Yohana 17:21 - Dadiya NT

²¹ Tɛtɛ, mǝ kela lɛ sǝ pʌd jinɔ ja yǝlam win, kanga mʊ yǝm a mʊgɔ mɨɨ, mǝ yǝm a mʊgɔ mʊnɨ, mǝ kela lɛ bɛ ja yɨ a mʊgɔ bǝn, sǝ nǝbɔ yooli nɨ a nǝ bɨlǝngkɛl gǝ nǝmɔ mʊ twam ɨɨ.

Yohana 17:21 ပူးပေါင်းရင်းမြစ်များ

Markus 3:24

Na fɔlɔnɔ a bel yoi, a kɛl kii, fɔlɔn gɔ mɨsɔ tɨ lɛ.

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Yohana 10:30

Mǝ nǝbɔ Tɛtɛ mɨ nǝn win.”

Yohana 10:38

Na maajɨgɔ mǝ maa lɛɨ, na jǝ́ nǝ bɔ bɨlǝngkɛl nǝn mǝɨ, jǝ́ nǝ bɨlǝngkɛl nǝn maajɨgɔ, sǝ jǝ́ nyǝm tag jengɔ, Tɛtɛ gǝ na a mʊgɔ mɨ, mǝ tǝmɨ mǝ na a mʊgɔ Tɛtɛɨ.”

Yohana 11:42

N nyǝm nyǝmɨ mʊ nyʊwa ɨ lɛ. Mǝ sʊwa jʊ nɨ, sǝ nǝb nɨ tɨlam fǝɨ, ja nǝ bɨlǝngkɛl gɔ nǝmɔ mʊ twam ɨɨ.”

Yohana 13:32

Na Kwaama a nya dʊʊlǝn a kɛl dul gǝnɨ, Kwaama nǝ nǝ Bwɛ dʊʊlǝn a kɛl dul gǝn. Mɨsɔ ta bʊtɔ lɛ, nya nya dʊʊlǝn.

Yohana 13:35

Na jǝ́ maa swɨkatǝm lɛɨ, n daagɔ nǝbɔ gwam nyǝm lɛ gɔ jǝ́ bɛtɔ mɛlalɨ mɨɨ.”

Yohana 17:11

Kǝngkǝnɨ mɨsɔ mǝ yɨ lɛ a yooli, nǝb nɨ gǝ na a yooli nɨ, mǝ yilo a daa mɔ woi. Tɛtɛ Nǝ Sagsag, bɛ ń kɨla ji nǝn kwaan dun mʊnɔ, dun nɨ mʊ nɨ ɨɨ, sǝ ja yǝlam win kanga bǝ wini.

Yohana 17:18

Mǝ twam ji a yooli nɨ, kanga mɔ tǝmʊn mʊ twam ɨ a yooli nɨ.

Yohana 17:20

“Ke bɔ nǝb nɨ kwaaji mǝ maa jim keli lɛɨ, mǝ maa keligɔ tag a nǝb nɨ nǝ bɨlǝngkɛl lɛ a kɛl jinɔ gǝmɨ.

Yohana 17:25

“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 17:8

Jʊ a bwɨɨ kɛl nɨ mʊ sʊwa ɨɨ, n sʊwa ji. Ja yo, ja nyǝm n bɨlǝngkɛl mǝ jel a daa mɔ woi, ja nyǝm bɨlǝngǝn nǝmɔ mʊ twam ɨɨ.

Yohana 3:17

Kwaama a twam bɔ Bʊla gɔ a yooli nɨ sǝ a mwatɨ yooli nɨ gǝm borang. A twam gǝn sǝ a bʊʊ nǝn yooligɔ a gola gǝn.

Yohana 5:23

Sǝ nǝbɔ gwam a nǝ Bwɛ dʊʊn, kanga jǝ nǝ Tɛ bwɛ dʊʊn nɛɨ. Nʊ nɨ mɨ nǝ Bwɛ dʊʊn nɛɨ, mɨ nǝ Tɛ bwɛ nɨ lɛ a twam gǝnɨ dʊʊn.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 4:32

Nǝb bwangtǝmɔ gwam, nyiyo jinɔ win, nǝl jinɔ win. Mɨ nǝn nʊ nɨ a kʊm jin a sʊwa gɔ jʊ nɨ gǝ nǝnɨ, na a gɔ kwaagɨɨ. Jǝ sʊwa gɔ na a ji gwam.

Roma 12:5

a dul kɛl nɨ, bǝn nɨ sul bǝ lada nyɨɨ, bǝ yǝlam bʊtɔgɔ win a mʊgɔ Kiristii, gwam bǝnɔ bǝ mʊrka bǝ yǝlam win.

1 Korinti 1:10

N kela jen kɛtǝlam mɨ, a mʊgɔ dun Yesu Kiristi Tɛlalɔ bǝnɨ, pʌd jenɔ bɛ nyiyo jenɔ a yǝlam win. Ka beltǝm ya dɔ lɛ kʊm jen. Bɛ jǝ́ mʊrka dul, bʊʊlalɨgɔ win, maajɨgɔ win.

1 Korinti 12:12

Kanga bʊtɔgɔ win nǝngǝn nǝn jinʌnɔ a lada nyɨɨ, jinʌn nɨ gwam a lada nyɨɨ, bʊtɔgɔ win, gǝ na nyɔ a mʊrkalɨ nǝb bwangtǝm Kwaamaɨ gǝm, wʊnɨ nǝn gɔ n bʊtɔ Kiristii.

1 Korinti 6:17

Nʊ nɨ a mʊrka dul gǝnɔ jǝbɔ Tɛlalɔɨ, a yǝlam win jǝbɔ gɔ a yʊwa.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

1 Yohana 5:7

Kanjǝl nǝtǝm nyiyogɔ wo taal,