Yohana 8:44 - Dadiya NT

⁴⁴ Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Yohana 8:44 ပူးပေါင်းရင်းမြစ်များ

Matta 12:34

Jǝ́ faatɨn! Jǝ́ nyǝm sʊwatǝm kɛl nyanɔ nyǝn, jen nɨ jǝ́ nǝb bwɨlanɨ? Jʊ a mʊgɔ nǝlɨ, n jʊ jel lɛ a nyiyoi.

Matta 13:15

Jʊ a bwɨɨ nǝl nǝb nɨ a kwam nyɔ, lɔl jinɔ mɨ nyʊwa lɛ, ja kʊmam nu jinɔ. Sǝ ka ja kuwo nǝn nu jin, ja nyʊwa nǝn lɔl jin, ja nyǝm a mʊgɔ nǝl jin, ja yǝla a daa mɨ woi, n gung ji.’

Matta 13:38

Tɔtwamɔ nǝn gɔ n yooligɨɨ, dʊʊm nyanɔ, nǝn gɔ bɛtɔ lɔ fɔlɔnɨ, yǝlagɔ n bɛtɔ Mammɨ.

Yohana 6:70

Nǝngɔ Yesu a jǝla ji gɔ, “Nǝmǝ mǝ jǝgam jen kʊb jeli yo nɨɨ, win a kʊm jen n mamm.”

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

Yohana 8:38

Mǝ sʊwa jen jʊ mǝ kuwoi a daagɔ Tɛtɛ mɨ woi. Jen jǝ́ maa jʊ nɨ jǝ́ nyʊwa a daagɔ tɛtɛ jen woi.”

Yohana 8:41

Jǝ́ maa jʊ nɨ tɛtɛ jen a maaɨ.” Nǝngɔ Yahudawagɔ a sʊwa gɔ, “Nǝn nǝn ke bɔ nǝb yʊwam. Kwaama nǝn Tɨya nǝn. Nǝn gɔ kwaagɔ win nǝn Tɨya nǝnɨ.”

Yohana 8:55

Jen jǝ́ nyǝm gǝn bɔ. Mǝ n nyǝm gǝn. Na na n sʊwa jen mǝʊ mǝ nyǝm gǝn bɨɨ, n yǝlam nǝ gabakɛl na jen. N nyǝm gǝn, n bwangtǝn mɛlalɨ gǝnɔ.

Maajɨ Bɛtɔ Twamagɨɨ 13:10

A sʊwa gɔ, “Mɔ nǝn bʊla Mammɨ! Nʊ nɨ maa kii lɛ jǝbɔ jʊ nɨ dǝngdǝngɨ! Swagtǝmɔ a yii nǝl mʊnɔ, jǝbɔ jǝ bwɨla. Mɨsɔ mʊ bǝla kaltǝm golantɨn Tɛlalɔɨ lɛ sɨnɨ ka?

Maajɨ Bɛtɔ Twamagɨɨ 24:9

Yahudawagɔ a bwa gǝm guu gɔ jʊ a sʊwaɨ gǝ na nyɔ.

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

2 Bitrus 2:4

Kwaama a nyʊwa bɔ bʊnatǝm bɛtɔ twama gǝnɨ kwama ja maam bwɨlangkɛlɨ, a mal ji a lɔ kǝla. A tʊng ji a bʊwantɨn nɨ a tushi a fi kumtojilii, sǝ ba la nǝn di mwatɨtǝm borangɔ.

1 Yohana 1:8

Na bǝ sʊwa bǝngɔ mɨ bǝn nǝn bwɨlangkɛlɨ, n dul bǝn bǝ swag lɛɨ. Bɨlǝngkɛlɔ mɨ dakini jǝbɔ bǝn.

1 Yohana 2:21

Mǝ mʊla jem lɛ a nʊng bɔ jǝ́ nyǝm bɔ bɨlǝngkɛl. Mɨ nyɔ. Mǝ mʊla jem jʊ a bwɨɨ jǝ́ nyǝm nyǝmɨ, jǝ́ nyǝm mɨ gabakɛl gǝ jel lɛ a mʊgɔ bɨlǝngkɛl.

1 Yohana 2:4

Nʊ nɨ a sʊwa gɔ, “N nyǝm gǝn,” mɨ bwangtǝn diiltɨn gǝnɔ lɛɨ, n nǝ gabakɛl. Bɨlǝngkɛlɔ mɨ jǝbɔ gɔ.

1 Yohana 3:12

Ka bǝ yǝlam lɛ na Kayinu, nʊ nɨ a yǝlam a mammɨ, a jʌ kɨla gɨɨ. N wɛ a bwɨ a jʌ gǝnɨ? N kɛl dul maajɨ gǝnɔ wʊnɨ na a bwɨlaɨ, a kɨla gɨɨ n maajɨ dǝngdǝngɨ.

1 Yohana 3:15

Gwam nʊ nɨ kɔ kɨla gǝ lɛɨ, n nǝ jʌtǝm dul. Jǝ́ nyǝm mɨ nʊ nɨ wo jʌ dul lɛɨ nya kʊlɨ nɨ lɛ mɨ dɨtǝm woi.

Yahuza 1:6

Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.

Dʊgam Nyangnyang 9:11

Ji nǝn fɔlɔ nɨ maa fɔlɔn nɛ a dul jini, nǝn gɔ bwɛ twama bwɨla nɨ ja nǝ gǝn kwaan a dul bʊwa nɨ mɨ dɨltǝm woi. Dun gǝnɔ nǝn nyiyo Yahudawagɨɨ nǝn “Abaddon,” nǝn nyiyo Girikaɨ nǝn “Afoliyon.” Nǝn gɔ “Nǝ Kaltǝmɨ.”