Yohana 6:39 - Dadiya NT

³⁹ Swɨtǝm nʊ nɨ a twam ɨɨ, gɔ bɛ ka n dǝg lɛ kaa nǝl win a lɛla a mʊgɔ nǝb nɨ ga nɨ ɨɨ. Bɛ n gung ji a kɔkɔ dɨltǝmɔ gǝm.

Yohana 6:39 ပူးပေါင်းရင်းမြစ်များ

Matta 10:15

N bɨlǝngǝn mǝ sʊwa jen nɛɨ, nǝn di borang Kwaamaɨ, jʊ bwɨ lɛ nǝn tuulɔ gɨɨ, bwɨla laa laa jʊ a bwɨ nǝn Sadumagɔ jǝbɔ Gwamratagɨɨ.

Matta 18:14

A na nyɔ, ke bɔ swɨtǝm Tɨya jen nɨ a dʌbʌl kwamaɨ nǝl win a mʊgɔ bɛtɔ dwalǝn nɨɨ a lɛla.

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Yohana 12:48

Nʊ nɨ a kɔ ɨɨ, a yo bɔ kɛl mǝndɨ tagɨ, nǝngǝn nǝn jʊ nɨ maa gǝm borangɔ lɛɨ. Kɛl nɨ mǝ sʊwa lɛɨ, nǝn gɔ maa gǝm borang lɛ a kɔkɔ dɨltǝmɨ.

Yohana 17:12

Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Yohana 17:6

“N kwɛl n nʊng ń nʊng ńɨ nǝb nɨ mʊ nɨ ɨ a yooli nɨɨ. Galɨgǝn jǝ na a mɔ, ń nɨ ɨ ji, ja bwangtǝn kɛl mʊnɔ.

Yohana 17:9

“Keligɔ mǝ maa lɛɨ, mǝ maa a dul ji. Mǝ maa bɔ yooligɔ gǝm keli. Mǝ maa a dul nǝb nɨ mʊ nɨ ɨɨ, jʊ a bwɨɨ jǝ na a mɔ.

Yohana 18:9

Jʊ nɨ a bwɨ sǝ ja yii kɛl nɨ ga sʊwaɨ gɔ, “A mʊgɔ nǝb nɨ mʊ nɨ ɨɨ, a lɛ mɨ bɔ wo win swar.”

Yohana 5:28

“Ka jǝ́ ta lɛ kang a nyiyo a kɛl nɨ gǝm, jʊ a bwɨɨ kwamagɔ bɛ lɛ wo, nǝb nɨ pʌd a mʊgɔ tuutɨnɨ jǝ nyʊwa nyʊwa diil gǝnɔ,

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Yohana 6:44

Mɨ nʊ nɨ dwal lɛ a bɛ a daa mǝ woi, na ke bɔ Tɛtɛ nɨ a twam ɨ a gʊ gǝnɨ. Mǝ tǝmɨ mǝ gung gung nʊ nɨ a kɔkɔ dɨltǝmɔ gǝm.

Yohana 6:54

Na nʊ nɨ a wo nam bʊtɔ mǝndɨ, a nɔɔ tʊʊm mǝndɨ, nǝngǝn nǝn kʊlɨ nɨ mɨ dɨtǝm woi, mǝ gung gǝn gung a kɔkɔ dɨltǝm tag.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

1 Korinti 6:14

Kwaama gung gung bʊtɔ bǝnɔ a bwaa nǝn kwaan gǝnɔ, kanga a gung Tɛlalɔ a bwaaɨ.

2 Timoti 2:19

Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”

Yakubu 5:15

Keli nɨ ja maa a mʊgɔ nǝtǝm bɨlǝngkɛlɨ, gǝ gung gung nǝ bɔɔla. Tɛlalɔ gung gǝn gung. Na ga maa bwɨlangkɛlɨ, Tɛlalɔ kǝlǝm gǝm kǝlǝm.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.