Yohana 3:11 - Dadiya NT

¹¹ N bɨlǝngkɛl mǝ sʊwa ń nɛɨ, nǝn sʊwa jʊ nǝn nyǝmɨ, nǝn nǝ nyiyo fulon jʊ nɨ nǝ kuwoi, mɨ nǝn nʊ nɨ a kʊm jen a jǝla nǝn kɛl nǝnɨ.

Yohana 3:11 ပူးပေါင်းရင်းမြစ်များ

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 23:37

“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ!

Luka 10:22

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.”

Yohana 1:11

A bɛ a yooli nɨ, wʊnɨ na a gɨɨ, nǝbam gǝnɔ a yo gǝn bɔ.

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Yohana 12:49

Kanjǝl nɨ mǝ mɛla jem lɛɨ, ke bɔ a daa mǝ woi. Tɛtɛ mɨ nɨ a twam ɨɨ, nǝn gɔ a nɨ ɨ diil nɨ gwam mǝ sʊwa lɛ, mǝ kiyo lɛɨ.

Yohana 14:24

Nʊ nɨ mɨ swɨ ɨ lɛɨ, mɨ gǝ kɨla kɛl mǝndɨ lɛ. Kɛltɨn nɨ jǝ́ nyʊwa lɛɨ, ke bɔ a mɨ, na a Tɛtɛ nɨ a twam ɨɨ.

Yohana 3:12

Na n sʊwa jen kɛl tǝm nɨɨ jǝ́ jǝla bɔ nǝn, la jǝ́ jǝla nyǝn nǝn kɛl dʌbʌlɔ, na n sʊwa jeni?

Yohana 3:13

Mɨ nǝn nʊ nɨ wo gwi a yɔ a dʌbʌli, na ke bɔ Bʊla Nǝlɨ, wʊnɨ a gǝla a dʌbʌl a bɛɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 5:43

Mǝ bɛ a mʊgɔ dun Tɛtɛ mɨɨ, jǝ́ yo i bɔ. Na kaa nǝl a bɛ a mʊgɔ dun gǝnɨ, jǝ́ yo gǝn yo.

Yohana 7:16

Nǝngɔ Yesu a jǝla ji gɔ, “Kanjǝl nɨ mǝ maa mɛlalɨ gǝnɔ lɛɨ, ke bɔ a mɨ, na nʊ nɨ a twam ɨɨ.

Yohana 8:14

Yesu a jǝla ji gɔ, “Na n nǝ nyiyo a dul mɨɨ, nǝtǝm nyiyo mǝndɨ n bɨlǝngkɛl, jʊ a bwɨɨ n nyǝm daagɔ mǝ jelʌmi jǝbɔ daagɔ mǝ yilomi. Jen jǝ́ nyǝm bɔ daagɔ mǝ jelʌmi jǝbɔ daagɔ mǝ yilom tagɨ.

Yohana 8:26

Mǝ nǝn kanjǝl nɨ a lada mǝ sʊwa lɛ a dul jeni, sǝ n maa jem borang nǝn. Nʊ nɨ a twam ɨɨ n nǝ bɨlǝngkɛl. Jʊ mǝ nyʊwa a daa gǝ woi jʊ mǝ sʊwa yooligɔ lɛɨ.”

Yohana 8:38

Mǝ sʊwa jen jʊ mǝ kuwoi a daagɔ Tɛtɛ mɨ woi. Jen jǝ́ maa jʊ nɨ jǝ́ nyʊwa a daagɔ tɛtɛ jen woi.”

Maajɨ Bɛtɔ Twamagɨɨ 22:18

A mʊgɔ dʊgam nyangnyang n kuwo Yesu sʊwa lɛ gɔ, ‘Gun dǝbǝr, bǝla Urushalimagɔ, jʊ a bwɨɨ mɨsɔ jǝ jǝla nǝtǝm nyiyo mʊnɔ lɛ a dul mɨ.’

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Dʊgam Nyangnyang 3:14

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ gǝm a Lawudikiyaɨ gǝm nyɔ, “Kɛl nɨ nǝn gɔ n twamagɔ a daagɔ nʊ nɨ jǝ jo lɛ gɔ A daa nyɨɨ, Nǝ yiitǝm swatǝm yaa, jǝbɔ nǝ nǝtǝm nyiyo nyan, n daa gǝ woi Kwaama a fwal kanjǝlɨ.