Yohana 8:51 - Dadiya NT

⁵¹ N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Yohana 8:51 ပူးပေါင်းရင်းမြစ်များ

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Luka 2:26

Yʊwa Kwaamaɨ a kwɛl a nʊng gǝn gɔ, gǝ kuwo kuwo bʌtʌm Kiristii, a Tɛlalɔɨ, sǝla ga bʊla.

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Yohana 15:20

Jǝ́ bʊʊla nǝn jʊ mǝ sʊwa jeni mǝʊ, ‘Bwɛ jwaalɛ mɨ gǝ laa tɛlalɔ gǝnɔ lɛ.’ Na ja nɨ ɨ gaalanɨ, jen tʌjen jǝ nǝ jen nǝ gaalan. Na ja bwangtǝn kɛl mǝndɨ, jǝ bwangtǝn bwang a jenɔ.

Yohana 17:6

“N kwɛl n nʊng ń nʊng ńɨ nǝb nɨ mʊ nɨ ɨ a yooli nɨɨ. Galɨgǝn jǝ na a mɔ, ń nɨ ɨ ji, ja bwangtǝn kɛl mʊnɔ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:50

Jǝjalǝnɔ wɔ wʊnɨ gǝla lɛ a dʌbʌli, sǝ nʊ nɨ pʌd a ja jǝjalǝn nɨɨ, mɨsɔ bʊla lɛ.

Yohana 8:12

Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Yohana 8:52

Nǝngɔ Yahudawagɔ a sʊwa gǝn gɔ, “Kǝngkɔ nǝn nyǝm mʊ nǝngǝn nǝn yʊwa bwɨla. Ibrahim jǝbɔ nǝbkuwotǝmkǝgagɔ ja bʊlala. Mɔ ń sʊwa mɔʊ nʊ nɨ bwangtǝn mɛlalɨ mʊnɔ lɛɨ, mɔʊ mɨsɔ bʊla lɛ wo.

Yohana 8:55

Jen jǝ́ nyǝm gǝn bɔ. Mǝ n nyǝm gǝn. Na na n sʊwa jen mǝʊ mǝ nyǝm gǝn bɨɨ, n yǝlam nǝ gabakɛl na jen. N nyǝm gǝn, n bwangtǝn mɛlalɨ gǝnɔ.

Ibranii 11:5

N gola nǝtǝm bɨlǝngkɛl Kwaama a do Anuhu a dʌbʌl nǝn kʊlɨɨ, a kuwo bɔ bwaagɔ. Ja nya gǝn bɔ, jʊ a bwɨɨ nǝn Kwaama a do gǝnɨ. Nǝn kwama Kwaama a lǝga bɔ a do gǝnɨ, ja nǝ nyiyo gɔ fulo Kwaama gǝm nǝl lɛ.

Ibranii 2:9

Nǝn Yesu bǝ kuwoi, wʊnɨ a kumtɨnɔ nǝn dǝm nyɔ a dǝg gǝn a la bɔ bɛtɔ twama Kwaamaɨ. Kǝngkɔ ja nǝ gǝn gungtǝm jǝbɔ dʊʊlǝn, n kɛl nɔɔtǝm gaalan gǝnɔ a yɔ nǝn a bwaaɨ. N dul kɛl lǝma Kwaamaɨ, Yesu a bʊla a kɛl dul nǝbɨɨ gwamɨ.