Yohana 8:38 - Dadiya NT

³⁸ Mǝ sʊwa jen jʊ mǝ kuwoi a daagɔ Tɛtɛ mɨ woi. Jen jǝ́ maa jʊ nɨ jǝ́ nyʊwa a daagɔ tɛtɛ jen woi.”

Yohana 8:38 ပူးပေါင်းရင်းမြစ်များ

Matta 3:7

Nǝn kwama a kuwo nǝbɔ Farisaɨ jǝbɔ nǝbɔ Sadukiyaɨ a lada nyɔ bɛ lɛ a daa gǝ woi, sǝ ga yʊ ji mwɛ sagsagɨɨ, nǝngɔ a sʊwa ji gɔ, “Jǝ́ bɛlɨ faatɨn! Nuwo a gʊ lɔl jenɔ gɔ jǝ́ mwal nabwɨl Kwaamaɨ nɨ bɛ lɛɨ?

Yohana 14:10

Mʊ nǝ bɔ bɨlǝngkɛl mɔʊ mǝ na a mʊgɔ Tɛ bwɛɨ, Tɛ bwɛ gǝn na a mʊgɔ mɨɨ ka? Kɛl nɨ mǝ sʊwa jen nɛɨ, ke bɔ fɔlɔn dul mɨ. Tɛ bwɛ nɨ a mʊgɔ mɨɨ, nǝn gɔ maa maajɨ gǝnɔ lɛɨ.

Yohana 14:24

Nʊ nɨ mɨ swɨ ɨ lɛɨ, mɨ gǝ kɨla kɛl mǝndɨ lɛ. Kɛltɨn nɨ jǝ́ nyʊwa lɛɨ, ke bɔ a mɨ, na a Tɛtɛ nɨ a twam ɨɨ.

Yohana 17:8

Jʊ a bwɨɨ kɛl nɨ mʊ sʊwa ɨɨ, n sʊwa ji. Ja yo, ja nyǝm n bɨlǝngkɛl mǝ jel a daa mɔ woi, ja nyǝm bɨlǝngǝn nǝmɔ mʊ twam ɨɨ.

Yohana 3:32

Gǝ nǝ nyiyo a jʊ nɨ ga nyʊwaɨ jǝbɔ jʊ nɨ ga kuwoi sul, mɨ nǝn nʊ nɨ a jǝla nǝn kɛl gǝnɨ.

Yohana 5:19

Nǝngɔ Yesu a jǝla ji gɔ, “N bɨlǝngkɛl mǝ sʊwa jen nɛɨ, Bwɛ mɨ gɔ maa jǝl lɛ kwaagɔ. Gǝ maa jʊ ga kuwo Tɛ bwɛ maa lɛɨ. Jʊ a bwɨɨ gwam jʊ nɨ Tɛ bwɛ maa lɛɨ, n jʊ Bwɛ maa lɛɨ.

Yohana 5:30

Mɨsɔ mǝ dwal lɛ n maa jǝl kwaamɨ. Mǝ maa borangɔ kanga Kwaama a sʊwa ɨ gɔ n maaɨ. Borang mǝndɨ n dǝngdǝng, jʊ a bwɨɨ ke bɔ swɨtǝm dul mɨ mǝ bwangtǝn nɛɨ, n swɨtǝm dul nʊ nɨ a twam ɨɨ.

Yohana 8:26

Mǝ nǝn kanjǝl nɨ a lada mǝ sʊwa lɛ a dul jeni, sǝ n maa jem borang nǝn. Nʊ nɨ a twam ɨɨ n nǝ bɨlǝngkɛl. Jʊ mǝ nyʊwa a daa gǝ woi jʊ mǝ sʊwa yooligɔ lɛɨ.”

Yohana 8:41

Jǝ́ maa jʊ nɨ tɛtɛ jen a maaɨ.” Nǝngɔ Yahudawagɔ a sʊwa gɔ, “Nǝn nǝn ke bɔ nǝb yʊwam. Kwaama nǝn Tɨya nǝn. Nǝn gɔ kwaagɔ win nǝn Tɨya nǝnɨ.”

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.