Yohana 20:21 - Dadiya NT

²¹ Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”

Yohana 20:21 ပူးပေါင်းရင်းမြစ်များ

Matta 10:16

“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Matta 10:40

“Nʊ nɨ a yo jeni, a yo i. Nʊ nɨ a yo ii, a yo nʊ nɨ a twam ɨɨ.

Luka 24:36

Nǝn kwama nɨ jǝ kiyom kɛl nɨ lɛɨ a nyiyo jini, nǝngɔ Yesu ba tɨ a tɨbǝl jini. A sʊwa ji gɔ, “Bɛ lǝmagɔ a yɨ a kʊm jen.”

Yohana 13:20

Bɨlǝngkɛl, mǝ sʊwa jen nɛɨ, nʊ nɨ a yo nʊ nɨ mǝ twamɨ, a yo i. Nʊ nɨ a yo ii, a yo nʊ nɨ a twam ɨɨ.”

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

Yohana 20:19

Nǝn kwaamɨ nǝn dibɨlɨ, bɛtɔ mɛlalɨ Yesui yǝm daagɔ win. Ja nʊngalam nyanga kanɔ jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Nǝngɔ Yesu a bɛ ba tɨ a tɨbǝl jini, a sʊwa ji gɔ, “Bɛ yɨm kwamɨgǝnɔ a na jǝbɔ jen.”

Yohana 20:22

A sʊwa nyɨɨ, nǝngɔ a fǝ jim fǝbǝm gǝnɨ, a sʊwa ji gɔ, “Jǝ́ yo Yʊwa Kwaamaɨ.

Yohana 20:26

Kum naalǝbɔ a yii, bɛtɔ mɛlalɨgɔ a mʊrka a mʊgɔ lɔngɨ, Toma wo jǝbɔ ji. Nyanga kanɔ a nʊng nʊngɨ, nǝngɔ Yesu a bɛ ba tɨ a tɨbǝl jini a sʊwa gɔ, “Bɛ yɨm kwamɨgǝnɔ a na jǝbɔ jen.”

Yohana 3:17

Kwaama a twam bɔ Bʊla gɔ a yooli nɨ sǝ a mwatɨ yooli nɨ gǝm borang. A twam gǝn sǝ a bʊʊ nǝn yooligɔ a gola gǝn.

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

3 Yohana 1:14

Mǝ ya nǝl lɛ bǝ tǝgaka tǝgaka mɨsɔ kʊta lɛ, sǝ bǝ sʊwa kɛl kǝga jǝbɔ kǝga.