Yohana 6:40 - Dadiya NT

⁴⁰ Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Yohana 6:40 ပူးပေါင်းရင်းမြစ်များ

Matta 10:15

N bɨlǝngǝn mǝ sʊwa jen nɛɨ, nǝn di borang Kwaamaɨ, jʊ bwɨ lɛ nǝn tuulɔ gɨɨ, bwɨla laa laa jʊ a bwɨ nǝn Sadumagɔ jǝbɔ Gwamratagɨɨ.

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Luka 2:30

Nu mǝndɨ a kuwo nʊ nɨ mʊ twam sǝ a bʊʊ nǝn bǝnɨ,

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Yohana 11:24

Marta a sʊwa gǝn gɔ, “N nyǝm yǝla yǝla nǝn kʊlɨ a guntǝm nǝn kʊlɨ a kɔkɔ dɨltǝm tǝmɔ gǝm.”

Yohana 11:25

Nǝngɔ Yesu a sʊwa gǝn gɔ, “Nǝmǝ mǝ guntǝm kʊlɨɨ. Nǝmǝ mǝ kʊlɨɨ. Nʊ nɨ a nǝ bɨlǝngkɛl a daa mǝ woi, na a bʊlaɨ, yɨ yɨ nǝn kʊlɨ.

Yohana 12:45

Gwam nʊ nɨ dʌng ii, gǝ dʌng nʊ nɨ a twam ɨɨ.

Yohana 12:50

N nyǝm diil gǝnɔ bɛ bɛ nǝn nyatǝm kʊlɨ nɨ mɨ dɨtǝm woi. Jʊ mǝ sʊwa gwamɨ, n jʊ Tɛtɛ a sʊwa ɨ gɔ n sʊwaɨ.”

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Yohana 14:19

Kumtɨnɔ a bǝla nǝn dǝm nyɔ, yooli nɨ mɨsɔ kuwo i lɛ wo tag. A jenɔ jǝ́ kuwo i kuwo i. Jʊ a bwɨɨ n na nǝn dʊʊmɨ, jen tʌjen jǝ́ na na nǝn dʊʊmɨ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:27

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Yohana 6:39

Swɨtǝm nʊ nɨ a twam ɨɨ, gɔ bɛ ka n dǝg lɛ kaa nǝl win a lɛla a mʊgɔ nǝb nɨ ga nɨ ɨɨ. Bɛ n gung ji a kɔkɔ dɨltǝmɔ gǝm.

Yohana 6:44

Mɨ nʊ nɨ dwal lɛ a bɛ a daa mǝ woi, na ke bɔ Tɛtɛ nɨ a twam ɨ a gʊ gǝnɨ. Mǝ tǝmɨ mǝ gung gung nʊ nɨ a kɔkɔ dɨltǝmɔ gǝm.

Yohana 6:54

Na nʊ nɨ a wo nam bʊtɔ mǝndɨ, a nɔɔ tʊʊm mǝndɨ, nǝngǝn nǝn kʊlɨ nɨ mɨ dɨtǝm woi, mǝ gung gǝn gung a kɔkɔ dɨltǝm tag.

Yohana 8:56

Tɛtɛ jen Ibrahim a maa fulotǝm nǝl nyangǝn, jʊ a bwɨɨ kuwo kuwo jol mǝndɨ. A kuwo, a maa fulotǝm nǝl.”

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Ibranii 11:1

Nǝtǝm bɨlǝngkɛlɔ nǝn gɔ jʊ nɨ bǝ ya nǝl tʌgo a dul gǝn mɨ nyǝmatǝm woi. Nǝn gɔ n jǝlatǝm nǝn jʊ nɨ bǝ kuwo bɨɨ.

Ibranii 11:27

N gola nǝtǝm bɨlǝngkɛl a bǝla Masarɨ, a nyʊwa bɔ taal nabwɨl fɔlɔgɨɨ. A bwa nǝl maamɔ a kuwo nʊ nɨ mɨ jǝ kuwo lɛɨ.

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.