Yohana 21:3 - Dadiya NT

³ Nǝngɔ Bitrus a sʊwa gɔ, “Mǝ yi a daa tatǝm jʌngi.” Tangǝn bɛtɔ mɛlalɨgɔ ja sʊwa gɔ, “Nǝn tǝnǝn nǝn yɔ yɔ nǝbɔ mɔ.” Nǝngɔ ja jela ja dɔ tɨyamwɛngɔ ja shui. A mʊgɔ kum gɔ ja ta bɔ jǝl wo.

Yohana 21:3 ပူးပေါင်းရင်းမြစ်များ

Luka 5:5

Nǝngɔ Bitrus a jǝla gǝn gɔ, “Nǝ dʊʊ, jʊ nɨ a ta nǝn kumi nǝn gʌ kungkwang nǝn ta bɔ jʌngi wo win. Mɨsɔ mǝ kɔ kɛl mʊnɔ lɛ, nǝn mal mal lɨyal nǝnɔ.”

Yohana 21:4

Tǝmɔ sɛl lɛ nyɨɨ, Yesu wɔ tɨm a kʌng wɨma. Bɛtɔ mɛlalɨgɔ ja nyǝm bɔ gɔ nǝn Yesu.

Maajɨ Bɛtɔ Twamagɨɨ 18:3

Maajɨ kang jinɔ win jǝbɔ a gǝnɔ, jǝ fɛ gushi. N kɛl dul jʊ nɨ a yɨ jǝbɔ jii. Jǝ maa maajɨgɔ lɛ dakini.

Maajɨ Bɛtɔ Twamagɨɨ 20:34

Jen nǝn kang jen, jǝ́ nyǝm mǝ maa maajɨ nǝn kang mɨ sǝ a ywa komtǝm mǝndɨ jǝbɔ nǝb nɨ nǝn dakini.

1 Korinti 3:7

Nǝ kwalagɔ jǝbɔ nǝ taltǝm mwɛmɔ mɨ ji a nyiyo jǝl. Nǝn Kwaama a laa jǝlɨ. Nǝn gɔ a dʊʊl nǝn dʊʊmɨ.

1 Korinti 9:6

Nǝmǝ nǝbɔ Barnaba kwaanǝn, a yǝlam nǝm nyɔ, nǝn maa maajɨ, sǝla nǝn ja nǝn dul nǝnɨ ka?

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.