Yohana 20:17 - Dadiya NT

¹⁷ Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Yohana 20:17 ပူးပေါင်းရင်းမြစ်များ

Matta 12:50

Na nʊ nɨ a maa jʊ nɨ Tɛtɛ mɨ nɨ a dʌbʌli swɨ lɛɨ, n nʊ nǝn kɨla mɨ balɨ jǝbɔ kɨla mɨ nɔɔlɨ jǝbɔ nɛnɛ mɨɨ.”

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Matta 28:7

Jǝ́ yɔ dǝbǝr dǝbǝr ya jǝ́ sʊwa bɛtɔ mɛlalɨ gǝnɔ gɔ, ‘A gun a bwaagɔ gǝm. N wɔ ya laa jen laa a Galili, n daa gɔ jǝ́ kuwom gǝn nɛɨ.’ N jʊ a bɛ nǝn mǝ sǝ ba n sʊwa jeni.”

Markus 12:26

A dul kɛl guntǝm a bwaaɨ, jǝ́ kiyo bɔ wo a langǝn bwangǝn Musaɨ jʊ Kwaama a sʊwa gǝn a fulon kɛl kʊm tɨya yʌbigɔ ta kǝla lɛɨ gɔ, ‘Nǝmǝ mǝ Kwaama Ibrahimi, jǝbɔ Kwaama Ishakui jǝbɔ Kwaama Yakubui’ ka?

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Luka 10:4

Ka jǝ́ do lɛ bǝla kemʌn, jǝbɔ sʊwa yɔm, jǝbɔ twamtɨn. Ka jǝ́ tɨla lɛ a yaltǝm nǝbɨɨ a gola.

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 14:2

A mʊgɔ lɔ Tɛtɛ mɨɨ, kantɨnɔ wo a lada. Na na mɨ nyɨɨ, na mɨsɔ mǝ sʊwa jen nɛ. Mǝ yi fʌlen sǝ n fɛka jem daagɔ.

Yohana 14:28

“Jǝ́ kwɛl jǝ́ nyʊwa n sʊwa jen mǝʊ, ‘Mǝ shu shu, sǝ n yǝla n bɛ a daa jen woi.’ Na na jǝ́ swɨ ɨ lɛɨ, na jǝ́ maa fulotǝm nǝl a shutǝm mǝndɨ gǝm a daa Tɛtɛ woi, jʊ a bwɨɨ, Tɛtɛ a laa ɨ.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 17:11

Kǝngkǝnɨ mɨsɔ mǝ yɨ lɛ a yooli, nǝb nɨ gǝ na a yooli nɨ, mǝ yilo a daa mɔ woi. Tɛtɛ Nǝ Sagsag, bɛ ń kɨla ji nǝn kwaan dun mʊnɔ, dun nɨ mʊ nɨ ɨɨ, sǝ ja yǝlam win kanga bǝ wini.

Yohana 17:25

“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 20:27

Nǝngɔ a sʊwa Toma gɔ, “Dǝg bawuli kang mʊnɔ fɔ, dʌng kangtɨn mǝndɨ. Mal kang mʊnɔ ń dǝg ń tɛl baya mǝndɨ. Bǝla nyǝmatǝmɔ wo, nǝ bɨlǝngkɛl.”

Yohana 7:33

Nǝngɔ Yesu a jǝla gɔ, “Kwama mǝ yɨ lɛ nǝbɔ jeni a taam nǝn dǝm nyɔ, sǝ n yǝla n shu a daagɔ nʊ nɨ a twam ɨɨ.

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

2 Korinti 6:18

Mǝ yǝlam yǝlam Tɛ a daa jen woi. Jen tʌjen jǝ́ yǝlam yǝlam bɛtɔ lɔ mɨɨ, batǝm jǝbɔ nɔɔtǝm, N sʊwatǝm Tɛlalɔ Nǝ Kwaanɨ.”

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Ibranii 11:16

Jǝ ya nǝl lɛ a kaa tǝm nɨ a laa bʊmǝnɨ. Nǝn gɔ nʊ nɨ a dʌbʌl kwamaɨ. A dul kɛl nɨ, Kwaama mɨ nyʊwa gunidul lɛ ja jo gǝn gɔ Kwaama jin, jʊ a bwɨɨ, a fɛka jim tuulɔ.

Ibranii 8:10

Mǝ Tɛlalɔ, n sʊwa mǝʊ, wʊnɨ nǝn gɔ swatǝm yaagɔ mǝ maa lɛ jǝbɔ nǝbɔ Israilaɨ a gul kumtɨn nɨɨ. Mǝ dǝg dǝg diil mǝndɨ a mʊgɔ nǝl jinɔ gǝm, sǝ n mʊla jim a nǝl jinɔ gǝm. Mǝ yǝlam yǝlam Kwaama jin. Ji tʌji jǝ yǝlam yǝlam nǝbam mɨ.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

Dʊgam Nyangnyang 21:3

N nyʊwa kaa diil nǝn kwaan nyɔ a daagɔ kotere fɔlɔnɔ woi, sʊwa lɛ gɔ, “Jǝ́ kuwo, daa yɨm Kwaamaɨ gǝ na jǝbɔ nǝbɔ, yɨ jǝbɔ ji. Jǝ yǝlam nǝbam gǝn, Kwaama nǝn dul gǝn yɨ yɨ jǝbɔ ji a yǝlam Kwaama ji.

Dʊgam Nyangnyang 21:7

Nʊ nɨ a ku jelʌni, ja ja kʊlagɔ a daa mǝ woi. N yǝlam Kwaama gǝn, gǝ tǝgǝn a yǝlam bwɛ a daa mǝ woi.