Yohana 16:30 - Dadiya NT

³⁰ Kǝngkǝnɨ nǝn nyǝm nǝngɔ ń nyǝm kanjǝlɔ gwam. Ń nyǝm gartǝm kɛlɔ na kaa nǝl dɨ bʌtʌmɔ lɛɨ. Wʊnɨ a dǝg nǝn nǝn nǝ bɨlǝngkɛl mʊ jel a daa Kwaama woi.”

Yohana 16:30 ပူးပေါင်းရင်းမြစ်များ

Yohana 16:17

Nǝngɔ kaam bɛtɔ mɛlalɨ gǝnɔ a sʊwaka a kʊm jin gɔ, “N wɛ gǝ nʊng lɛ nǝn sʊwatǝmɔ gɔ, ‘A kǝlɨ kumtɨn mɨsɔ jǝ́ kuwo i lɛ. A kǝlɨ kumtɨn tag a gul jʊ nɨ, jǝ́ kuwo i kuwo i.’ Wɛ tag gǝ nʊng lɛ nǝn sʊwatǝmɔ gɔ, ‘jʊ a bwɨɨ mǝ yi a daagɔ Tɛtɛ woi?’ ”

Yohana 16:23

Nǝn kwama gɔ mɨsɔ jǝ́ bʌ i kaa kɛl lɛ. N bɨlǝngkɛl mǝ sʊwa jen nɛɨ, Tɛtɛ nǝ jen nǝ jʊ nɨ gwam jǝ́ kela a mʊgɔ dun mɨɨ.

Yohana 16:26

Nǝn kum gɔ jǝ́ maa maa keligɔ a mʊgɔ dun mɨ. Jǝ́ kel kel Tɛtɛ nǝn kang jen, ke bɔ mǝ mǝ kela gǝn nɛ a kɛl dul jeni.

Yohana 16:31

Nǝngɔ Yesu a jǝla ji gɔ, “Kǝngkǝnɨ jǝ́ nǝ bɨlǝngkɛlɨ ka?

Yohana 17:8

Jʊ a bwɨɨ kɛl nɨ mʊ sʊwa ɨɨ, n sʊwa ji. Ja yo, ja nyǝm n bɨlǝngkɛl mǝ jel a daa mɔ woi, ja nyǝm bɨlǝngǝn nǝmɔ mʊ twam ɨɨ.

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Yohana 5:20

Tɛ bwɛ swɨ Bwɛ lɛ, gǝ nʊng gǝn nʊng kanjǝl nɨ gwam gǝ maa lɛɨ. Bɨlǝngǝn tag nʊng gǝn nʊng maajɨtɨn nɨ a laa jʊtǝb nɨ, sǝ jǝ́ ta kang a nyiyo.

Yohana 8:42

Yesu a sʊwa ji gɔ, “Na na Kwaama nǝn Tɨya jeni, na jǝ́ swɨ ɨ lɛ, jʊ a bwɨɨ mǝ jel a daa gǝ woi, kǝngkɔ mǝ wɔ. Ke bɔ mǝ mǝ bɛ nǝn kang mɨɨ. Nǝn Kwaama a twam ɨɨ.

Ibranii 4:13

Mɨ kaa jǝ fwaltǝm nɨ wo wuu Kwaama gǝm lɛɨ. Kanjǝlɔ gwam gǝ na a talɨ. Ja mɨɨl gǝn a nu nʊ nɨ bǝ kiyo jʊ lɛ bǝ maaɨ a kǝga gǝnɨ.