Yohana 20:31 - Dadiya NT

³¹ Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 20:31 ပူးပေါင်းရင်းမြစ်များ

Matta 16:16

Nǝngɔ Saminu Bitrus a jǝla gɔ, “Mʊ nǝn Kiristi, Bʊla Kwaamaɨ, Nǝ kʊlɨ.”

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Matta 4:3

Nǝngɔ Mammɔ ba sʊwa gǝn gɔ, “Na mʊ nǝn Bʊla Kwaamaɨ, sʊwa tatǝn nɨ a yǝlam kʊkkʊm.”

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

Luka 1:4

sǝ ń nyǝm kanjǝl nɨ ja mɛla mʊnɨ, n bɨlǝngǝn.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Yohana 10:10

Nǝkuugɔ a bɛ sǝ ba kuu kuul, jǝbɔ jʌtǝm, jǝbɔ kaltǝm. Mǝ bɛ sǝ ja nya kʊlɨ, kʊlɨ nɨ a ladaɨ.

Yohana 19:35

Nʊ nɨ a kuwo jʊ nɨ a bwɨɨ, nǝn gɔ a nǝ nyiyo a dul gǝnɨ. Nǝtǝm nyiyo gǝnɔ, n bɨlǝngkɛl. Gǝ nǝn dul gǝn a nyǝm gɔ gǝ sʊwa bɨlǝngkɛl, gǝ nǝ nyiyo sǝ jen tʌjen jǝ́ nǝ bɨlǝngkɛl.

Yohana 20:28

Nǝngɔ Toma a sʊwa gǝn gɔ, “Tɛlalɔ mɨ jǝbɔ Kwaama mɨ tag.”

Yohana 3:18

“Nǝb nɨ a nǝ bɨlǝngkɛl a daagɔ Bwɛ woi, a nǝ ji bɔ bwɨlangkɛl. Nǝb nɨ a nǝ bɔ bɨlǝngkɛlɨ, a kwɛl a nǝ ji bwɨlangkɛl, jʊ a bwɨɨ ja nǝ bɔ bɨlǝngkɛl a dun Bʊla Kwaamaɨ nɨ wini.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Maajɨ Bɛtɔ Twamagɨɨ 3:16

“Nʊ nɨ jǝ́ kuwo lɛ, jǝ́ nyǝmɨ, n gola nǝtǝm bɨlǝngkɛl a dun Yesui a nya kwaan yɔmɨ. Bɨlǝngǝn, n nǝtǝm bɨlǝngkɛl nɨ a daagɔ Yesu woi, nǝn gɔ a nǝ gǝn kwaan bʊtɔ a kuwotǝm jenɔ gǝm gwamɨ.

Maajɨ Bɛtɔ Twamagɨɨ 8:36

Ji a mʊgɔ yɔmɨ, nǝngɔ ya ja la kaa daa mwɛɨ. Nǝngɔ nʊ nɨ ja sʊ sʊɨ gɔ, “Dʌng mwɛmɔ wɔ. N wɛ a bwɨ mɨsɔ mʊ yʊ ɨ mwɛ sagsagɔ lɛɨ?” [

Maajɨ Bɛtɔ Twamagɨɨ 8:37

Filibus a sʊwa gɔ, “Na ń nǝ bɨlǝngkɛl nǝlɔ wini, jǝ maa mʊn maa.” Nʊ nɨ ja sʊ sʊɨ a jǝla gɔ, “N nǝ bɨlǝngkɛl mǝʊ Yesu Kiristi nǝn bʊla Kwaamaɨ.”]

Maajɨ Bɛtɔ Twamagɨɨ 9:20

A kʊta bɔ, Shawulu a tǝl sʊwatǝm kɛl Yesui a kantɨn mɛlalɨ Yahudawagɨɨ sʊwa lɛ gɔ, “Yesu nǝn gɔ nǝn Bʊla Kwaamaɨ.”

1 Bitrus 1:9

Jǝ́ maa fulotǝm nǝl lɛ, jʊ a bwɨɨ jǝ́ nya jǝgtǝm dul, n kɛl dul nǝtǝm bɨlǝngkɛl jenɔ.

1 Yohana 4:15

Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

2 Yohana 1:9

Nʊ nɨ a tɨ bɔ a mɛlalɨ Kiristii, a sʊtǝn kaa jǝl woi, Kwaama mɨ dakini jǝbɔ gɔ. Nʊ nɨ a tɨ a mɛlalɨ nɨɨ, nǝngǝn nǝn Tɛ bwɛɨ jǝbɔ Bwɛ.

Dʊgam Nyangnyang 2:18

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ gǝm a Tayatiraɨ gǝm nyɔ, “Kɛl nɨ nǝn gɔ n twama Bʊla Kwaamaɨ, nʊ nɨ nǝn nutɨnɔ na ben kǝlaɨ, nʊ nɨ naatɨnɔ a maa na kemʌn nɨ ja saal saalɨ.