Yohana 8:47 - Dadiya NT

⁴⁷ Nʊ nɨ na a Kwaamaɨ, gǝ nyʊwa nyʊwa jʊ nɨ Kwaama sʊwa lɛɨ. Jʊ a bwɨ mɨ jǝ́ nyʊwa jʊ nɨ lɛ Kwaama sʊwa lɛɨ, jǝ́ ke bɔ a Kwaamaɨ!”

Yohana 8:47 ပူးပေါင်းရင်းမြစ်များ

Yohana 12:48

Nʊ nɨ a kɔ ɨɨ, a yo bɔ kɛl mǝndɨ tagɨ, nǝngǝn nǝn jʊ nɨ maa gǝm borangɔ lɛɨ. Kɛl nɨ mǝ sʊwa lɛɨ, nǝn gɔ maa gǝm borang lɛ a kɔkɔ dɨltǝmɨ.

Yohana 18:37

Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”

Yohana 5:25

Bɨlǝngǝn mǝ sʊwa jen nɛɨ, kwamagɔ bɛ lɛ wo, a kwɛl a bɛ bɛɨ, nǝb nɨ a bʊlalaɨ, jǝ nyʊwa nyʊwa diil Bʊla Kwaamaɨ. Nǝb nɨ a nyʊwaɨ, jǝ bʊʊ bʊʊ.

Yohana 6:65

Nǝngɔ Yesu a sʊtǝn sʊwatǝmɔ gɔ, “N jʊ a bwɨ mǝ sʊwa jen nɛ mǝʊ, ‘Mɨ nʊ nɨ wo dwal lɛ a bɛ a daa mǝ woi, na Tɛtɛ a jǝla gǝm bɨɨ.’ ”

Yohana 8:37

N nyǝm jǝ́ guu Ibrahimi sul, jǝ́ swɨ lɛ jǝ́ jʌ i, jʊ a bwɨɨ jǝ́ yo bɔ mɛlalɨ mǝndɨ.

Yohana 8:43

N wɛ bwɨ jǝ́ nyǝm bɔ kɛl mǝndɨɨ? Jʊ a bwɨɨ jǝ́ dwal bɔ nyʊwatǝm mɛlalɨ mǝndɨ.

Yohana 8:45

Jʊ a bwɨɨ mǝ sʊwa bɨlǝngkɛlɔ lɛ, jǝ́ nǝ bɔ bɨlǝngkɛl a daa mǝ woi.

1 Yohana 3:10

Jʊ jǝ nyǝm bɛtɔ lɔ Kwaamaɨ lɛ nǝnɨ jǝbɔ bɛtɔ lɔ mammɨ nǝn gɔ, nʊ nɨ a maa bɔ jǝ dǝngdǝngɨ, ke bɔ a Kwaamaɨ, gǝ na nyɔ a nʊ nɨ mɨ swɨ kɨla gǝ lɛɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

2 Yohana 1:9

Nʊ nɨ a tɨ bɔ a mɛlalɨ Kiristii, a sʊtǝn kaa jǝl woi, Kwaama mɨ dakini jǝbɔ gɔ. Nʊ nɨ a tɨ a mɛlalɨ nɨɨ, nǝngǝn nǝn Tɛ bwɛɨ jǝbɔ Bwɛ.

3 Yohana 1:11

Fwalɨ nyan mǝndɨ, ka ń banga lɛ bwɨlang maajɨ. Bɛ ń mɛla maajɨ nyan. Nʊ nɨ maa maajɨ nyan nɛɨ, na a Kwaamaɨ. Nʊ nɨ maa maajɨ bwɨla lɛɨ, a nyǝm bɔ Kwaama.