Yohana 15:20 - Dadiya NT

²⁰ Jǝ́ bʊʊla nǝn jʊ mǝ sʊwa jeni mǝʊ, ‘Bwɛ jwaalɛ mɨ gǝ laa tɛlalɔ gǝnɔ lɛ.’ Na ja nɨ ɨ gaalanɨ, jen tʌjen jǝ nǝ jen nǝ gaalan. Na ja bwangtǝn kɛl mǝndɨ, jǝ bwangtǝn bwang a jenɔ.

Yohana 15:20 ပူးပေါင်းရင်းမြစ်များ

Matta 10:24

“Bwɛ mɛlalɨ mɨsɔ laa feyi gǝnɔ lɛ. Bwɛ jwaalɛ mɨsɔ laa tɛlalɔ gǝnɔ lɛ.

Markus 10:39

Nǝngɔ ja jǝla gǝn gɔ, “Nǝn dwal dwal.” Yesu a sʊwa ji gɔ, “Kʌshi nɨ mǝ nɔɔm lɛɨ jǝ́ nɔɔ nɔɔ nǝn. Mwɛ sagsag nɨ jǝ yʊ ɨ lɛɨ, jǝ yʊ jen yʊ nǝn.

Luka 2:34

Saminu a ya jim bwiligɔ. Nǝngɔ a sʊwa nyɨya gɔ Maryamu gɔ, “Bwɛ nɨ nǝn gɔ Kwaama a fɛka sǝ a dǝg nǝbɔ Israilaɨ a lada ja yala, sǝ a gung nǝbɔ a lada, sǝ a yǝlam jǝ nʊngtǝm nɨ nǝbɔ kɔ lɛɨ.

Luka 6:40

Nǝ mɛlalɨ mɨ gǝ laa feyi gǝnɔ lɛ. Na nǝ mɛlatǝm nɨ a nyǝm jʊ ja mɛla gǝmɨ, yǝlam na feyi gǝnɔ.

Yohana 10:31

Nǝngɔ Yahudawagɔ a yǝla tag ja wɔɔ tɛlɔ sǝ jǝ mala gǝn ja jʌi.

Yohana 11:57

Ja bʌ jʊ nɨ, jʊ a bwɨɨ dʊʊm nǝbkǝlamɔ jǝbɔ nǝbɔ Farisaɨ ja kwɛl ja ga diil gɔ gwam nʊ nɨ a nyǝm daagɔ Yesu woi, a bɛ ba sʊwa ji, sǝ jǝ ta gǝn.

Yohana 13:16

Bɨlǝngkɛl mǝ sʊwa jen nɛɨ, bwɛ jwaalɛ mɨ gǝ laa tɛlalɔ gǝnɔ lɛ. Bwɛ twama mɨ gǝ laa nʊ nɨ lɛ a twam gǝnɨ.

Yohana 5:16

Nǝngɔ Yahudawagɔ a tǝl saatǝm naa Yesui, jʊ a bwɨɨ maa kanjǝl nɨ lɛ nǝn Kum Fǝbtǝm.

Yohana 7:32

Nǝbɔ Farisaɨ a nyʊwa nǝbɔ sʊwa kɛl lɛ daddad a kʊm jin a dul Yesui, nǝngɔ dʊʊm nǝbkǝlamɔ jǝbɔ nǝbɔ Farisaɨ ja twam nǝb tɔɔtǝm Kan Kwaamanɔ gɔ ja ta gǝn.

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Yohana 8:52

Nǝngɔ Yahudawagɔ a sʊwa gǝn gɔ, “Kǝngkɔ nǝn nyǝm mʊ nǝngǝn nǝn yʊwa bwɨla. Ibrahim jǝbɔ nǝbkuwotǝmkǝgagɔ ja bʊlala. Mɔ ń sʊwa mɔʊ nʊ nɨ bwangtǝn mɛlalɨ mʊnɔ lɛɨ, mɔʊ mɨsɔ bʊla lɛ wo.

Yohana 8:59

Yesu a sʊwa kɛl nɨ nyɨɨ, nǝngɔ ja wɔɔ tatǝnɔ jǝ swɨ lɛ ja mala gǝn ja jʌi. Nǝngɔ Yesu a waam, a jel a bǝla Kan Kwaamanɨ.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

1 Korinti 4:12

N mɨbam nǝn nǝ ja lɛɨ. Na ja tuwo nǝnɨ, nǝn dǝg jim dǝg bwili. Na ja nǝ nǝn gaalanɨ, nǝn kʊ kʊ nǝl.

2 Korinti 4:9

Ja ku naa ja fa nǝm, a dǝg bɔ Kwaama a bǝla nǝn. Jǝ gʊba nǝn nɛ a tǝm, a dǝg nǝn bɔ nǝ bʊla.

1 Tasalonikaɨ 2:15

N nǝbɔ a jʌ Tɛlalɔ Yesu jǝbɔ nǝbkuwotǝmkǝgagɨɨ, ja kaa nǝnɨ. Mɨ jǝ maa maajɨ nɨ lɛ Kwaama swɨ lɛɨ. N nǝb kɔtǝm nǝbɨɨ gwam.

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.