Yohana 21:16 - Dadiya NT

¹⁶ Nǝngɔ Yesu a bʌ gǝn na yogɨɨ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ a jǝla gǝn gɔ, “Ɔɔ, Tɛlalɔ, ń nyǝm mǝ swɨ ń nɛ.” Yesu a sʊwa gǝn gɔ, “Tɔɔ kwamɨtɨn mǝndɨ.”

Yohana 21:16 ပူးပေါင်းရင်းမြစ်များ

Matta 2:6

“ ‘Mɔ tǝmʊn Baitalami, a tǝm Yahudiya, Mɨ mɔ dǝm a nǝb maatǝm fɔlɔnɔ gǝm a tǝm Yahudiyaɨ. Jʊ a bwɨɨ kaa nǝ maatǝm fɔlɔn jel jel a mɔ gǝm, wʊnɨ yǝlam nǝb mǝndɨ Israila gǝm dʊʊ lɛɨ.’ ”

Matta 25:32

Jǝ mʊr nǝbɔ gwam a kǝga gǝn, jǝgam ji nǝn dʌmʌn, kanga nǝ tɔɔtǝm kwamɨgɔ gǝ jǝgam kwamɨgɔ lɛ a mʊgɔ bɨntɨnɨ.

Matta 26:72

Nǝngɔ Bitrus a kana nǝn wɛɛlɨ tag gɔ, “Mǝ nyǝm bɔ nʊgɔ.”

Luka 19:10

Bʊla Nǝlɨ a bɛ sǝ ba saa, sǝ a bʊʊ nǝn nǝb nɨ a lɛlaɨ.”

Yohana 18:17

Bwɛnɔɔlɨ nɨ tɔɔ nyanga lɔngɔ lɛɨ, a bʌ Bitrus gɔ, “Mɔ tǝmʊn mɨ mɔ a kʊm bɛtɔ mɛlalɨ balɨ nɨɨ ka?” A jǝla gɔ, “Ɔ ɔ, mɨ mǝ a kʊm jin.”

Yohana 18:25

Kwama nɨ jʊ nɨ bwɨm lɛɨ Bitrus tɨm wo gʌ kǝla lɛ, nǝngɔ ja bʌ gǝn gɔ, “Mɔ tǝmʊn mɨ mɔ wo a kʊm bɛtɔ mɛlalɨ gǝnɔ gǝm ka?” Nǝngɔ a kana a sʊwa gɔ, “Ɔ ɔ, mɨ mǝ a kʊm jin.”

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

1 Bitrus 2:25

Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.

1 Bitrus 5:2

Bɛ jǝ́ tɔɔ kʌm kwamɨ Kwaamaɨ nɨ a kang jeni. Bɛ ka jǝ́ maa lɛ maamɔ ja dǝg jen nǝn kwaan. Bɛ jǝ́ maa a mʊgɔ jǝlatǝm, ke bɔ a kɛl kemʌn. Bɛ a yǝlam a swɨtǝm maatǝm.

Dʊgam Nyangnyang 7:17

Jʊ a bwɨɨ, Bɛ Gal nɨ fɔ a tɨbǝl kotere fɔlɔnɨ, nǝn gɔ yǝlam nǝ tɔɔtǝm jinɔ lɛɨ. Nǝn gɔ yɔ lɛ nǝn ji a dɨyalɨ mwɛ kʊlɨɨ. Kwaama nǝn gɔ waam jim mwɛ num jinɔ lɛɨ.”