Yohana 19:17 - Dadiya NT

¹⁷ Nǝngɔ sʊwajaamtɨnɔ a shu nǝn Yesui. Yesu a jel a mʊgɔ tuulɔ. A do tɨya kʊʊtǝm gǝnɔ nǝn kang gǝn. A yɔ nǝn a kaa daa nɨ ja jo lɛ gɔ Kwasɨ duli. Nǝn nyiyo Yahudawagɨɨ jǝ jo gɔ Golgota.

Yohana 19:17 ပူးပေါင်းရင်းမြစ်များ

Matta 10:38

Nʊ nɨ a do bɔ tɨya kʊʊtǝm gǝnɔ a bwang mɨɨ, a la bɔ a yǝlam a mɨ.

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Matta 27:37

A dʌbʌl dul gǝnɔ gǝm ja mʊla kɛl katǝm wo a dul gǝn gɔ, “wʊnɨ nən yesu, fɔlɔ yahudawagɨɨ.”

Markus 10:21

Yesu a dʌng gǝn nǝn dʌngtǝm swɨtǝm, nǝngɔ a sʊwa gǝn gɔ, “Jʊ win na a taam mʊnɨ, yɔ ya miyo jʊ gwam mʊ nǝnɨ tǝga nǝb bʊnǝnɔ, mʊ nya nya shilo a dʌbʌl. Sǝla ba ń bwang mɨ.”

Markus 15:26

Ja mʊla bwɨlangkɛlɔ a dul gǝn gɔ, “nən gɔ fɔlɔ yahudawagɨɨ.”

Markus 15:32

Na gǝ nǝn Kiristii, fɔlɔ Israilagɔ, ga gǝla a dʌbʌl tɨya kʊʊtǝm nɨ kǝngkɔ, bǝ kuwo, sǝ bǝ nǝ bɨlǝngkɛl.” Nǝb nɨ ja kʊʊ ji dakinii, ja tuwo gǝn tʌji.

Markus 8:34

Nǝngɔ a jo nǝbɔ mʊrkaɨ jǝbɔ bɛtɔ mɛlalɨ gǝnɔ, a sʊwa ji gɔ, “Nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Luka 14:27

Na nʊ nɨ a do bɔ tɨya kʊʊtǝm gǝnɔ a bwang mɨɨ, mɨsɔ dwal lɛ a yǝlam bwɛ mɛlalɨ mɨ.

Luka 23:26

Kwama jǝ shum lɛ nǝn Yesui, ja ta kaa balɨ wʊnɨ jǝ jo lɛ gɔ Saminui, n bwɛ Kuranei, wʊnɨ a jel a kuul bɛ lɛ a tuulɔɨ. Nǝngɔ ja ya gǝm tɨya nɨ jǝ kʊʊm Yesu lɛɨ gɔ a doi.

Luka 23:33

Ba ja la daagɔ jǝ kʊʊm gǝn nɛɨ, wʊnɨ jǝ jo lɛ gɔ kwasɨ duli, nǝngɔ ja kʊʊ gǝn jǝbɔ nǝbkuumɔ nɨ yoi, win a gwanga kang jajǝng, win a gwanga kang fɔlɔng gǝn.

Luka 23:38

Ja mʊla tʌgo a dul tɨya nɨ ja kʊʊm gǝnɨ gɔ, “nʊ nɨ nən gɔ fɔlɔ yahudawagɨɨ.”

Luka 9:23

Nǝngɔ a sʊwa gɔ, “Na nǝl swɨ lɛ a bwang mɨɨ, bɛ ga kɔ dul gǝnɔ. Ga do tɨya kʊʊtǝm gǝnɔ kum jǝbɔ kum. Ga bwang mɨ.

Yohana 19:13

Bilatus a nyʊwa jʊ nɨ ja sʊwaɨ, nǝngɔ a jel nǝn Yesui. Nǝngɔ Bilatus a yɨ a daa yɨm maatǝm borang a kaa daa nɨ ja mɔ nǝn tatǝnɨ. Nǝn nyiyo Yahudawagɨɨ jǝ jo gɔ Gabbata.

Yohana 5:2

A Urushalima kaa gʌto wo, ja kang nǝn lʌbotɨnɔ nʊ. Nǝn nyiyo Yahudawagɨɨ jǝ jo gɔ, Betasda. Gʌto nɨ a kɔtʌgo a Nyanga lɔng Kwamɨ.

Maajɨ Bɛtɔ Twamagɨɨ 7:58

Ja gʊ gǝn, ja yɔ nǝn gɔ a gulen, jǝ mala gǝn nɛ nǝn tatǝn, jǝ swɨ lɛ ja jʌ gǝn. Nǝngɔ nǝb dʌngi nugɔ a ya dwangtɨn jinɔ a daa kaa bwayǝlɨ woi, dun gǝnɔ nǝn Shawulu.