Yohana 17:24 - Dadiya NT

²⁴ “Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Yohana 17:24 ပူးပေါင်းရင်းမြစ်များ

Matta 25:21

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Matta 25:23

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Matta 26:29

Mǝ sʊwa jen nɛ, jʊ a ta a kǝngkɨɨ mɨsɔ mǝ yǝla lɛ n nɔɔ mwɛ tʊʊl fogfogi nɨ wo tag, ba mǝ nɔɔ a fɨ jǝbɔ jen a fɔlɔn lɔ Tɛtɛ mɨɨ.”

Luka 12:37

Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.

Luka 23:43

Yesu a jǝla gǝn gɔ, “N sʊwa ń bɨlǝngǝn, dwiyen mʊ dakini jǝbɔ mǝ a dʌbʌl lɔ Kwaamaɨ.”

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Yohana 14:3

Na ya n fɛka jem daagɨɨ, sǝla n yǝla ba n yɔ nǝn jen a daa gɔ, sǝ tʌjen jǝ́ yɨ a daa mǝ woi.

Yohana 15:9

“Kanga Tɛ bwɛ swɨ ɨ lɛɨ, mǝ tǝmɨ mǝ swɨm jen nyɔ, bɛ jǝ́ yɨ a mʊgɔ swɨtǝm nɨ mǝ maa jem lɛɨ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 17:22

Nǝmɔ mǝ nǝ nǝb nɨ dʊʊlǝnɔ mʊ nɨ ɨɨ, sǝ ja yǝlam win kanga bǝn bǝ wini.

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 6:39

Swɨtǝm nʊ nɨ a twam ɨɨ, gɔ bɛ ka n dǝg lɛ kaa nǝl win a lɛla a mʊgɔ nǝb nɨ ga nɨ ɨɨ. Bɛ n gung ji a kɔkɔ dɨltǝmɔ gǝm.

Yohana 8:58

Yesu a jǝla gɔ, “N bɨlǝngkɛl mǝ sʊwa jen nɛɨ, lǝga bɔ ja bʌ Ibrahim, mǝ fɔ.”

1 Korinti 13:12

Kǝngkɔ maamɔ bǝ dʌng a bwaala duddugi. Kwama gɔ bǝ kuwo kuwo kǝga jǝbɔ kǝga. Kǝngkɔ nyǝmtǝm mǝndɨ a dwal. A kwama gɔ mǝ nyǝm nyǝm dangǝn, kanga Kwaama a nyǝm ɨ kǝngkɨɨ.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

2 Korinti 5:8

Nǝn nǝn bɨtǝm nǝl. Nǝn swɨ lɛ na laa laa jǝl nǝn wʊlaka nǝn bʊtɔ nɨɨ, nǝn yɨ a daagɔ Tɛlalɔ woi.

Filibii 1:23

Gwam jinɔ yo jǝ gʊ nǝl mǝndɨ lɛ dangǝn. Swɨtǝm mǝndɨ n bʊla sǝ n yɔ ya n yɨ nǝbɔ Kiristi. Nǝn gɔ jʊ a laa jǝlɨ.

1 Tasalonikaɨ 4:17

A bwangtǝnɨ, bǝn nɨ a bǝla nǝn kʊlɨ a kwama gɨɨ, jǝ do bǝn do sǝ bǝ nya ji a mʊgɔ lul, sǝ bǝ tǝgaka jǝbɔ Tɛlalɔ a dʌbʌl kwama. A kwama gɔ bǝ yɨ dakini bǝnɔ Tɛlalɔ mɨ dɨltǝm wo.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

Dʊgam Nyangnyang 21:22

Mǝ kuwo bɔ Kan Kwaaman wo a mʊgɔ tuulɔngɔ gǝm, jʊ a bwɨɨ Kan Kwaaman gǝnɔ nǝn Tɛlalɔ Kwaama Nǝ kwaan, jǝbɔ Bɛ Gal nɨ tag.

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.