Yohana 17:11 - Dadiya NT

¹¹ Kǝngkǝnɨ mɨsɔ mǝ yɨ lɛ a yooli, nǝb nɨ gǝ na a yooli nɨ, mǝ yilo a daa mɔ woi. Tɛtɛ Nǝ Sagsag, bɛ ń kɨla ji nǝn kwaan dun mʊnɔ, dun nɨ mʊ nɨ ɨɨ, sǝ ja yǝlam win kanga bǝ wini.

Yohana 17:11 ပူးပေါင်းရင်းမြစ်များ

Matta 10:16

“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Matta 6:9

Na jǝ́ kel keli lɛɨ, bɛ jǝ́ sʊwa nyɔ: “ ‘Tɨya bǝn nɨ a kwamaɨ, bɛ dun mʊnɔ a nya dʊʊltǝm.

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 14:20

Nǝn kɔkɔ gɔ, jǝ́ nyǝm nyǝm mǝ na a mʊgɔ Tɛtɛ mɨɨ, jen tʌjen a mʊgɔ mɨ, mǝ tǝmɨ a mʊgɔ jen.

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

Yohana 17:25

“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.

Yohana 17:6

“N kwɛl n nʊng ń nʊng ńɨ nǝb nɨ mʊ nɨ ɨ a yooli nɨɨ. Galɨgǝn jǝ na a mɔ, ń nɨ ɨ ji, ja bwangtǝn kɛl mʊnɔ.

Yohana 7:33

Nǝngɔ Yesu a jǝla gɔ, “Kwama mǝ yɨ lɛ nǝbɔ jeni a taam nǝn dǝm nyɔ, sǝ n yǝla n shu a daagɔ nʊ nɨ a twam ɨɨ.

Maajɨ Bɛtɔ Twamagɨɨ 3:21

Yesu yɨ yɨ a mʊgɔ dʌbʌl kwama, a yɔ nǝn a kwama nɨ jǝ fɛ kanjǝlɔ lɛ gwam a yǝlam a fɨɨ, kanga Kwaama a sʊwa galɨgǝn a nyiyo nǝbkuwotǝmkǝga gǝnɔ gǝmɨ, nǝb sagsagɔ.

Roma 12:5

a dul kɛl nɨ, bǝn nɨ sul bǝ lada nyɨɨ, bǝ yǝlam bʊtɔgɔ win a mʊgɔ Kiristii, gwam bǝnɔ bǝ mʊrka bǝ yǝlam win.

Roma 9:17

Mʊlalɨgɔ kɛl Kwaamaɨ a sʊwa Firauna gɔ, “N dǝg ń ń yǝlam fɔlɔ sǝ n nʊng kwaan mǝndɨ a gola mʊn, sǝ ja sʊwa dun mǝndɨ a yooligɔ gǝm gwam.”

1 Korinti 1:10

N kela jen kɛtǝlam mɨ, a mʊgɔ dun Yesu Kiristi Tɛlalɔ bǝnɨ, pʌd jenɔ bɛ nyiyo jenɔ a yǝlam win. Ka beltǝm ya dɔ lɛ kʊm jen. Bɛ jǝ́ mʊrka dul, bʊʊlalɨgɔ win, maajɨgɔ win.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Afisa 4:4

Bʊtɔgɔ win, Yʊwagɔ win, kanga a jo jen a dul yatǝm nǝl nɨ win kwama a jom jeni.

Filibii 2:9

A na nyɔ Kwaama a gung gǝn a dʌbʌli, a nǝ gǝn dun nɨ a laa tangǝn duntɨnɔ gwamɨ,

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 9:24

Jʊ a bwɨɨ, Kiristi a dɔ bɔ kaa lɔ tǝlatǝm twama wʊnɨ nǝfili a mɔɨ, wʊnɨ nǝn gɔ n jelkalǝng lɔ dʌbʌli. A dɔ dʌbʌlɔ tǝgǝn sǝ a nʊng dul gǝnɔ a kǝga Kwaamaɨ a kɛl dul bǝn.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

1 Yohana 3:12

Ka bǝ yǝlam lɛ na Kayinu, nʊ nɨ a yǝlam a mammɨ, a jʌ kɨla gɨɨ. N wɛ a bwɨ a jʌ gǝnɨ? N kɛl dul maajɨ gǝnɔ wʊnɨ na a bwɨlaɨ, a kɨla gɨɨ n maajɨ dǝngdǝngɨ.

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.

Dʊgam Nyangnyang 15:4

Nuwo mɨsɔ nyʊwa taal mʊnɔ lɛɨ, Tɛlalɔ? Nuwo mɨsɔ dʊʊl dun mʊnɔ lɛɨ? Jʊ a bwɨɨ nǝmɔ win swar mʊ sagsagɨ. Bǝlǝntǝmɔ pʌd ba jǝ jʊng jʊng ja maa mʊn bǝlátǝm, jʊ a bwɨɨ maajɨ nyan mʊnɔ a nʊng.”

Dʊgam Nyangnyang 19:12

Nutɨn gǝnɔ a maa na ben kǝla. A dul gǝn dwang dul fɔlɔntɨnɔ wo a lada! Nǝngǝn nǝn kaa dun nɨ ja mʊla a bʊtɔ gǝnɨ, mɨ nʊ nɨ wo a nyǝmɨ, na ke bɔ gɨɨ.

Dʊgam Nyangnyang 4:8

Pʌd kanjǝl nɨ naal nǝn kʊlɨɨ, gwam jǝ nǝngǝn nǝn bɨlǝntɨnɔ nukun, bʊtɔ jinɔ n nutɨn gwam mʊgɔ jǝbɔ yooli, kum jǝbɔ kɔkɔ mɨ jǝ bǝla sʊwatǝmɔ lɛ gɔ, “Nǝ Sagsag, Nǝ Sagsag, Nǝ Sagsag Tɛlalɔ Kwaama, Nǝ Kwaan! Nǝn gɔ galɨgǝnɨ, nǝn gɔ kǝngkɨɨ, nǝn gɔ tag a kǝgaɨ.”