Yohana 2:11 - Dadiya NT

¹¹ Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Yohana 2:11 ပူးပေါင်းရင်းမြစ်များ

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Yohana 1:43

Nǝn tǝmsɛlɨ nǝngɔ Yesu a fɛka yɔm Galilii. A dɔ Galilii, nǝngɔ a tǝgaka jǝbɔ Filibusi, a sʊwa gǝn gɔ, “Bwang mɨ.”

Yohana 1:50

Nǝngɔ Yesu a jǝla Nataniyel gɔ, “Mʊ nǝ bɨlǝngkɛl a kɛlɔ mǝ gar mǝʊ n kuwo ń a jʌng tɨya dʌfengi ka? Mʊ kuwo kuwo kanjǝl nɨ a laa a wʊnɨ.”

Yohana 10:41

Nǝbɔ a lada nyɔ a bɛ a daa gǝ woi. Jǝ sʊwa lɛ gɔ, “Yohana a maa bɔ jǝ laatǝm kang wo. Pʌd kanjǝl nɨ a sʊwa a dul nʊ nɨɨ, n bɨlǝngkɛl.”

Yohana 11:15

Mǝ nyʊwa fulotǝm nǝl lɛ a dul jen gɔ mɨ mǝ woi, sǝ jǝ́ nǝ bɨlǝngkɛl. Bɛ bǝ yɔ a daa gǝ woi.”

Yohana 11:47

Nǝngɔ dʊʊm nǝbkǝlamɔ jǝbɔ nǝbɔ Farisaɨ ja mʊr nǝb dʊʊm koteregɨɨ. Ja bʌbko a bʊtɔ ji gɔ, “Wɛ bǝ maa lɛɨ? Balɨ nɨ wɔ maa kanjǝl laatǝm kang lɛ a lada nyɔ.

Yohana 12:18

Nǝbɔ a lada ja yɔ tǝgatǝm Yesui, jʊ a bwɨɨ, ja nyʊwa fulon jǝ laatǝm kang nɨ a maaɨ.

Yohana 12:37

Yesu a mɛ maatǝm kanjǝl laatǝm kang a gǝlala a kǝga jin sul, ja nǝ bɔ bɨlǝngkɛl a daa gǝ woi.

Yohana 12:41

Ishaya a sʊwa nyɔ, jʊ a bwɨɨ a kuwo dʊʊlǝn Yesui, a sʊwa fulon gǝnɔ.

Yohana 14:13

Gwam jʊ nɨ jǝ́ kel a mʊgɔ dun mɨɨ, mǝ maa maa, sǝ Tɛ bwɛ a nya dʊʊlǝn a dul Bʊla gɨɨ.

Yohana 16:27

Tɛtɛ swɨ jen nɛ nǝn dul gǝn, jʊ a bwɨɨ jǝ́ swɨ ɨ lɛ, jǝ́ nǝ bɨlǝngkɛl lɛ jengɔ mǝ jel a daa Kwaama woi.

Yohana 16:30

Kǝngkǝnɨ nǝn nyǝm nǝngɔ ń nyǝm kanjǝlɔ gwam. Ń nyǝm gartǝm kɛlɔ na kaa nǝl dɨ bʌtʌmɔ lɛɨ. Wʊnɨ a dǝg nǝn nǝn nǝ bɨlǝngkɛl mʊ jel a daa Kwaama woi.”

Yohana 2:1

A kum na taalɔ, jǝ maa kangwaal lɛ a tuulɔ Kana nɨ a tǝm Galilii. Nyɨya Yesui wo.

Yohana 2:23

Nǝn kwama Yesu a mʊgɔ Urushalimaɨ a di Dikulom Yabtǝmɨ, nǝbɔ a lada a nǝ bɨlǝngkɛl a daa gǝ woi a dul kanjǝl laatǝm kang nɨ ga maa a nu jini.

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Yohana 4:3

Nǝn kwama Yesu a nyʊwa fulon kɛl nɨɨ, nǝngɔ a bǝla Yahudiyagɨɨ, a yǝla a Galilii.

Yohana 4:46

Nǝngɔ Yesu a yǝla a yɔ a tuulɔ Kana nɨ a tǝm Galilii, daa nɨ a yǝla nǝn mwɛmɔ a yǝlam mwɛ fogfogii. A daagɔ, kaa nǝ dʊʊ maajɨ kan borang wo wʊnɨ bʊla gɔ a Kafarnahum mɨ kwamɨgǝnɨ.

Yohana 4:54

Wʊnɨ nǝn gɔ jǝ laatǝm kang na yogɔ Yesu a maaɨ, nǝn kwama a bǝla Yahudiyagɔ, a bɛ a Galilii.

Yohana 5:23

Sǝ nǝbɔ gwam a nǝ Bwɛ dʊʊn, kanga jǝ nǝ Tɛ bwɛ dʊʊn nɛɨ. Nʊ nɨ mɨ nǝ Bwɛ dʊʊn nɛɨ, mɨ nǝ Tɛ bwɛ nɨ lɛ a twam gǝnɨ dʊʊn.

Yohana 6:14

Nǝbɔ a kuwo jǝ laatǝm kang nɨ Yesu a maaɨ, nǝngɔ ja sʊwa gɔ, “Bɨlǝngkɛl, nʊ nɨ nǝn gɔ nǝkuwotǝmkǝga nɨ ja sʊwa gɔ bɛ lɛ a yooli nɨɨ!”

Yohana 6:2

Nǝbɔ a lada nyɔ na a bwang gǝmɨ, jʊ a bwɨɨ, ja kuwo jǝ laatǝm kang nɨ gǝ maa nǝb bɔɔlamɔ gǝm lɛɨ.

Yohana 6:26

Nǝngɔ Yesu a jǝla ji gɔ, “Bɨlǝngǝn, mǝ sʊwa jen nɛɨ, jʊ a bwɨ jǝ́ saa ɨ lɛɨ, n ke bɔ jǝ laatǝm kang nɨ jǝ́ kuwo mǝ maa lɛɨ. Jǝ́ saa ɨ, n kɛl kʊkkʊmɔ jǝ́ ja, jǝ́ bobaɨ.

Yohana 6:30

Nǝngɔ nǝbɔ a bʌ Yesu gɔ, “N jǝ laatǝm kang wɛ mʊ maa lɛɨ, sǝ nǝn kuwo nǝn nǝ bɨlǝngkɛl a daa mɔ woi? Wɛ mʊ maa lɛɨ?

Yohana 7:31

Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”

Yohana 9:16

Kaam nǝbɔ Farisaɨ gɔ, “Nʊ nɨ a jel bɔ a daagɔ Kwaamaɨ woi, jʊ a bwɨɨ a kɨla bɔ Kum Fǝbtǝmɔ.” Kaamɨ a maa bʌtʌm gɔ, “La maa nyǝn nǝ bwɨlangkɛl dwal maa kanjǝl laatǝm kang nɨ lɛɨ?” Nǝngɔ bʊʊlalɨ jinɔ a beli.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

1 Yohana 5:13

Mǝ mʊla jem jʊ nɨ, jen nɨ jǝ́ nǝ bɨlǝngkɛl nǝn dun Bʊla Kwaamaɨ, sǝ jǝ́ nyǝm jen nǝn kʊlɨ nɨ mɨ dɨtǝm woi.