Yohana 5:24 - Dadiya NT

²⁴ “Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 5:24 ပူးပေါင်းရင်းမြစ်များ

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Yohana 11:26

Nʊ nɨ nǝn kʊlɨ, a nǝ bɨlǝngkɛl a daa mɨ woi, mɨsɔ bʊla lɛ wo. Ń nǝ bɨlǝngkɛl nǝn jʊ nɨ ka?”

Yohana 12:44

Nǝngɔ Yesu a gung diilɔ gɔ, “Gwam nʊ nɨ a nǝ bɨlǝngkɛl a daa mɨ woi, a nǝ bɔ a daa mɨ woi kwaamɨ, a nǝ bɨlǝngkɛlɔ a daa nʊ nɨ woi a twam ɨɨ.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Yohana 3:18

“Nǝb nɨ a nǝ bɨlǝngkɛl a daagɔ Bwɛ woi, a nǝ ji bɔ bwɨlangkɛl. Nǝb nɨ a nǝ bɔ bɨlǝngkɛlɨ, a kwɛl a nǝ ji bwɨlangkɛl, jʊ a bwɨɨ ja nǝ bɔ bɨlǝngkɛl a dun Bʊla Kwaamaɨ nɨ wini.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Yohana 4:36

Nǝ katǝmɔ nya nya ywatǝm, mʊr kanjǝlɔ lɛ wʊnɨ yɔ lɛ nǝn a kʊlɨ nɨ mɨ dɨtǝm woi. N jʊ a bwɨ nǝ kwaltǝmɔ jǝbɔ nǝ katǝmɔ jǝ maa fulotǝm nǝl lɛ dakinii.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Yohana 6:47

“Bɨlǝngǝn mǝ sʊwa jen nɛɨ, nʊ nɨ a nǝ bɨlǝngkɛl a daa mǝ woi, a nya kʊlɨ nɨ mɨ dɨltǝm woi.

Yohana 6:50

Jǝjalǝnɔ wɔ wʊnɨ gǝla lɛ a dʌbʌli, sǝ nʊ nɨ pʌd a ja jǝjalǝn nɨɨ, mɨsɔ bʊla lɛ.

Yohana 6:51

Nǝmǝ mǝ jǝjalǝn kʊlɨ nɨ a gǝla a dʌbʌli. Na nʊ nɨ a ja jǝjalǝn nɨ, yɨ yɨ nǝn kʊlɨ mɨ dɨltǝm wo. Jǝjalǝn nɨ n nam bʊtɔ mɨ, wʊnɨ mǝ nǝ lɛɨ sǝ yooli nɨ a nya kʊlɨɨ.”

Yohana 6:58

Nǝmǝ mǝ jǝjalǝn nɨ a gǝla a dʌbʌli. Dʊʊm tʊgalam jenɔ ja ja mannagɔ, nǝngɔ ja bʊlaɨ. Nʊ nɨ a ja jǝjalǝn nɨɨ, yɨ yɨ nǝn kʊlɨ mɨ dɨltǝm wo.”

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

1 Yohana 3:14

A bǝnɔ bǝ nyǝm bǝ kwɛl bǝ bʊʊ bwaagɔ gǝm, bǝ nya kʊlɨgɔ, jʊ a bwɨɨ bǝ swɨ kɛtǝlam bǝnɔ lɛ. Nʊ nɨ mɨ maa yɨm swɨkan nɛɨ, n yɨm bwaa yɨmɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.