Yohana 3:12 - Dadiya NT

¹² Na n sʊwa jen kɛl tǝm nɨɨ jǝ́ jǝla bɔ nǝn, la jǝ́ jǝla nyǝn nǝn kɛl dʌbʌlɔ, na n sʊwa jeni?

Yohana 3:12 ပူးပေါင်းရင်းမြစ်များ

Yohana 3:11

N bɨlǝngkɛl mǝ sʊwa ń nɛɨ, nǝn sʊwa jʊ nǝn nyǝmɨ, nǝn nǝ nyiyo fulon jʊ nɨ nǝ kuwoi, mɨ nǝn nʊ nɨ a kʊm jen a jǝla nǝn kɛl nǝnɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 3:8

Yʊwagɔ gǝ fʌl gǝ yɔ a daa nɨ a swɨɨ, mʊ nyʊwa diil gǝnɔ lɛ, mʊ nyǝm bɔ daagɔ a jelʌmi jǝbɔ daagɔ yilom woi. A na nyɔ dangǝn jǝbɔ nʊ nɨ a nya bʌtʌm Yʊwa Kwaamaɨ.”

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Ibranii 5:11

Nǝn nǝn jʊ nɨ a lada nǝn sʊwa lɛ a dul jʊ nɨɨ, bwa bwa sʊwatǝmɔ, na nɨ nyǝmtǝm jenɔ a gɨyaɨ.

1 Yohana 4:10

Swɨtǝmɔ a na nyɔ: Ke bɔ bǝn bǝ swɨ Kwaama lɛɨ, nǝn gɔ a swɨ bǝnɨ, a twam Bʊla gɔ sǝ ba tǝla tʊʊm gǝnɔ na kǝlǝmtǝm bwɨlangkɛl bǝnɨ.