Yohana 18:4 - Dadiya NT

⁴ Yesu a nyǝm jʊ nɨ nya gǝn nɛ gwamɨ, nǝngɔ a jel a bʌ ji gɔ, “Jǝ́ saa wo?”

Yohana 18:4 ပူးပေါင်းရင်းမြစ်များ

Matta 16:21

A kumtɨn gɔ, Yesu a tǝl fɛta bɛtɔ mɛlalɨ gǝnɔ kɛlɔ lɛ gɔ, “A yǝlam nyɔ n yɔ a Urushalima, mǝ nɔɔ nɔɔ gaalan nǝn dʌmʌn a kang nǝb dʊʊmɨ, jǝbɔ dʊʊm nǝbkǝlamɔ jǝbɔ nǝb mɛlalɨ diilɔ. Jǝ jʌ i jʌ i. A kum na taalɔ gǝm, mǝ gun gun nǝn dʊʊmɨ.”

Matta 26:2

“Jǝ́ nyǝm Dikulom Yabtǝmɔ a bǝla kumɔ yo, jǝ nǝ nǝ Bʊla Nǝlɨ a daa nǝb kiim gǝnɔ woi, sǝ ja kʊʊ gǝn a dʌbʌl tɨya.”

Matta 26:21

Kwama jǝ jam jǝjalǝnɔ lɛɨ, nǝngɔ a sʊwa ji gɔ, “N bɨlǝngkɛl mǝ sʊwa jen nɛɨ, win a kʊm jen lungto i lungto i.”

Matta 26:31

Nǝngɔ Yesu a sʊwa ji gɔ, “Jǝ́ mwala mwala jǝ́ bǝla ɨ nǝn kum nɨɨ, a jʊ bwɨ lɛ nǝn mɨɨ, a mʊla mʊlaɨ gɔ, “ ‘Mǝ ga ga nǝ tɔɔtǝm kwamɨgɔ, sǝ kʌm kwamɨtɨnɔ a kwɨya tǝmɔ nǝn kwan.’

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 13:11

Yesu a kwɛl a nyǝm nʊ nɨ lungto gǝn nɛɨ, n jʊ a bwɨ a sʊwa ji gɔ, “Ke bɔ gwam jenɔ jǝ́ sagsagɨ.”

Yohana 18:5

Nǝngɔ ja jǝla gǝn gɔ, “Yesu Bwɛ Nazarat.” Nǝngɔ Yesu a sʊwa ji gɔ, “Nǝmǝ mǝ gɔ.” Yahuza wʊnɨ a lungto gǝnɨ tɨm wo jǝbɔ ji.

Yohana 18:7

Nǝngɔ a yǝla a bʌ ji gɔ, “Jǝ́ saa wo?” Nǝngɔ ja sʊwa gɔ, “Yesu Bwɛ Nazarat.”

Yohana 19:28

Yesu a nyǝm gɔ ja dɨ kanjǝlɔ gwamɨ, sǝ ja yii jʊ nɨ mʊlalɨ kɛl Kwaama a sʊwaɨ, nǝngɔ a sʊwa gɔ, “Mǝ nyʊwa diil mwɛ lɛ.”

Yohana 6:64

Kaam jenɔ wo a nǝ bɔ bɨlǝngkɛl.” A sʊwa nyɔ jʊ a bwɨɨ, a tǝltǝmɔ gǝm Yesu a nyǝm nyǝmɨ nǝb nɨ a nǝ bɔ bɨlǝngkɛlɨ, jǝbɔ nʊ nɨ lungto gǝn nɛɨ.

Maajɨ Bɛtɔ Twamagɨɨ 2:28

Ń nʊng ɨ gola nɨ yɔ lɛ nǝn mǝ a kʊlɨɨ. Mʊ yii i yii i nǝn fulotǝm nǝl a kǝga mʊn.’

1 Bitrus 4:1

Kanga Kiristi a nɔɔ gaalan a bʊtɔɨ, jen tʌjen bɛ jǝ́ fɛka sǝ jǝ́ maa nyɔ, jʊ a bwɨɨ nʊ nɨ a nɔɔ gaalan a bʊtɔɨ, a bǝla maatǝm bwɨlangkɛlɔ.