Yohana 16:14 - Dadiya NT

¹⁴ Yʊwagɔ nɨ ɨ nɨ ɨ dʊʊn a gola sʊwatǝm jen kɛl mǝndɨɨ.

Yohana 16:14 ပူးပေါင်းရင်းမြစ်များ

Yohana 14:21

Gwam nʊ nɨ a nyǝm diil mǝndɨ bwangtǝn nɛɨ, nǝn gɔ nʊ swɨ ɨ lɛɨ. Nʊ nɨ swɨ ɨ lɛɨ, Tɛtɛ mɨ swɨ gǝn swɨ. Mǝ tǝmɨ mǝ swɨ gǝn swɨ, mǝ nʊng nʊng dul mǝndɨ a daa gǝ woi.”

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

1 Korinti 12:3

A na nyɔ mǝ sʊwa jen nɛ, gɔ mɨ nǝn nʊ nɨ sʊwa kɛl lɛ nǝn Yʊwa Kwaamaɨ sǝ a sʊwa gɔ, “N lag Yesui!” Mɨ nǝn nʊ nɨ sʊwa lɛ gɔ, “Yesu nǝn Tɛlalɔɨ,” na ke bɔ a daagɔ kwaan Yʊwa Kwaamaɨ woi.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

1 Bitrus 2:7

Kǝngkɔ jen nɨ jǝ́ nǝ bɨlǝngkɛlɨ, tɛl nɨ n jǝ nyan. A daagɔ nǝb nɨ a kɔ nǝtǝm bɨlǝngkɛlɨ, “Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ,”

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

1 Yohana 5:6

Yesu Kiristi a bɛ a yooli nɨ, a bɛ a gola mwɛ jǝbɔ tʊʊm, ke bɔ a gola mwɛ kwaagɔ a bɛɨ, n gola tʊʊm tǝgǝn. Yʊwa Kwaamaɨ nǝn gɔ nǝ nǝtǝm nyiyogɨɨ, jʊ a bwɨɨ Yʊwagɔ nǝn gɔ n bɨlǝngkɛlɨ.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”