Yohana 16:16 - Dadiya NT

¹⁶ “A kǝlɨ kumtɨn, mɨsɔ jǝ́ kuwo i lɛ. A kǝlɨ kumtɨn tag a gul jʊ nɨ, jǝ́ kuwo i kuwo i.”

Yohana 16:16 ပူးပေါင်းရင်းမြစ်များ

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Yohana 12:35

Nǝngɔ Yesu a sʊwa ji gɔ, “Nyalǝmɔ gǝ na jǝbɔ jen, kumtɨnɔ mɨsɔ lada lɛ. Jǝ́ yɔ yɔmɔ kwama nyalǝmɔ jǝbɔ jeni, kage kumtojiligɔ a nya jen. Nʊ nɨ yɔ yɔm lɛ a kumtojilii, mɨsɔ nyǝm daa nɨ lɛ gǝ shum lɛ woi.

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 13:33

“Jen jǝ́ bɛtɔ dwalǝn mǝndɨ, a bǝla kumtɨnɔ nǝn dǝm nyɔ mǝ na lɛ nǝbɔ jeni. Jǝ́ saa ɨ saa ɨ, mɨsɔ jǝ́ nya ɨ lɛ. Mǝ sʊwa jen nɛ kǝngkɔ, kanga mǝ sʊwa Yahudawagɔ mǝʊ, ‘Daa nɨ mǝ yilomi, mɨsɔ jǝ́ dwal lɛ jǝ́ yɔ wo.’

Yohana 16:10

Bʊʊlalɨ jinɔ mɨ dǝngdǝng a jʊ nɨ dǝngdǝngɨ, jʊ a bwɨɨ mǝ yi a daagɔ Tɛtɛ woi, mɨsɔ jǝ́ kuwo i lɛ wo tag.

Yohana 16:22

Gǝ na nyɔ a daa jen woi. Kǝngkǝnɨ jǝ́ na a bʊwaka nǝl. Mǝ yǝla yǝla n kuwo jen, la jǝ́ maa maa fulotǝm nǝl. Mɨ nǝn jʊ nɨ yem jem fulotǝm nǝl nɨ lɛɨ.

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 16:5

“Kǝngkǝnɨ mǝ yǝla mǝ yi a daa nʊ nɨ a twam ɨɨ. Mɨ nǝn nʊ nɨ a kʊm jen a bʌ i gɔ, ‘Mʊ yi a fei?’

Yohana 17:13

“Kǝngkǝnɨ mǝ yilo a daa mɔ woi. Mǝ sʊwa kanjǝl nɨ lɛ mǝ a yooli, sǝ nǝb nɨ bwang mɨ lɛɨ a nya fulotǝm nǝl mǝndɨ nyangǝn a mʊgɔ nǝl jinɔ gǝm.

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 7:33

Nǝngɔ Yesu a jǝla gɔ, “Kwama mǝ yɨ lɛ nǝbɔ jeni a taam nǝn dǝm nyɔ, sǝ n yǝla n shu a daagɔ nʊ nɨ a twam ɨɨ.

Maajɨ Bɛtɔ Twamagɨɨ 1:3

A gul bwaa gǝnɔ gǝm, a nʊng dul gǝnɔ a golantɨnɔ gǝm nǝn dʌmʌn naagɔ a gǝlala a daa ji woi, sǝ a nʊng ji gɔ, gǝ nǝn kʊlɨ. A maa kumɔ fʊltǝnaal nʊng dul gǝnɔ lɛ. Sʊwa kɛlɔ lɛ a dul kanjǝl fɔlɔn lɔ Kwaamaɨ.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.