Yohana 3:36 - Dadiya NT

³⁶ Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Yohana 3:36 ပူးပေါင်းရင်းမြစ်များ

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Luka 2:30

Nu mǝndɨ a kuwo nʊ nɨ mʊ twam sǝ a bʊʊ nǝn bǝnɨ,

Luka 3:6

Nǝfitʌmɔ gwam kuwo kuwo bʊʊtǝm Kwaamaɨ.’ ”

Yohana 1:12

A nǝb nɨ gwam a yo gǝnɨ, a nǝ bɨlǝngkɛl a daa gǝ woi, a nǝ ji fɔlɔn ja yǝlam bɛtɔ lɔ Kwaamaɨ.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 4:36

Nǝ katǝmɔ nya nya ywatǝm, mʊr kanjǝlɔ lɛ wʊnɨ yɔ lɛ nǝn a kʊlɨ nɨ mɨ dɨtǝm woi. N jʊ a bwɨ nǝ kwaltǝmɔ jǝbɔ nǝ katǝmɔ jǝ maa fulotǝm nǝl lɛ dakinii.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:58

Nǝmǝ mǝ jǝjalǝn nɨ a gǝla a dʌbʌli. Dʊʊm tʊgalam jenɔ ja ja mannagɔ, nǝngɔ ja bʊlaɨ. Nʊ nɨ a ja jǝjalǝn nɨɨ, yɨ yɨ nǝn kʊlɨ mɨ dɨltǝm wo.”

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Maajɨ Bɛtɔ Twamagɨɨ 14:2

A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.

Roma 4:15

Jʊ a bwɨɨ, diilɔ gǝ gʊ gʊ nabwɨl Kwaamaɨ. Daa nɨ mɨ diil woi, mɨ kǝltǝm diil wo.

Roma 5:9

Kanga kǝngkɔ bǝ yǝlam dǝngdǝng a gola tʊʊm gǝn, laa na nyǝn a bʊʊtǝmɔ bǝ nya lɛ a nabwɨl Kwaamaɨ a gola gǝnɨ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

Ibranii 10:29

Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

Ibranii 3:18

A wɛɛlǝm bǝ wo tag gɔ, mɨsɔ jǝ dɔ daa fǝbtǝm gǝnɔ lɛɨ? N ke bɔ jǝbɔ nǝb bǝngɨ lɔl nɨ ka?

Ibranii 3:19

Nǝngɔ bǝ kuwo bǝngɔ n kɔtǝm nǝtǝm bɨlǝngkɛl jinɔ ja gaa dɔtǝmɨ.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”