Yohana 14:27 - Dadiya NT

²⁷ N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

Yohana 14:27 ပူးပေါင်းရင်းမြစ်များ

Matta 10:26

“Ka jǝ́ nyʊwa lɛ taal jinɔ. Mɨ jʊ nɨ wo ja sum sumi mɨsɔ jǝ wum lɛɨ. Mɨ jʊ nɨ wo ja yʊ yʊɨ mɨsɔ jǝ nyǝm lɛɨ.

Luka 1:79

sǝ a won a nǝb nɨ yǝm a kumtojilii jǝbɔ nǝb nɨ a nyiyo bwaaɨ, sǝ a yɔ nǝn bǝn a gola yɨm kwamɨgǝn.”

Luka 10:5

“Na jǝ́ dɔ lɔɨ, bɛ jǝ́ yal jǝl jengɔ, ‘Kwaama a nǝ lɔ nɨ bwili lǝma!’

Luka 12:4

“Mǝ sʊwa jen nɛ fatǝlam mɨ, ka jǝ́ nyʊwa lɛ taal nǝb nɨ swɨ jʌtǝm jenɔ lɛɨ. Jǝ jʌ bʊtɔ kwaagɔ, mɨsɔ jǝ jʌ dʊʊmɨgɔ lɛ.

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Yohana 14:1

“Ka jǝ́ kom lɛ dul jenɔ. Bɛ jǝ́ nǝ bɨlǝngkɛl a daa Kwaama woi, jǝ́ nǝ bɨlǝngkɛl a daa mǝ woi tag.

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Yohana 20:19

Nǝn kwaamɨ nǝn dibɨlɨ, bɛtɔ mɛlalɨ Yesui yǝm daagɔ win. Ja nʊngalam nyanga kanɔ jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Nǝngɔ Yesu a bɛ ba tɨ a tɨbǝl jini, a sʊwa ji gɔ, “Bɛ yɨm kwamɨgǝnɔ a na jǝbɔ jen.”

Yohana 20:21

Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”

Yohana 20:26

Kum naalǝbɔ a yii, bɛtɔ mɛlalɨgɔ a mʊrka a mʊgɔ lɔngɨ, Toma wo jǝbɔ ji. Nyanga kanɔ a nʊng nʊngɨ, nǝngɔ Yesu a bɛ ba tɨ a tɨbǝl jini a sʊwa gɔ, “Bɛ yɨm kwamɨgǝnɔ a na jǝbɔ jen.”

Maajɨ Bɛtɔ Twamagɨɨ 10:36

Jǝ́ nyǝm twamagɔ a twam nǝbɔ Israilaɨ gǝmɨ, jǝ sʊwa ji fulon kɛl lǝmɨ na yɨm kwamɨgǝn nɛ a gola Yesu Kiristii. Nǝn gɔ nǝn Tɛlalɔ bǝn gwamɨ.

Maajɨ Bɛtɔ Twamagɨɨ 18:9

Kaa di nǝn kum, Tɛlalɔ a nʊng Bulus a dʊgam nyangnyang gɔ, “Ka ń nyʊwa lɛ taal. Ya ń sʊwa kɛl Kwaamaɨ lɛ. Ka ń yɨ lɛ shig.

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Roma 8:6

Nǝl nɨ gǝ na a kanjǝl bʊtɔɨ, gǝ bɛ bɛ nǝn bwaa. Nǝl nɨ gǝ na a kanjǝl Yʊwaɨ, gǝ bɛ bɛ nǝn kʊlɨ jǝbɔ yɨm kwamɨgǝn.

1 Korinti 1:3

Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

Galatiya 1:3

Bɛ lǝmagɔ jǝbɔ yɨm kwamɨgǝn a Kwaama Tɛtɛɨ jǝbɔ Yesu Kiristii Tɛlalɔ bǝn, a yɨ jǝbɔ jen.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Galatiya 6:16

Bɛ lǝmagɔ jǝbɔ jitǝm bʊnǝnɔ a yɨ jǝbɔ nǝb nɨ gwam bwangtǝn diiltɨn nɨ lɛɨ. Nǝb nɨ nǝn gɔ nǝb Israilaɨ bɨlǝngǝn a Kwaamaɨ.

Filibii 4:7

Dɨsɔ lǝma Kwaamaɨ wʊnɨ a laa nyǝmtǝm bǝnɔ gwamɨ, a tɔɔ nǝl jenɔ jǝbɔ bʊʊlalɨ jenɔ a mʊgɔ Kiristi Yesui.

Kolosii 1:2

Nǝn mʊla nǝb sagsagɔ gǝm lɛ jǝbɔ kambɔ nɨ a ta swatǝm yaa a mʊgɔ Kiristii a Kolosii. Bɛ lǝmagɔ jǝbɔ yɨm kwamɨgǝn a yɨɨ jǝbɔ jen a daagɔ Tɛtɛ bǝn Kwaama woi.

Kolosii 1:20

N gola Kiristii a dɔ kʊm kanjǝlɔ gwam a fɛka nǝn kang gǝnɨ, kanjǝl nɨ gwam a dʌbʌli jǝbɔ kanjǝl nɨ a tǝmɨ. N gola tǝlatǝm tʊʊm gǝn a dʌbʌl tɨya kʊʊtǝm a bɛ nǝn yɨm kwamɨgǝnɨ.

Kolosii 3:15

Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.

2 Tasalonikaɨ 1:2

Bɛ Kwaama Tɛtɛ jǝbɔ Tɛlalɔ bǝn Yesu Kiristi, a nǝ jen lǝma jǝbɔ yɨm kwamɨgǝn.

2 Tasalonikaɨ 3:16

Bɛ Tɛlalɔ nɨ bɛ lɛ nǝn yɨm kwamɨgǝnɨ a nǝ jen yɨm kwamɨgǝn kwangkwang a daa nɨ jǝ́ nya dul jenɔ woi. Bɛ Tɛlalɔ a yɨ dakini jǝbɔ jen gwam.

2 Timoti 1:7

Kwaama a nǝ bǝn bɔ nǝl taal. A nǝ bǝn nǝl kwaan, jǝbɔ nǝl swɨkan jǝbɔ nǝl tatǝm dul.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Ibranii 7:2

Nǝngɔ Ibrahim a nǝ gǝn win a mʊgɔ kʊb a kanjǝlɔ gwamɨ. Nǝn tɨkǝga dun gǝnɔ gǝ nʊng, “Fɔlɔ nǝ dǝngdǝng.” Nǝn gɔ Fɔlɔ Shalimaɨ, gǝ nʊng, “Fɔlɔ yɨm kwamɨgǝn.”

Dʊgam Nyangnyang 1:4

A daagɔ Yohana woi a yɔ nǝn a mʊrkalɨ nǝb bwangtǝm Kwaamaɨ nɨ daatɨnɔ nʌbʌl a tǝm Asiyaɨ. Bɛ lǝmagɔ jǝbɔ yɨm kwamɨgǝnɔ a ta tʌgo gwanggwang a daa jen woi, a daagɔ Kwaama woi, nʊ nɨ wo kǝngkɨɨ, nǝn gɔ galɨgǝnɨ, nǝn gɔ a kǝga nɨ, jǝbɔ daagɔ yʊwatɨnɔ nʌbʌl a kǝga kotere fɔlɔn gǝnɨ,

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”