Yohana 14:26 - Dadiya NT

²⁶ Nǝ tɨkalɨ nɨ n Yʊwa Kwaamaɨ, wʊnɨ Tɛtɛ twam lɛ a mʊgɔ dun mɨɨ, nǝn gɔ mɛla jem kanjǝl nɨ lɛ gwamɨ, sǝ a bʊʊla jem kɛltɨn nɨ gwam mǝ sʊwa jeni.

Yohana 14:26 ပူးပေါင်းရင်းမြစ်များ

Matta 1:18

Bʌtʌm Yesu Kiristii a na nyɔ: Nyɨya gǝ Maryamu nǝn gɔ na bwa naakan nɛ jǝbɔ Yusufu bwayǝlɨ gǝnɨ. A la bɔ kum bwatǝm naakan jinɔ, Yʊwa Kwaamaɨ a dǝg gǝn a do fʌl.

Matta 1:20

Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi.

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Markus 12:36

Dauda nǝn kang gǝn, nǝn kwaan Yʊwa Kwaamaɨ a sʊwa gɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ, ba la nǝn kwama nɨ mǝ ya ń nɛ a dul fatǝm kiim mʊnɨ.” ’

Markus 13:11

Na ja ta jen ja yɔ nǝn jen a kan borangɨ, ka jǝ́ kom lɛ dul jenɔ jengɔ n wɛ jǝ́ gar jim lɛɨ, gwam jʊ nɨ Kwaama a nʊng jeni n jʊ jǝ́ sʊwa lɛ a kwama gɨɨ. N ke bɔ jen jǝ́ gar kɛlɔ lɛɨ, n Yʊwa Kwaamaɨ gar lɛɨ.

Luka 1:15

Yǝlam nǝ dʊʊ a kǝga Kwaamaɨ. Mɨsɔ nɔɔ bʊgɛ lɛ jǝbɔ jʊ nɨ maa gǝn nɛɨ. Jʊ a ta nǝn kwama nɨ a fʌl nɛnɛ gɨɨ, Yʊwa Kwaamaɨ gǝ na jǝbɔ gɔ.

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

Luka 1:41

Kwama nɨ Alisabatu a nyʊwam diil Maryamui yal gǝn nɛɨ, nǝngɔ bwɛ nɨ a fʌl gǝnɨ a mǝgaɨ, Yʊwa Kwaamaɨ tag a yii Alisabatu.

Luka 1:67

Yʊwa Kwaamaɨ a yii tɨya gɔ Zakariyaɨ, nǝngɔ a sʊwa gɔ,

Luka 11:13

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ Yʊwa Kwaamaɨ lɛ a nǝb nɨ a kela gǝnɨ!”

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Luka 24:49

Ya mǝ twam jen twam jʊ Tɛtɛ mɨ a maa jem swatǝm yaaɨ. Jǝ́ yɨ fɔ a mʊgɔ Urushalima, ba la nǝn kwama Kwaama nǝ jen kwaan nɨ lɛ bɛ lɛ a dʌbʌli.”

Luka 3:22

Yʊwa Kwaamaɨ a gǝla a dul gǝnɔ gǝm nǝn kaa jelkalǝng na kumfiyo. Nǝngɔ ja nyʊwa diilɔ a dʌbʌl gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Yohana 1:33

A kwama gɔ mǝ nyǝm bɔ mǝʊ nǝn gɔ. Kwaama nɨ a twam mɨ gɔ n yʊ nǝbɔ mwɛ sagsagɨɨ, nǝngɔ a sʊwa ɨ gɔ, ‘Nʊ nɨ mʊ kuwo Yʊwa Kwaamaɨ a gǝla a yɨ a dul gǝnɨ, nǝn gɔ yʊ nǝbɔ mwɛ lɛ nǝn Yʊwa Kwaamaɨ.’

Yohana 12:16

Nǝn tɨkǝga bɛtɔ mɛlalɨ gǝnɔ ja nyǝm bɔ jʊ nɨ. Kwama nɨ Kwaama a gung Yesu a bwaaɨ, nǝngɔ ja bʊʊla gɔ jǝ maa mʊlalɨ nɨ a dul gǝn, ja bʊʊla gɔ nǝbɔ a maa kanjǝl nɨ kanga ja mʊlaɨ.

Yohana 14:16

Mǝ kel kel Tɛtɛ, a nǝ jen kaa Nǝ tɨkalɨ, sǝ a yɨ jǝbɔ jen mɨ dɨtǝm wo.

Yohana 14:25

“Gwam jʊ nɨ mǝ sʊwa jen kwama bǝ dakinii.

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

Yohana 16:7

Mǝ sʊwa jen bɨlǝngkɛlɔ lɛ, mǝ shu sǝ ya n maa jʊ nɨ a bʊm jemi, jʊ a bwɨɨ na mǝ shu bɨɨ, Nǝ tɨkalɨgɔ mɨsɔ bɛ lɛ. Na n yǝla shui, dɨsɔ la n twam jem gɔ.

Yohana 2:22

Nǝn kwama ja gung Yesu a bwaaɨ, nǝngɔ bɛtɔ mɛlalɨ gǝnɔ a bʊʊla nǝn jʊ Yesu a sʊwaɨ, nǝngɔ jǝ nǝ bɨlǝngkɛl a mʊlalɨ kɛl Kwaamaɨ, jǝbɔ kɛl nɨ Yesu a sʊwaɨ.

Yohana 20:22

A sʊwa nyɨɨ, nǝngɔ a fǝ jim fǝbǝm gǝnɨ, a sʊwa ji gɔ, “Jǝ́ yo Yʊwa Kwaamaɨ.

Yohana 6:45

Ja mʊla mʊlaɨ a mʊgɔ langǝn bwangǝn nǝbkuwotǝmkǝgagɨɨ, sʊwa lɛ gɔ, ‘Pʌd jinɔ nǝn Kwaama mɛla jim lɛɨ.’ Pʌd nʊ nɨ a nyʊwa, a mɛla a daagɔ Tɛtɛ woi, bɛ bɛ a daa mǝ woi.

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Maajɨ Bɛtɔ Twamagɨɨ 1:4

Nǝn kwama dakini jǝbɔ jii, a ga jim diil gɔ, “Ka jǝ́ bǝla lɛ Urushalimagɔ dɨn. Bɛ jǝ́ yam swatǝm yaa Tɛtɛ mɨɨ a yii dɨn, wʊnɨ mǝ sʊwa jeni.

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Maajɨ Bɛtɔ Twamagɨɨ 11:16

Nǝngɔ mǝ bʊʊla kɛl Tɛlalɔɨ, kanga a sʊwaɨ gɔ, ‘Yohana a yʊ ji mwɛ sagsag nǝn mwɛ. A jenɔ n Yʊwa Kwaamaɨ jǝ yʊ jen nɛ nǝnɨ.’

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Maajɨ Bɛtɔ Twamagɨɨ 13:4

Barnaba jǝbɔ Shawulu nǝb nɨ Yʊwa Kwaamaɨ a twam jii, ja shu a tuulɔ Salukiya. A fʌlen, nǝngɔ ja dɔ tɨyamwɛngɔ ja gǝla a tǝm Sayifurus nɨ a tɨbǝl wɨmaɨ.

Maajɨ Bɛtɔ Twamagɨɨ 15:28

Yʊwa Kwaamaɨ a kuwo a bʊm nyɔ, nǝn tǝnǝn nǝn kuwo a bʊm nyɔ, mɨsɔ nǝn ya jem kanjǝl nɨ laa kwaan jenɔ lɛɨ, na ke bɔ kanjǝl nɨɨ.

Maajɨ Bɛtɔ Twamagɨɨ 15:8

Kwaama wʊnɨ a nyǝm nǝl nǝbɨɨ, a nʊng gɔ gǝ yo ji. A nǝ ji Yʊwa Kwaamaɨ kanga a nǝ bǝnɨ.

Maajɨ Bɛtɔ Twamagɨɨ 16:6

Nǝngɔ ja kɛla tǝm Firijiyagɔ jǝbɔ Galatiyaɨ, jʊ a bwɨɨ Yʊwa Kwaamaɨ a kaa ji wo a sʊwatǝm kɛl Tɛlalɔɨ a Asiya.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Maajɨ Bɛtɔ Twamagɨɨ 20:35

A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”

Maajɨ Bɛtɔ Twamagɨɨ 28:25

Ja jǝlaka bɔ a dul kɛl. Ja bǝla bɔ daa gɔ, nǝngɔ Bulus a sʊwa kaa kɛl win gɔ, “Yʊwa Kwaamaɨ a sʊwa bɨlǝngkɛl. A sʊwa tʊgalam jenɔ kɛl a nyiyo Ishayaɨ nǝkuwotǝmkǝga gɔ,

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

Maajɨ Bɛtɔ Twamagɨɨ 7:51

“Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ!

Maajɨ Bɛtɔ Twamagɨɨ 7:55

Yʊwa Kwaamaɨ a kwɛl a yii bʊtɔ Istifanusi, a tal nu gǝnɔ dʌng dʌbʌlɔ lɛ. Kuwo dʊʊn Kwaamaɨ lɛ, jǝbɔ Yesu tɨm a kang jajǝng Kwaamaɨ.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

Roma 5:5

Yatǝm nǝlɔ mɨ gǝ bɛ lɛ nǝn gunidul, jʊ a bwɨɨ Kwaama a kwɛl a tal swɨtǝm gǝnɔ a nǝl bǝnɔ gǝm, a gola Yʊwa Kwaamaɨ nɨ ga nǝ bǝnɨ.

1 Korinti 12:3

A na nyɔ mǝ sʊwa jen nɛ, gɔ mɨ nǝn nʊ nɨ sʊwa kɛl lɛ nǝn Yʊwa Kwaamaɨ sǝ a sʊwa gɔ, “N lag Yesui!” Mɨ nǝn nʊ nɨ sʊwa lɛ gɔ, “Yesu nǝn Tɛlalɔɨ,” na ke bɔ a daagɔ kwaan Yʊwa Kwaamaɨ woi.

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

2 Korinti 13:14

Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.

2 Korinti 6:6

Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya.

Afisa 1:13

N daa Kiristii, jen tʌjen jǝ́ yǝlam nǝb Kwaamaɨ nǝn kwama jǝ́ nyʊwa kɛl bɨlǝngkɛlɨ, fulon kɛl lǝmɨ nyatǝm bʊʊtǝm jenɔ. Nǝn kwama jǝ́ nǝ bɨlǝngkɛl a daagɔ Kiristi woi, Kwaama a ka jem kwatɨ. Kwatɨ nɨ n Yʊwa Kwaamaɨ wʊnɨ a swa yaa gǝ nǝ bǝn nǝɨ.

Afisa 1:17

N tɨtǝn keltǝm Kwaama Tɛlalɔ bǝn Yesu Kiristii, Tɛtɛ Nǝ dʊʊlǝn, a nǝ jen Yʊwa nɨ nǝ yʊlan nɛ jǝbɔ nʊngtǝm a nyǝmtǝm Kwaamaɨ.

Afisa 4:30

Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.

1 Tasalonikaɨ 4:8

Gǝ na nyɔ, gwam nʊ nɨ a kɔ jǝlatǝm nǝn mɛlalɨ nɨɨ, n ke bɔ nǝl ga kɔɨ, nǝn Kwaama ga kɔɨ, gǝ nɨ nǝ jen Yʊwa gǝnɔ lɛɨ.

2 Timoti 1:14

Jǝ bʊmɨ nɨ Kwaama a nǝ ńɨ, bɛ ń tɔɔ gǝn a gola tɨkalɨ Yʊwa Kwaamaɨ, a wʊnɨ yǝm a mʊgɔ nǝl bǝnɨ.

Titus 3:5

nǝngɔ a bʊʊ nǝn bǝnɨ. Ke bɔ kaa maajɨ dǝngdǝng a wʊnɨ bǝ maaɨ. Mɨ nyɔ. A ji bʊnǝn bǝn. A bʊʊ nǝn bǝn a gola nǝtǝm Yʊwa Kwaamaɨ, wʊnɨ a saalǝm bǝn a fʌto bǝn bǝ yǝlam bʌtʌm fɨɨ.

Ibranii 10:15

Yʊwa Kwaamaɨ a nǝ nyiyo a dul bǝn nǝn tɨkǝga a sʊwa gɔ,

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.

Ibranii 3:7

N dul kɛl nɨ, kanga Yʊwa Kwaamaɨ a sʊwa gɔ, “Dwiyen na jǝ́ nyʊwa diil gǝnɨ,

Ibranii 9:8

A gola nɨ Yʊwa Kwaamaɨ gǝ nʊng gɔ ka ja wum lɛ Daagɔ a Laa Sagsagɨɨ dɨn, na kan na tɨkǝgagɔ maa maajɨ lɛɨ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

2 Bitrus 1:21

Jʊ a bwɨɨ mɨ kaa kɛl kuwotǝmkǝga nɨ wo a bɛ a bʊʊlalɨ nǝfilii. N Yʊwa Kwaamaɨ a dɔ nǝl nǝbɨɨ a dǝg ji sǝ ja sʊwa jʊ ja yo a daagɔ Kwaama woi.

1 Yohana 2:20

A jenɔ Nǝ Sagsagɔ a gul jem bwiyel. Pʌd jenɔ jǝ́ nyǝm bɨlǝngkɛlɔ.

1 Yohana 2:27

Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.

1 Yohana 5:7

Kanjǝl nǝtǝm nyiyogɔ wo taal,

Yahuza 1:20

Jǝ́ fatǝm nyan mǝndɨ, bɛ jǝ́ sʊtǝn mɔtǝm dul jenɔ a nǝtǝm bɨlǝngkɛl jenɔ gǝm wʊnɨ sagsagɨɨ. Ya jǝ́ maa keli lɛ nǝn tɨkalɨ Yʊwa Kwaamaɨ.

Dʊgam Nyangnyang 2:11

“Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, bwaa na yogɔ mɨsɔ nya kwaan nɛ a dul gǝn.