Yohana 7:37 - Dadiya NT

³⁷ Nǝn kum dɨltǝm dikulomɔ, wʊnɨ a yǝlam kɔkɔ dʊʊn dikulomi, nǝngɔ Yesu a gun a tɨɨ a gung diilɔ sʊwa lɛ gɔ, “Nʊ nɨ nyʊwa diil mwɛn nɛɨ, bɛ ga bɛ a daa mɨ woi sǝ ga nɔɔ.

Yohana 7:37 ပူးပေါင်းရင်းမြစ်များ

Matta 11:28

“Jǝ́ bɛ a daa mɨ woi gwam jǝ́ nǝb nɨ jǝ́ dɔta lɛ, jǝ́ gʌ lɛ nǝn kʊlǝn nɨ a tuu tuui a dul jeni, mǝ nǝ jen nǝ fǝbtǝm.

Matta 3:3

N nʊ nɨ Ishaya nǝkuwotǝmkǝgagɔ a sʊwa kɛl gǝnɔ gɔ, “Diilɔ jo jangajǝng lɛ a mʊgɔ kuul. Sʊwa lɛ gɔ, ‘Jǝ́ fɛka gola Tɛlalɔɨ, jǝ́ fɛka gǝm golantɨnɔ sɨn.’ ”

Matta 5:6

Bwiligɔ na a nǝb nɨ a ya nǝl a maatǝm jʊ nɨ dǝngdǝngɨ, jʊ a bwɨɨ jǝ bo bo.

Yohana 1:23

Nǝngɔ Yohana a jǝla ji nǝn kɛl nǝkuwotǝmkǝga Ishayaɨ a sʊwaɨ gɔ, “Nǝmǝ mǝ diil nɨ jo jangajǝl lɛ a kuul sʊwa lɛ gɔ, ‘Jǝ́ fɛka gola Tɛlalɔɨ!’ ”

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Yohana 4:11

Nǝngɔ nɔɔlɨ nɨ a sʊwa Yesu gɔ, “Nǝ dʊʊ, mɨ mɔ nǝn bɛ kʌshi gʊtǝm mwɛ, mʊgɔ laa mwɛ nɨ a tushi. La mʊ nya mwɛ kʊlɨ nɨ fee sǝ ń nǝ nǝbɔ?

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Yohana 5:40

Jǝ́ kɔ bɛtǝmɔ a daa mɨ woi sǝ jǝ́ nya kʊlɨ.

Yohana 6:35

Nǝngɔ Yesu a jǝla ji gɔ, “Nǝmǝ mǝ jǝjalǝn kʊlɨgɨɨ. Nʊ nɨ a bɛ daa mǝ woi, mɨsɔ nyʊwa jʊwan nɛ wo. Nʊ nɨ a nǝ bɨlǝngkɛl a daa mǝ woi, mɨsɔ yǝla lɛ a nyʊwa diil mwɛn wo tag.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 6:55

Jʊ a bwɨɨ, nam bʊtɔ mǝndɨ n bɨlǝng jǝjalǝn, tʊʊm mǝndɨ n bɨlǝng jǝ nɔɔtǝm.

Yohana 7:28

Yesu maa mɛlalɨgɔ lɛ a Kan Kwaaman, nǝngɔ a gung diilɔ a sʊwa gɔ, “Jen jǝ́ nyǝm ɨ, jǝ́ nyǝm daagɔ mǝ jelʌm woi. Mǝ bɛ bɔ nǝn fɔlɔn dul mɨ. Nʊ nɨ a twam ɨɨ n nǝ bɨlǝngkɛl, jǝ́ nyǝm gǝn bɔ.

1 Korinti 10:21

A bʊm bɔ jǝ́ nɔɔ a kʌshi Tɛlalɔɨ, ba jǝ́ nɔɔ tag a kʌshi nǝblaamɨ. A bʊm bɔ jǝ́ ja a daa jatǝm Tɛlalɔɨ, ba jǝ́ ja tag a daa jatǝm nǝblaamɨ.

1 Korinti 10:4

Gwam jinɔ n mwɛ yʊwagɔ win Kwaama a nǝ ji ja nɔɔɨ. Jʊ a bwɨɨ ja nɔɔ mwɛmɔ a sunte nɨ na a Kwaamaɨ, wʊnɨ a yɔ yɔm jǝbɔ jii. Sunte nɨ nǝn Kiristi.

1 Korinti 11:25

A gul jǝjalǝnɔ gǝmɨ, nǝngɔ a do kʌshigɔ a sʊwa gɔ, “Kʌshi nɨ n swatǝm yaa fɨ, a wʊnɨ ja swa nǝn tʊʊm mɨɨ. Kwama nɨ gwam jǝ́ nɔɔm lɛ a kʌshi nɨɨ, bɛ jǝ́ nɔɔ sǝ jǝ́ bʊʊla nǝn mǝ.”

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

Afisa 5:18

Ka jǝ́ nɔɔ lɛ bʊgɛ a maa jen, wʊnɨ kal kʊlɨ jenɔ lɛɨ. A laa jǝl jǝ́ yii nǝn Yʊwa.

Dʊgam Nyangnyang 21:6

A sʊwa ɨ gɔ, “A dɨɨ. Nǝmǝ mǝ Alfaɨ, Nǝmǝ mǝ Omegaɨ, Nǝmǝ mǝ Tɨkǝgaɨ, Nǝmǝ mǝ Dɨltǝmɨ. Nʊ nɨ nyʊwa diil mwɛ lɛɨ, mǝ nǝ gǝn nǝ mwɛ nɨ a mʊgɔ bwili mwɛ kʊlɨ nǝn kwan.

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.