Yohana 6:56 - Dadiya NT

⁵⁶ Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

Yohana 6:56 ပူးပေါင်းရင်းမြစ်များ

Yohana 14:20

Nǝn kɔkɔ gɔ, jǝ́ nyǝm nyǝm mǝ na a mʊgɔ Tɛtɛ mɨɨ, jen tʌjen a mʊgɔ mɨ, mǝ tǝmɨ a mʊgɔ jen.

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Yohana 6:55

Jʊ a bwɨɨ, nam bʊtɔ mǝndɨ n bɨlǝng jǝjalǝn, tʊʊm mǝndɨ n bɨlǝng jǝ nɔɔtǝm.

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

1 Yohana 2:24

Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:12

Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.