Yohana 21:18 - Dadiya NT

¹⁸ N bɨlǝngkɛl mǝ sʊwa ń nɛɨ, kwama nɨ mɔ a lɔ bwɛsǝnɨ, mʊ dʊʊ dʊʊ dwang ń yɔ a daa nɨ mʊ swɨ lɛɨ. A kwama mʊ gʌloi, mɔ mal mal kang mʊnɔ, sǝ kaa nǝl a dʊʊ mʊn dʊʊlɔ, sǝ a do ń a yɔ nǝn mɔ a daa nɨ mʊ swɨ bɔ ń yɔ woi.”

Yohana 21:18 ပူးပေါင်းရင်းမြစ်များ

Luka 12:37

Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.

Yohana 13:36

Nǝngɔ Bitrus a bʌ Yesu gɔ, “Tɛlalɔ, mʊ yi a fee?” Yesu a jǝla gǝn gɔ, “Daa nɨ mǝ yilomi, mɨsɔ mʊ dwal lɛ ń bwang mɨ kǝngkɔ. Na nǝn guli mʊ bwang mɨ bwang.”

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Yohana 21:19

(Yesu a sʊwa kɛl nɨ nyɔ, sǝ a nʊng bwaa nɨ Bitrus bʊla lɛɨ, wʊnɨ nʊng dʊʊlǝn Kwaamaɨ lɛɨ.) Nǝn kwama Yesu a sʊwa Bitrus kɛl nɨɨ, nǝngɔ a sʊwa gǝn gɔ, “Bwang mɨ.”

Maajɨ Bɛtɔ Twamagɨɨ 21:11

Agabus a bɛ a daa nǝn woi, nǝngɔ a do dwang fɛl Bulusi. Nǝngɔ Agabus a bwa kang gǝnɔ jǝbɔ naa gǝnɔ a sʊwa gɔ, “Yʊwa Kwaamaɨ a sʊwa gɔ, ‘Yahudawa nɨ a Urushalimaɨ bwa bwa nǝ dwang fɛl nɨ nyɔ, sǝ ja nǝ Bʌtʌbɔ.’ ”

2 Korinti 5:4

Nǝn kwama bǝ yǝm nǝn bʊtɔ yooli nɨɨ, bǝ dʊna lɛ dʊnaɨ a gaalan nɨ bǝ nyʊwa lɛɨ. A nʊng bɔ bǝ swɨ lɛ bǝ bǝla bʊtɔ yooli nɨɨ. Bǝ swɨ lɛ ja mal bǝm bʊtɔ na dʌbʌlɔ, sǝ bʊtɔ kʊlɨgɔ a fʌlʌm bʊtɔ bwaagɔ.