Yohana 7:15 - Dadiya NT

¹⁵ Nǝngɔ dʊʊm Yahudawagɔ a ta kang a nyiyo jǝ sʊwa lɛ gɔ, “Nʊ nɨ a maa bɔ gǝlalantal wo sǝ a nya kiyotǝm. A la maa nyǝn a yǝlam nǝ nyǝmtǝm nyɨɨ?”

Yohana 7:15 ပူးပေါင်းရင်းမြစ်များ

Matta 13:54

A yǝla a bɛ a tuulɔ gɨɨ, nǝngɔ a tǝl mɛla nǝbɔ gǝm lɛ a kantɨn mɛlalɨ jini. Nǝngɔ ja ta kang a nyiyo gɔ, “Bwɛ nɨ a nya yʊlan nɨ a fee nyɨɨ, jǝbɔ kwaan maatǝm kanjǝl laatǝm kang nɨ?

Matta 22:22

Ja nyʊwa nyɨɨ, nǝngɔ ja ta kang a nyiyoi, ja bǝla gǝn, ja shui.

Matta 22:33

Kwama nǝbɔ a nyʊwa kɛl nɨɨ, nǝngɔ ja ta kang a nyiyo a mɛlalɨ gǝnɔ gǝmɨ.

Luka 2:47

Nǝb nɨ gwam a nyʊwa gǝnɨ ja ta kang a nyiyo nǝn nyǝmtǝm gǝnɔ jǝbɔ jǝlatǝm kɛl gǝnɔ.

Luka 4:22

Gwam jinɔ jǝ woi, jǝ sʊwa kɛl nyan nɛ a dul gǝn. Ja ta kang a nyiyo a kɛl nyantɨn nɨ jela lɛ a nyiyo gǝnɨ. Jǝ bʌbko lɛ gɔ, “Bwɛ nɨ n ke bɔ bʊla Yusufui ka?”

Yohana 1:19

Wʊnɨ nǝn gɔ nǝtǝm nyiyo nɨ Yohana a nǝ nǝn kwama nɨ Yahudawagɔ a Urushalimaɨ ja twam nǝbkǝlamɔ jǝbɔ nǝbɔ Lawii, gɔ ya ja bʌ gǝn gɔ, “Nǝmɔ mʊ wo?”

Yohana 7:11

Yahudawagɔ a tɨtǝn saa gǝn nɛ a daa dikulomɔ gǝm. Jǝ bʌbko lɛ jǝ sʊwa lɛ gɔ, “Nʊ nɨ gǝ na a fee?”

Yohana 7:13

Mɨ nʊ nɨ wo a nya kwaan sʊwatǝm kɛl a dul Yesui a talɨɨ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ.

Yohana 7:46

Nǝngɔ nǝb tɔɔtǝm Kan Kwaamanɔ a jǝla ji gɔ, “Mɨ kaa nǝl wo sʊwa kɛl lɛ na nʊ nɨɨ.”

Maajɨ Bɛtɔ Twamagɨɨ 26:24

Bulus a mʊgɔ sʊwatǝm kɛl jǝgtǝm dul gǝnɔ, nǝngɔ Festas a ga gǝm wulong gɔ, “Bulus mʊ nǝ wabɨ ka? Kiyotǝm langǝn bwangǝnɔ yǝla mʊn dul lɛ!”

Maajɨ Bɛtɔ Twamagɨɨ 4:13

Nǝn kwama dʊʊm nǝbɨɨ a kuwo bɨtǝm nǝl Bitrusi jǝbɔ Yohanaɨ, ja nyǝm jǝ ke bɔ nǝb nyǝmtǝm, jǝ nǝb nǝn kwan, nǝngɔ ja ta kang a nyiyoi. Ja nyǝm tag jǝ na dakini jǝbɔ Yesu galɨgǝn.