǝbɔ woi.

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

Yohana 8:41

Jǝ́ maa jʊ nɨ tɛtɛ jen a maaɨ.” Nǝngɔ Yahudawagɔ a sʊwa gɔ, “Nǝn nǝn ke bɔ nǝb yʊwam. Kwaama nǝn Tɨya nǝn. Nǝn gɔ kwaagɔ win nǝn Tɨya nǝnɨ.”

Yohana 8:50

Ke bɔ mǝ mǝ saa dul mɨ gǝm dʊʊlǝn nɛɨ. Kaa nǝl wo saa mɨ dʊʊlǝn nɛɨ, nǝn gɔ maa borangɔ lɛɨ.

Maajɨ Bɛtɔ Twamagɨɨ 3:13

Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

2 Korinti 10:18

Mɨ nʊ nɨ wo gung dul gǝnɔ lɛ jǝ jǝla lɛ nǝn gɨɨ, na ke bɔ nʊ nɨ Tɛlalɔ a gung dul gǝnɨ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

2 Bitrus 1:17

Nǝn kwama a yem dʊʊnɔ jǝbɔ dʊʊlǝnɔ a daagɔ Tɛtɛ Kwaama woi, nǝn wo a daa gɔ. Nǝn nyʊwa diil Kwaamaɨ Nǝ Dʊʊlǝnɔ sʊwa lɛ gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ”