Yohana 8:29 - Dadiya NT

²⁹ Nʊ nɨ a twam ɨɨ, gǝ na jǝbɔ mǝ. A bǝla ɨ bɔ kwaamɨ, jʊ a bwɨɨ mǝ maa jʊ nɨ gǝ swɨ lɛɨ kwangkwang.”

Yohana 8:29 ပူးပေါင်းရင်းမြစ်များ

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

Matta 3:15

Nǝngɔ Yesu a jǝla gǝn gɔ, “Bɛ a yǝlam nyɔ kǝngkɔ. A bʊm nyɔ bǝ maa nyɔ sǝ bǝ yii kanjǝl dǝngdǝngɔ gwam Kwaama swɨ lɛɨ.” Nǝngɔ Yohana a jǝlaɨ.

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Yohana 14:31

Mǝ maa jʊ nɨ lɛ Tɛtɛ a sʊwa ɨ gɔ n maaɨ dǝngdǝng, sǝ yooligɔ a nyǝm mǝ swɨ Tɛtɛ lɛ. “Jǝ́ gun, bǝ bǝla daa nɨ.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Yohana 16:32

Kwamagɔ bɛ lɛ wo, a kwɛl a bɛ, wʊnɨ jǝ́ kwɨya lɛ win win, jǝ́ mwal jǝ́ shu a lɔ jen jǝ́ bǝla ɨ kwaamɨ wini. Mǝ ke bɔ kwaamɨ win, Tɛtɛ mɨ gǝ na jǝbɔ mǝ.

Yohana 17:4

N dʊʊl ń a yooli nǝn yiitǝm maajɨ nɨ mʊ nɨ ɨ mɔʊ n maaɨ.

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 5:30

Mɨsɔ mǝ dwal lɛ n maa jǝl kwaamɨ. Mǝ maa borangɔ kanga Kwaama a sʊwa ɨ gɔ n maaɨ. Borang mǝndɨ n dǝngdǝng, jʊ a bwɨɨ ke bɔ swɨtǝm dul mɨ mǝ bwangtǝn nɛɨ, n swɨtǝm dul nʊ nɨ a twam ɨɨ.

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Yohana 8:16

Na mǝ biyo biyo borangɨ, biyotǝm borang mǝndɨ n dǝngdǝng. Jʊ a bwɨɨ ke bɔ mǝ kwaamɨ mǝ maa lɛɨ, mǝ maa nǝbɔ Tɛtɛ mɨ nɨ a twam ɨɨ.

2 Timoti 4:17

Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

2 Timoti 4:22

Bɛ Tɛlalɔ a yɨ a nǝl mʊn. Bɛ lǝmagɔ a yɨ jǝbɔ jen.

Ibranii 4:15

Dalɨ nǝkǝla nɨ bǝ nǝngǝnɨ, n ke bɔ nʊ nɨ mɨ ji bʊnǝn bǝnɔ lɛ a gɨyatǝm bǝnɔ gǝmɨ. Mɨ nyɔ. N nʊ ja tɛl gǝn a golantɨnɔ gǝm gwam kanga jǝ tɛl bǝn nɛɨ, a gǝnɔ a maa bɔ bwɨlangkɛl.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

1 Yohana 3:22

Bǝ nya nya jʊ gwam bǝ kela a daa gǝ woi, jʊ a bwɨɨ, bǝ bwangtǝn diil gǝnɔ lɛ, bǝ maa jʊ lɛ gǝ swɨ lɛɨ.