Yohana 5:25 - Dadiya NT

²⁵ Bɨlǝngǝn mǝ sʊwa jen nɛɨ, kwamagɔ bɛ lɛ wo, a kwɛl a bɛ bɛɨ, nǝb nɨ a bʊlalaɨ, jǝ nyʊwa nyʊwa diil Bʊla Kwaamaɨ. Nǝb nɨ a nyʊwaɨ, jǝ bʊʊ bʊʊ.

Yohana 5:25 ပူးပေါင်းရင်းမြစ်များ

Luka 15:24

Bʊla mɨ nɨ a bʊla, a yǝla a fulo. A lɛla, ja nya gǝn.’ Nǝngɔ ja tǝl gaanɨ.

Luka 15:32

A la nyɔ bǝ maa bǝlátǝm jǝbɔ fulotǝm nǝl, jʊ a bwɨɨ kɨla mɔ nɨ a bʊlaɨ, a yǝla a fulo tag. A lɛla, ja nya gǝn.’ ”

Luka 9:60

Nǝngɔ a sʊwa gǝn gɔ, “Bǝla bʌlʌntɨnɔ ya fʌl bʌlʌn jinɔ. A mʊnɔ ya sʊwa nǝbɔ fulon fɔlɔn lɔ Kwaamaɨ.”

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 17:1

Nǝn kwama Yesu a sʊwam kanjǝl nɨɨ, nǝngɔ a gung dul gǝnɔ a dʌbʌl a maa keligɨɨ gɔ, “Tɛtɛ, kwamagɔ a la. Dʊʊl Bʊla mɔ, sǝ Bʊla mɔ a dʊʊl ń tǝgǝn.

Yohana 4:21

Yesu a sʊwa gǝn gɔ, “Nɔɔlɨ, nǝ bɨlǝngkɛl nǝn mǝ, kwamagɔ bɛ lɛ wo wʊnɨ mɨsɔ jǝ́ dʊʊl Tɛtɛ lɛ a dʌbʌl yem nɨɨ, mɨsɔ jǝ́ dʊʊl gǝm lɛ a Urushalimaɨ.

Yohana 4:23

Kwamagɔ bɛ lɛ wo, a kwɛl a bɛ, wʊnɨ nǝb dʊʊltǝm Kwaamaɨ dǝngdǝngɨɨ jǝ dʊʊl gǝm a mʊgɔ yʊwa jǝbɔ bɨlǝngkɛl. Kwaama a saa nǝbɔ nyɔ sǝ ja dʊʊl gǝm.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

Yohana 5:28

“Ka jǝ́ ta lɛ kang a nyiyo a kɛl nɨ gǝm, jʊ a bwɨɨ kwamagɔ bɛ lɛ wo, nǝb nɨ pʌd a mʊgɔ tuutɨnɨ jǝ nyʊwa nyʊwa diil gǝnɔ,

Yohana 6:60

Nyʊwatǝm kɛl nɨ nyɨɨ, nǝngɔ kaam bɛtɔ mɛlalɨ gǝnɔ a lada nyɔ a kʊm tangǝnɨ a sʊwa gɔ, “Kɛl nɨ a bwa. Nuwo dwal lɛ a yoi?”

Yohana 8:43

N wɛ bwɨ jǝ́ nyǝm bɔ kɛl mǝndɨɨ? Jʊ a bwɨɨ jǝ́ dwal bɔ nyʊwatǝm mɛlalɨ mǝndɨ.

Yohana 8:47

Nʊ nɨ na a Kwaamaɨ, gǝ nyʊwa nyʊwa jʊ nɨ Kwaama sʊwa lɛɨ. Jʊ a bwɨ mɨ jǝ́ nyʊwa jʊ nɨ lɛ Kwaama sʊwa lɛɨ, jǝ́ ke bɔ a Kwaamaɨ!”

Yohana 9:27

Nǝngɔ a jǝla ji gɔ, “N kwɛl n sʊwa jen sʊwaɨ, jǝ́ nyʊwa ɨ bɔ. N wɛ a bwɨ jǝ́ swɨ lɛ jǝ́ yǝla jǝ́ nyʊwa tagɨ? Jen tʌjen jǝ́ swɨ lɛ jǝ́ yǝlam bɛtɔ mɛlalɨ gǝn ka?”

Roma 6:4

Ja fʌl bǝn bǝnɔ gɔ a gola yʊtǝm mwɛ sagsag a mʊgɔ bwaa gǝnɔ gǝm, sǝ bǝ yɨ yɨm fɨ kanga ja gung Kiristi a bwaaɨ a gola dʊʊlǝn Tɛtɛɨ.

Afisa 2:1

Galɨgǝn, jǝ́ bʌlʌntɨn a kɛl dul bwɨlantɨn jenɔ jǝbɔ bwɨlangkɛltɨn jenɔ.

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

Dʊgam Nyangnyang 3:1

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ a Sardisui gǝm nyɔ, “Kɛl nɨ nǝn gɔ n twamagɔ a daagɔ nʊ nɨ maa fɔlɔn lɛ nǝn yʊwatɨn Kwaamaɨ nʌbʌli, jǝbɔ nyanyamɨtɨn nɨ nʌbʌli. N nyǝm maajɨ mʊnɔ. Jǝ kuwo ń nɛ gɔ mʊ nǝn kʊlɨ, mɨ nyǝmatǝm wo mʊ na na bʌlʌn.