Yohana 5:18 - Dadiya NT

¹⁸ Kɛl nɨ a dǝg Yahudawagɔ a sʊtǝn saatǝm gola nɨ jǝ jʌm Yesu lɛɨ. Ja sʊwa gɔ, “Ke bɔ kaltǝm diil Kum Fǝbtǝmɔ kwaagɔ, a sʊwa tag gɔ, Kwaama nǝn Tɛtɛ gɔ. Kɛl nɨ a sʊwa nyɨɨ, a do dul gǝnɔ dǝngdǝng jǝbɔ Kwaama.”

Yohana 5:18 ပူးပေါင်းရင်းမြစ်များ

Matta 12:5

Jǝ́ kiyo bɔ a mʊgɔ diil Musaɨ ka, kanga nǝbkǝlamɔ a kǝl diil Kum Fǝbtǝmɔ a Kan Kwaamanɨ, a wʊnɨ a yǝlam jim bɔ bwɨlangkɛlɨ?

Yohana 1:19

Wʊnɨ nǝn gɔ nǝtǝm nyiyo nɨ Yohana a nǝ nǝn kwama nɨ Yahudawagɔ a Urushalimaɨ ja twam nǝbkǝlamɔ jǝbɔ nǝbɔ Lawii, gɔ ya ja bʌ gǝn gɔ, “Nǝmɔ mʊ wo?”

Yohana 10:30

Mǝ nǝbɔ Tɛtɛ mɨ nǝn win.”

Yohana 10:33

Yahudawagɔ a jǝla gǝn gɔ, “N ke bɔ a dul kɛl maajɨ nyantɨn nɨ mʊ maa nǝn mala ń nɛ nǝn tɛl sǝ nǝn jʌ ńi, n kɛl kaltǝm dun Kwaamaɨ. Mɔ nɨ mʊ nǝfili nǝn kwanɨ, mʊ do dul mʊnɔ lɛ dǝngdǝng jǝbɔ Kwaama.”

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Yohana 14:9

Yesu a jǝla gǝn gɔ, “Filibus, n yɨ nǝbɔ jen fanga kǝrnɨ, mʊ nyǝm ɨ bɔ ka? Gwam nʊ nɨ a kuwo ii, a kuwo Tɛ bwɛ. Wɛ mʊ sʊwa lɛ mɔʊ, ‘Nʊng nǝn Tɛ bwɛɨ’?

Yohana 19:7

Nǝngɔ Yahudawagɔ a tɨtǝn gɔ, “Nǝn nǝngǝn nǝn diil, a diil nǝnɔ gǝmɨ a yǝlam nyɔ ga bʊla, jʊ a bwɨɨ a do dul gǝnɔ gɔ gǝ nǝn Bʊla Kwaamaɨ.”

Yohana 5:15

Nǝngɔ nʊ nɨ a shu ya sʊwa dʊʊm Yahudawagɨɨ gɔ nǝn Yesu a gung gǝnɨ.

Yohana 5:16

Nǝngɔ Yahudawagɔ a tǝl saatǝm naa Yesui, jʊ a bwɨɨ maa kanjǝl nɨ lɛ nǝn Kum Fǝbtǝm.

Yohana 5:17

Nǝngɔ Yesu a sʊwa ji gɔ, “Tɛtɛ mɨ maa maajɨgɔ lɛ wo, kanga mǝ tǝmɨ mǝ maa lɛɨ.”

Yohana 5:23

Sǝ nǝbɔ gwam a nǝ Bwɛ dʊʊn, kanga jǝ nǝ Tɛ bwɛ dʊʊn nɛɨ. Nʊ nɨ mɨ nǝ Bwɛ dʊʊn nɛɨ, mɨ nǝ Tɛ bwɛ nɨ lɛ a twam gǝnɨ dʊʊn.

Yohana 7:1

A gulɔ gǝm Yesu a kɛla a mʊgɔ tǝm Galili. A swɨ bɔ a dɔ a mʊgɔ tǝm Yahudiya, jʊ a bwɨɨ Yahudawa nɨ fʌleni saa lɛ a jʌ gǝn.

Yohana 7:19

Ke bɔ Musa a nǝ jen diili ka? N wɛ a bwɨ mɨ nʊ nɨ wo bwangtǝn diilɔ lɛ a kʊm jeni? N wɛ bwɨ jǝ́ swɨ lɛ jǝ́ jʌ i?”

Yohana 8:54

Nǝngɔ Yesu a jǝla ji gɔ, “Na n nǝ dul mǝndɨ dʊʊlǝnɨ, dʊʊlǝn mǝndɨ mɨ a nyiyo jǝl. Nʊ nɨ dʊʊlɨ ɨ lɛɨ, nǝn gɔ nǝn Tɛtɛ mɨ, wʊnɨ jǝ́ sʊwa lɛ jengɔ Kwaama jeni.

Yohana 8:58

Yesu a jǝla gɔ, “N bɨlǝngkɛl mǝ sʊwa jen nɛɨ, lǝga bɔ ja bʌ Ibrahim, mǝ fɔ.”

Filibii 2:6

wʊnɨ n jelkalǝng Kwaamaɨ. Jelkalǝng gǝnɔ na Kwaamaɨ, a dǝg gǝn bɔ a do jʊ nɨ gǝ tɨtǝn nɛ tʌgoi.

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.

Dʊgam Nyangnyang 22:3

Mɨ lagtǝm wo a dul kaa jǝl. Kotere fɔlɔn Kwaamaɨ jǝbɔ a Bɛ Gal nɨ na wo a mʊgɔ tuulɔ nɨ gǝm. Jwaalɛb gǝnɔ nǝ gǝn nǝ bǝlátǝm.