Yohana 6:11 - Dadiya NT

¹¹ Yesu a do kʊkkʊm nɨɨ, a buu Kwaama gǝm kangɨ, nǝngɔ a tǝga nǝb nɨ yǝm yǝmɨ, a nǝ ji kanga la jim lɛɨ. A maa nyɔ tag nǝn jʌngitɨnɔ.

Yohana 6:11 ပူးပေါင်းရင်းမြစ်များ

Matta 15:36

Nǝngɔ a do kʊkkʊm nɨ nʌbʌli jǝbɔ jʌngigɔ a buu Kwaama gǝm kangɨ, a kǝlsa a nǝ bɛtɔ mɛlalɨ gǝnɨ, ji tʌji ja nǝ nǝbɨɨ.

Luka 24:30

Kwama nɨ jǝ jam jǝjalǝnɔ lɛɨ, nǝngɔ a do kʊkkʊmɨ, a buu Kwaama gǝm kang, a kǝlsa, a tǝga jii.

Yohana 21:10

Nǝngɔ Yesu a sʊwa ji gɔ, “Jǝ́ bɛ nǝn kaam jʌngigɔ a mʊgɔ nǝb nɨ jǝ́ ta kǝngkɨɨ.”

Yohana 21:13

Nǝngɔ Yesu a yɔ ya do kʊkkʊmɔ a nǝ ji, jǝbɔ jʌngigɨɨ.

Yohana 21:9

Jǝ jel lɛ nyɔ a kʌng mwɛɨ, nǝngɔ ja kuwo kʌbʌlɔ ja kǝla lɛɨ, jʌngigɔ a dʌbʌl gǝn, jǝbɔ kaam kʊkkʊmɔ.

Yohana 6:23

Kaam tɨyamwɛngtɨnɔ a bɛ a Tibariya, ba ja tɨ nǝn dɔɔm a daa nɨ nǝbɔ a jam kʊkkʊmɔ a gul buutǝm kang Tɛlalɔɨ.

Yohana 6:9

“Kaa bwɛsǝn fɔ nǝn kʊkkʊmɔ nʊ, ja maa nǝn mim tǝba jǝbɔ jʌngitɨnɔ yo. N wɛ maa nǝb nɨ gǝm lɛ a lada nyɨɨ?”

Maajɨ Bɛtɔ Twamagɨɨ 27:35

A sʊwa nyɨɨ, nǝngɔ a do kʊkkʊmɔ a buu Kwaama gǝm kang a kǝga jin gwamɨ, a tǝgaɨ, nǝngɔ a tǝl jatǝmɨ.

Roma 14:6

Pʌd nʊ nɨ a kuwo kaa kumɔ a laa gǝm kaa kum a bǝlátǝm Tɛlalɔɨ, gǝ maa nyɔ sǝ a nǝ Tɛlalɔ dʊʊn. Nʊ nɨ ja nam lɛ tagɨ, gǝ maa nyɔ sǝ a nǝ Tɛlalɔ dʊʊn. Nʊ nɨ jǝgam lɛ jǝgamɨ, gǝ maa nyɔ sǝ a nǝ Tɛlalɔ dʊʊn. Gǝ tǝgǝn gǝ maa nyɔ sǝ a buu Kwaama gǝm kang.

1 Korinti 10:31

Na n nɔɔtǝmɨ, na n jatǝmɨ, na na kaa jǝl jǝ́ maa lɛɨ, jǝ́ maa gǝn gwam nǝn dʊʊlǝn Kwaamaɨ.

1 Tasalonikaɨ 5:18

A daa nɨ jǝ́ nya dul jenɔ woi, ya jǝ́ buu Kwaama gǝm kang lɛ, jʊ a bwɨɨ n jǝlatǝm Kwaamaɨ a bwɨ nyɔ a dul jen a mʊgɔ Kiristi Yesui.