Yohana 7:14 - Dadiya NT

¹⁴ Kwama ja lam tɨbǝl dikulomi, nǝngɔ Yesu a dɔ mʊgɔ Kan Kwaamanɔ a tǝl mɛlatǝmɨ.

Yohana 7:14 ပူးပေါင်းရင်းမြစ်များ

Matta 21:12

Yesu a dɔ mʊgɔ talɨ Kan Kwaamanɔ, a kaa nǝb miyotǝmɔ jǝbɔ nǝb tentǝmɔ woi. A tʊngam tebur nǝb nɨ fʌto kemʌn nɛɨ jǝbɔ kotere nǝb nɨ miyo baatitɨn nɛɨ.

Matta 26:55

Nǝngɔ Yesu a bʌ mʊrkalɨ nǝbɨɨ gɔ, “N wɛ a bwɨ jǝ́ bɛ lɛ nǝn gulʌntɨn jǝbɔ dwamtɨn sǝ ba jǝ́ ta ɨɨ? Kwangkwang mǝ yɨ yɨ a talɨ Kan Kwaaman mǝ maa mɛlalɨ lɛ wo, jǝ́ ta ɨ bɔ.

Luka 19:47

Maa mɛlalɨgɔ lɛ kum jǝbɔ kum a Kan Kwaaman. Dʊʊm nǝbkǝlamɔ jǝbɔ nǝb mɛlalɨ diilɔ jǝbɔ nǝb dʊʊm nǝbɨɨ jǝ saa lɛ ja jʌ gǝn.

Yohana 18:20

Yesu a jǝla gǝn gɔ, “N sʊwa yooligɔ kɛl nɨ a talɨ, a nu nǝbɨɨ, mɛlatǝmɔ a kantɨn mɛlalɨɨ jǝbɔ Kan Kwaaman a daagɔ Yahudawagɔ woi gwam gǝ mʊrkam lɛɨ. Mǝ wuu bɔ wuui a sʊwatǝm kɛl.

Yohana 5:14

Nǝngɔ Yesu a nya gǝn a Kan Kwaamanɨ, a sʊwa gǝn gɔ, “Kuwo ń gun! Bɛ bǝla maatǝm bwɨlangkɛlɔ, kage kaa jʊ nɨ a laa wʊnɨ a nya ń.”

Yohana 7:2

Dikulom gushitɨn Yahudawagɨɨ a dwama.

Yohana 7:28

Yesu maa mɛlalɨgɔ lɛ a Kan Kwaaman, nǝngɔ a gung diilɔ a sʊwa gɔ, “Jen jǝ́ nyǝm ɨ, jǝ́ nyǝm daagɔ mǝ jelʌm woi. Mǝ bɛ bɔ nǝn fɔlɔn dul mɨ. Nʊ nɨ a twam ɨɨ n nǝ bɨlǝngkɛl, jǝ́ nyǝm gǝn bɔ.

Yohana 7:37

Nǝn kum dɨltǝm dikulomɔ, wʊnɨ a yǝlam kɔkɔ dʊʊn dikulomi, nǝngɔ Yesu a gun a tɨɨ a gung diilɔ sʊwa lɛ gɔ, “Nʊ nɨ nyʊwa diil mwɛn nɛɨ, bɛ ga bɛ a daa mɨ woi sǝ ga nɔɔ.

Yohana 8:2

Nǝn kumsʌl butʌb nǝngɔ Yesu a yǝla shu a talɨ Kan Kwaamanɨ. Nǝbɔ gwam a bɛ daa gǝ woi, nǝngɔ a yɨ mɛla jim lɛɨ.

Yohana 8:20

Yesu a sʊwa kɛl nɨ nǝn kwama maam mɛlalɨ lɛ nǝn dɔɔm a gwanga daa nɨ jǝ yam kemʌn nɛ a Kan Kwaamanɨ. Mɨ nʊ nɨ a ta gǝnɨ, jʊ a bwɨɨ kwama gǝnɔ a la bɔ dɨn.