Yohana 16:13 - Dadiya NT

¹³ Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Yohana 16:13 ပူးပေါင်းရင်းမြစ်များ

Yohana 12:49

Kanjǝl nɨ mǝ mɛla jem lɛɨ, ke bɔ a daa mǝ woi. Tɛtɛ mɨ nɨ a twam ɨɨ, nǝn gɔ a nɨ ɨ diil nɨ gwam mǝ sʊwa lɛ, mǝ kiyo lɛɨ.

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Yohana 14:26

Nǝ tɨkalɨ nɨ n Yʊwa Kwaamaɨ, wʊnɨ Tɛtɛ twam lɛ a mʊgɔ dun mɨɨ, nǝn gɔ mɛla jem kanjǝl nɨ lɛ gwamɨ, sǝ a bʊʊla jem kɛltɨn nɨ gwam mǝ sʊwa jeni.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

Yohana 16:12

“Mǝ nǝn kanjǝl a gǝlala tag na mǝ sʊwa jen nɛɨ, kǝngkǝnɨ mɨsɔ jǝ́ dwal lɛ jǝ́ do.

Yohana 3:32

Gǝ nǝ nyiyo a jʊ nɨ ga nyʊwaɨ jǝbɔ jʊ nɨ ga kuwoi sul, mɨ nǝn nʊ nɨ a jǝla nǝn kɛl gǝnɨ.

Yohana 8:38

Mǝ sʊwa jen jʊ mǝ kuwoi a daagɔ Tɛtɛ mɨ woi. Jen jǝ́ maa jʊ nɨ jǝ́ nyʊwa a daagɔ tɛtɛ jen woi.”

Maajɨ Bɛtɔ Twamagɨɨ 11:28

Win a kʊm jin wʊnɨ jǝ jo lɛ gɔ Agabusi, a gun a tɨ tɨɨ a sʊwa kɛlɔ nǝn kwaan Yʊwa Kwaamaɨ gɔ jǝ maa maa gʌleng jʊwan bwɨla a yooligɔ gǝm gwam. (Jʊ nɨ a bwɨ nǝn kwama fɔlɔn Kalaudiyasɨ).

Maajɨ Bɛtɔ Twamagɨɨ 20:23

N nyǝm Yʊwa Kwaamaɨ sʊwa ɨ lɛ a tuulɔtɨnɔ gǝm gwam gɔ, kubʌltǝmɔ wo a lɔsomi jǝbɔ nɔɔtǝm gaalan bwɨlagɔ yam ɨ lɛ.

Maajɨ Bɛtɔ Twamagɨɨ 27:24

A sʊwa gɔ, ‘Ka ń nyʊwa lɛ taal, Bulus. Bɨlǝngǝn mʊ tɨ tɨ a kǝga Kaisarɨ. N wɔ tag n kɛl dul mʊn Kwaama a mʊgɔ bʊnatǝm gǝn bʊʊ lɛ nǝn fatǝm yɔm mʊnɔ gwamɨ.’

2 Tasalonikaɨ 2:12

sǝ a mwɛ nǝb nɨ gwam a kɔ nǝtǝm bɨlǝngkɛlɨ, jǝ nyʊwa lǝma maatǝm shil lɛɨ.

2 Tasalonikaɨ 2:3

Bɛ ka jǝ́ jǝla lɛ kaa nǝl a swag jen dǝm, jʊ a bwɨɨ, kɔkɔ nɨ mɨsɔ lǝga lɛ a bɛ, na ja maa bɔ gotatǝm nɨ nǝn kwamagɔ fɔlɔ kutʌm bwɨla nɨ jelʌm lɛɨ, nʊ nɨ kala lɛɨ.

Ibranii 1:1

Nǝn galɨgǝn, Kwaama a sʊwa tʊgam tʊgalam bǝnɨ kɛl naagɔ a gǝlala, a golantɨnɔ gǝm a lada nǝn dʌmʌn a nyiyo nǝbkuwotǝmkǝgagɨɨ.

1 Yohana 2:20

A jenɔ Nǝ Sagsagɔ a gul jem bwiyel. Pʌd jenɔ jǝ́ nyǝm bɨlǝngkɛlɔ.

1 Yohana 2:27

Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.

1 Yohana 4:6

A bǝnɔ bǝ na a Kwaamaɨ. Nʊ nɨ a nyǝm Kwaamaɨ, gǝ nyʊwa bǝn nyʊwa. Nʊ nɨ ke bɔ a Kwaamaɨ, mɨ gǝ nyʊwa bǝn nɛ. Bǝ nyǝm nǝ Yʊwa bɨlǝngkɛlɔ nyɔ jǝbɔ nǝ yʊwa gabakɛlɔ.

1 Yohana 5:6

Yesu Kiristi a bɛ a yooli nɨ, a bɛ a gola mwɛ jǝbɔ tʊʊm, ke bɔ a gola mwɛ kwaagɔ a bɛɨ, n gola tʊʊm tǝgǝn. Yʊwa Kwaamaɨ nǝn gɔ nǝ nǝtǝm nyiyogɨɨ, jʊ a bwɨɨ Yʊwagɔ nǝn gɔ n bɨlǝngkɛlɨ.

Dʊgam Nyangnyang 1:1

Langǝn bwangǝn nɨ gǝ sʊwa jʊ Kwaama a nǝ Yesu Kiristii, sǝ a sʊwa bɛtɔ jwaalɛn gǝnɔ jʊ nɨ bwɨ bwɨ mɨsɔ kʊta lɛ. Nǝngɔ Kiristi a twam bwɛ twama Kwaamaɨ sǝ a sʊwa bwɛ jwaalɛ gǝnɔ Yohana kɛl nɨɨ.

Dʊgam Nyangnyang 1:19

“Bɛ ń mʊla kanjǝl nɨ mʊ kuwoi, jǝbɔ kanjǝl nɨ wo kǝngkɨɨ, jǝbɔ kanjǝl nɨ bɛ lɛ a kǝgaɨ.