Yohana 4:48 - Dadiya NT

⁴⁸ Nǝngɔ Yesu a sʊwa gǝn gɔ, “Na jǝ́ kuwo bɔ kanjǝl nʊngtǝm jǝbɔ jǝ laatǝm kangɨ, mɨsɔ jǝ́ nǝ bɨlǝngkɛl lɛ.”

Yohana 4:48 ပူးပေါင်းရင်းမြစ်များ

Matta 16:1

Kaa di nǝbɔ Farisaɨ jǝbɔ nǝbɔ Sadukiyaɨ, ja bɛ sǝ ja tɛl gǝn, sǝ ga nʊng ji kaa jǝ laatǝm kang a dʌbʌl, wʊnɨ yǝlam jim jǝ nʊngtǝm lɛɨ.

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Matta 27:42

“A bʊʊ nǝn kaam nǝbɔ. A dwal bɔ a bʊʊ nǝn dul gǝnɔ. Na nǝn gɔ gǝ fɔlɔ Israilaɨ, bɛ ga gǝla a dʌbʌl tɨya kʊʊtǝm kǝngkɔ sǝ bǝ nǝ bɨlǝngkɛl nǝn gɔ.

Markus 13:22

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

Luka 10:18

Nǝngɔ a sʊwa ji gɔ, “N kuwo Mammɔ a gǝla a dʌbʌl ba yal a tǝm biyo lɛ na kwama beta lɛɨ.

Luka 16:31

“Nǝngɔ Ibrahim a sʊwa gǝn gɔ, ‘Na ja nyʊwa bɔ kɛl Musaɨ jǝbɔ a nǝbkuwotǝmkǝgagɨɨ, mɨsɔ jǝ jǝla lɛ, na nǝl a gun a bwaa a yɔ a daa ji woi.’ ”

Yohana 12:37

Yesu a mɛ maatǝm kanjǝl laatǝm kang a gǝlala a kǝga jin sul, ja nǝ bɔ bɨlǝngkɛl a daa gǝ woi.

Yohana 15:24

N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 2:18

Nǝngɔ nǝb dʊʊm Yahudawagɔ a bʌ Yesu gɔ, “N jǝ laatǝm kang wɛ mʊ nʊng nǝn nɛɨ, wʊnɨ a nʊng mɔ nǝn fɔlɔn nɨ mʊ maa jʊ nɨ?”

Yohana 20:29

Yesu a sʊwa gǝn gɔ, “Ń kuwo i n jʊ a bwɨ mʊ nǝ bɨlǝngkɛlɨ. Bwiligɔ na nǝb nɨ a kuwo i bɔ woi, ja nǝ bɨlǝngkɛl nǝn mɨ.”

Yohana 4:49

Nǝngɔ nǝ maajɨ kan borang nɨ a sʊwa Yesu gɔ, “Nǝ dʊʊ, bǝ ya, dɨsɔ la bʊla mɨ a bʊla.”

Maajɨ Bɛtɔ Twamagɨɨ 14:3

A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.

Maajɨ Bɛtɔ Twamagɨɨ 15:12

Nǝngɔ mʊrkalɨ nǝbɨɨ gwam a yɨ shigi. Jǝ nyʊwa Barnaba lɛ jǝbɔ Bulus kanga jǝ nǝ ji fulon kɛl kanjǝl jǝ laatǝm kang nɨ lɛ Kwaama a maa a gola maajɨ jinɔ a kʊm Bʌtʌbi.

Maajɨ Bɛtɔ Twamagɨɨ 2:19

Mǝ nʊng nʊng kanjǝl laatǝm kang a dʌbʌl kwama, jǝbɔ kanjǝl nʊngtǝm a yooli nɨɨ, mǝ nʊng nʊng nǝn tʊʊm, jǝbɔ kǝla jǝbɔ yulʌn fili.

Maajɨ Bɛtɔ Twamagɨɨ 2:22

“Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Maajɨ Bɛtɔ Twamagɨɨ 2:43

Taalɔ a ta nǝbɔ gwam, jʊ a bwɨɨ bɛtɔ twamagɔ maa kanjǝl laatǝm kang lɛ jǝbɔ nʊngtǝm kanjǝl tatǝm kang a nyiyo a lada.

Maajɨ Bɛtɔ Twamagɨɨ 4:30

Nʊng kwaan dʊʊn mʊnɔ a gungtǝm, jǝbɔ kanjǝl laatǝm kang, jǝbɔ kanjǝl nʊngtǝm, a dun bwɛ jwaalɛ sagsag mʊnɔ Yesui.”

Maajɨ Bɛtɔ Twamagɨɨ 5:12

Bɛtɔ twamagɔ a maa kanjǝl nʊngtǝm jǝbɔ jǝ laatǝm kang a gǝlala a kʊm nǝbɨɨ. Nǝb bwangtǝmɔ gwam gǝ mʊrka mʊrka a lʌbo Sulemanui a talɨ Kan Kwaaman.

Maajɨ Bɛtɔ Twamagɨɨ 6:8

Istifanus a nya yiitǝm nǝn lǝma Kwaamaɨ jǝbɔ kwaan. Maa daltɔ jǝ laatǝm kang lɛ jǝbɔ kanjǝl nɨ nʊng lɛ gɔ Kwaama dakini jǝbɔ gɔ a kʊm nǝbɨɨ.

Maajɨ Bɛtɔ Twamagɨɨ 7:36

Nǝngɔ a jǝg ji a tǝm Masarɨ. A maa maajɨ kanjǝl tatǝm kang a nyiyo jǝbɔ kanjǝl laatǝm kang a tǝm Masar, jǝbɔ Wɨma Feli jǝbɔ kwaran, a yɔ nǝn a jolɔ fʊltǝnaalɨ.

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

1 Korinti 1:22

Yahudawagɔ n maatǝm jǝ laatǝm kang jǝ swɨ lɛ ja kuwoi. Nǝbɔ Girikaɨ n nyǝmtǝm jǝ swɨ lɛ jǝ nyaɨ.

2 Korinti 12:12

Kwaama a maa daltɔ jǝ tatǝm kang a nyiyo jǝbɔ jǝ nʊngtǝm a mʊgɔ jen a gola mɨ. Mǝ maa kanjǝl nɨ nǝn bɨtǝm nǝl. Kanjǝl laatǝm kang nɨ a nʊng mǝ bwɛ twama nǝn bɨlǝngǝn.

2 Tasalonikaɨ 2:9

Fɔlɔ kutʌm bwɨla nɨ bɛ a kwaan fɔlɔn Mammɨ, maa kanjǝl laatǝm kang gabakɛl lɛ, jǝbɔ kanjǝl nʊngtǝm, jǝbɔ kanjǝl tatǝm kang a nyiyo.

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.