Yohana 7:1 - Dadiya NT

¹ A gulɔ gǝm Yesu a kɛla a mʊgɔ tǝm Galili. A swɨ bɔ a dɔ a mʊgɔ tǝm Yahudiya, jʊ a bwɨɨ Yahudawa nɨ fʌleni saa lɛ a jʌ gǝn.

Yohana 7:1 ပူးပေါင်းရင်းမြစ်များ

Matta 10:23

Na jǝ nǝ jen gaalan nɛ a kaa tuulɔɨ, jǝ́ mwal jǝ́ shu a kaa tuulɔ. N bɨlǝngǝn mǝ sʊwa jen nɛɨ, mɨsɔ jǝ́ dɨɨ kɛlatǝm tuulɔtɨn Israilagɔ lɛ gwam, sǝ Bʊla Nǝlɨ a bɛ.

Matta 21:38

“Kwama nǝb nɨ ga nǝ ji twam ywatǝmɨ ja kuwo bʊla gɨɨ, nǝngɔ ja sʊwaka a bʊtɔ ji gɔ, ‘Nǝ wɔɔtǝm kʊla twamɔ n wɔ, bǝ jʌm gǝn sǝ kʊlagɔ a yǝlam a bǝn!’

Markus 11:18

Dʊʊm nǝbkǝlamɔ jǝbɔ nǝb mɛlalɨ diilɔ ja nyʊwa kɛl nɨɨ, nǝngɔ ja tǝl saatǝm gola nɨ jǝ jʌm gǝn nɛɨ, jǝ nyʊwa taal gǝnɔ lɛ, jʊ a bwɨɨ nǝb nɨ gwam a mʊrkaɨ ja ta kang a nyiyo nǝn mɛlatǝm gǝnɔ.

Yohana 1:19

Wʊnɨ nǝn gɔ nǝtǝm nyiyo nɨ Yohana a nǝ nǝn kwama nɨ Yahudawagɔ a Urushalimaɨ ja twam nǝbkǝlamɔ jǝbɔ nǝbɔ Lawii, gɔ ya ja bʌ gǝn gɔ, “Nǝmɔ mʊ wo?”

Yohana 4:3

Nǝn kwama Yesu a nyʊwa fulon kɛl nɨɨ, nǝngɔ a bǝla Yahudiyagɨɨ, a yǝla a Galilii.

Yohana 4:54

Wʊnɨ nǝn gɔ jǝ laatǝm kang na yogɔ Yesu a maaɨ, nǝn kwama a bǝla Yahudiyagɔ, a bɛ a Galilii.

Yohana 6:1

A gulɔ gǝm, nǝngɔ Yesu a yab wɨma Galiligɨɨ, wʊnɨ nǝn gɔ wɨma Tibariyagɨɨ.

Yohana 7:11

Yahudawagɔ a tɨtǝn saa gǝn nɛ a daa dikulomɔ gǝm. Jǝ bʌbko lɛ jǝ sʊwa lɛ gɔ, “Nʊ nɨ gǝ na a fee?”

Yohana 7:13

Mɨ nʊ nɨ wo a nya kwaan sʊwatǝm kɛl a dul Yesui a talɨɨ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ.

Yohana 7:19

Ke bɔ Musa a nǝ jen diili ka? N wɛ a bwɨ mɨ nʊ nɨ wo bwangtǝn diilɔ lɛ a kʊm jeni? N wɛ bwɨ jǝ́ swɨ lɛ jǝ́ jʌ i?”

Yohana 7:25

Nǝngɔ kaam nǝbɔ Urushalimaɨ a sʊwa gɔ, “Ke bɔ nʊ nɨ jǝ saa lɛ ja jʌi ka?

Yohana 7:35

Nǝngɔ Yahudawagɔ a sʊwaka a kang bʊtɔ jin gɔ, “Gǝ yi a fee, mɨsɔ bǝ nya gǝn nɛɨ? Kɛna yi a daagɔ Yahudawa nɨ a kwɨya tǝmɔ nǝn kwan jǝ yǝm jǝbɔ nǝbɔ Girikaɨ, sǝ ya mɛla nǝbɔ Girikaɨ gǝm lɛ fʌleni?

Yohana 8:37

N nyǝm jǝ́ guu Ibrahimi sul, jǝ́ swɨ lɛ jǝ́ jʌ i, jʊ a bwɨɨ jǝ́ yo bɔ mɛlalɨ mǝndɨ.

Yohana 8:40

Mǝ nʊ nɨ mǝ sʊwa jen bɨlǝngkɛl nɨ mǝ nyʊwa a daagɔ Kwaama woi, kǝngkɔ jǝ́ swɨ lɛ jǝ́ jʌ i. Ibrahim a maa bɔ jʊ nɨ wo.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.